ҚОҚАТО «Caspian Sea Action Week 2026» ашылуына қатысты

     2026 жылдың 6-тамызында Ақтау қаласында Каспий теңізін қорғауға бағытталған «Caspian Sea Action Week 2026» халықаралық іс-қимыл апталығының салтанатты ашылуы өтті.
     Іс-шара сегіз мемлекеттің өкілдерін біріктіріп, Каспий теңізінің бірегей экожүйесін сақтаудың өзекті мәселелерін талқылауға арналған халықаралық алаңға айналды.
     Халықаралық апталыққа Каспий маңы мемлеткеттері, сондай-ақ Тәжікстан, Қырғызстан, Өзбекстан елдерінен волонтерлік қауымдастық өкілдері мен еліміздің 20 өңірінен 150-ге жуық жас қатысты.
     Ашылу рәсіміне Қазақстан Республикасы Экология және табиғи ресурстар министрлігінің «Қоршаған ортаны қорғаудың ақпараттық-талдау орталығы» ШЖҚ РМК бас директоры Кожумов Асхат Сұлтанбекұлы қатысты.
     Іс-шара қонақтарының қатарында Қазақстан Республикасы Экология және табиғи ресурстар министрлігі Экологиялық мәдениет және саясат департаментінің директоры Есмағамбетов Дәулет Бекбатырұлы да болды.
     Құттықтау сөзбен Маңғыстау облысының әкімі Қилыбай Нұрдәулет Игілікұлы сөз сөйледі. Ашылу рәсіміне телемост арқылы Атырау облысының басшылары мен өкілдері, сондай-ақ Баку, Астрахань және Балқанабат қалаларының басшылары мен өкілдері қосылды.
     «Caspian Sea Action Week 2026» апталығы Каспий теңізінің экологиялық жағдайына қоғам назарын аударуға, халықаралық және өңіраралық ынтымақтастықты нығайтуға, тәжірибе алмасуға және оның бірегей экожүйесін сақтау жолындағы ортақ күш-жігерді біріктіруге бағытталған.
     ҚОҚАТО-ның іс-шараға қатысуы Орталықтың экологиялық өзара іс-қимылды дамыту, экологиялық жауапкершілікті арттыру және қоршаған ортаны қорғауға бағытталған бастамаларды ілгерілету жөніндегі жүйелі жұмысының жалғасы болды.
     Каспий теңізін сақтау - біздің ортақ жауапкершілігіміз және болашақ ұрпақ алдындағы ең маңызды міндет.