Дереккөз: wwwkz.energo.gov.kz
2017 жылғы 18 тамызда Заң жобалау қызметi мәселелері жөніндегі ведомствоаралық комиссияның отырысында «Парниктік газдар және озонды бұзатын заттарды реттеу мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасының тұжырымдамасы қарастырылды және талқыланды.
Парниктік газдарды және озонды бұзатын заттарды реттеу, климаттың өзгеруіне бейімделу және қалдықтарды мемлекеттік басқару салаларындағы ұлттық заңнаманы тұрақты дамудың мақсаттарына және елдің әлеуметтік-экономикалық өсуіне сәйкес келетін Париж келісімі, Біріккен Ұлттар Ұйымының Негіздемелік конвенциясы мен Монреаль хаттамасы шеңберінде қабылданған халықаралық міндеттемелерге сәйкестендіру аталған заң жобасын қабылдау мақсаттары болып табылады.
ВАК-тың отырысына мемлекеттік органдар, сондай-ақ «Заң жобалау қызметі мәселелері жөніндегі ведомствоаралық комиссия туралы» Қазақстан Республикасы Премьер-Министрінің 2016 жылғы 19 ақпандағы өкімімен бекітілген ВАК-тың мүшелері және басқа да мүдделі тұлғалар қатысты.
ҚР ЭМ Баспасөз қызметі