Дереккөз: Қазақстан Республикасы Энергетика министрлігі Ресми интернет ресурс

16 ақпан күні сағат 16:30-да Қазақстан Республикасы Энергетика министрлігінің кеңейтілген алқа отырысының онлайн-трансляциясы өтті.

Дереккөз:«Астана ЭКСПО-2017»

ЭКСПО-2017 халықаралық мамандан-дырылған көрмесінің ұйымдастырушылар кеңсесінде «Астана ЭКСПО-2017» ұлттық компаниясының Басқарма басшысы Ахметжан Есімов АҚШ мемлекеттік хатшысының Оңтүстік және Орталық Азия мәселелері бойынша көмекшісі Ульям Тоддпен кездесті.

Басқосу барысында екі жақ ЭКСПО-2017 көрмесіне дайындық мәселелерін талқылады. Ахметжан Есімов америкалық қонақтарды халықаралық көрмеге дайындық деңгейімен танысырып өтті. Ұлттық компания басшысы 115 мемлекет пен 18 халықаралық ұйымның көрмеге қатысатындығын ресми растағандығын атап өтті. Павильондарды халықаралық қатысушыларға тапсыру бойынша белсенді жүргізіліп жатқандығын тілге тиек етті. Айталық, халықаралық қатысушылардың 18-і өз павильондарын мазмұндық толтыру жұмыстарына кірісіп кетті.

Сонымен қатар, АҚШ делегациясы ЭКСПО-2017 құрлысы алаңы мен ұйымдастырушылар кеңсесінде болды.

«Бүгін біз көрменің құрылыс алаңындағы жұмысымен таныстық. Ұйымдастырушылардың ауқымды еңбегінің куәсі болдық. Халықаралық қауымдастықтың көрмеге деген үлкен қызығушылығы байқалады. Сондықтан дүние жүзіндегі технологиялық лидер ретінде ЭКСПО-2017 көрмесінде абыройлы қатысуы үшін барлық күш-жігерімізді салатын боламыз», – деді Тодд Ульям.

Көрме 2017 жылғы 10 маусымнан бастап 10 қыркүйекті қоса алған аралықта Астана қаласында өткізіледі. Жалпы алғанда, ЭКСПО-2017 халықаралық мамандандырылған көрмесін тамашалауға шамамен 2 миллионнан астам адам келеді және 5 миллион келуші болады деп күтілуде.

Дереккөз: akorda.kz

Мемлекет басшысына энергетика саласын дамытудың басты көрсеткіштері және осы сектордағы жобаларды одан әрі жаңғырту жоспарлары туралы баяндалды.

Кездесу барысында Елбасы энергетикалық шикізат өндіру және қайта өңдеу саласындағы жобаларды іске асыру қажеттігіне назар аударды.

– Қашағанда мұнай өндіру жұмыстары басталды. Теңіз кен орнының аясын кеңейту туралы шешім қабылданды. Сонымен қатар, Қарашығанаққа қатысты мәселе шешімін тапты. Осыған байланысты мұнай өндіру және оны қайта өңдеу көлемін арттыру қажет. Бұл үшін біз мұнай өңдейтін үш зауытты қайта жаңғыртып жатырмыз, – деді Нұрсұлтан Назарбаев.

Сондай-ақ, Қазақстан Президенті газ өндіру, елді газдандыру жұмыстарын жүргізудің, Балқаш жылу электр стансасының құрылысына қатысты мәселелерді шешудің, сондай-ақ энергетика саласындағы нысандарды жекешелендірудің маңыздылығын атап өтті.

Энергетика министрі энергия ресурстарын өндіру жөніндегі жоспардың жекелеген көрсеткіштер бойынша артығымен орындалғаны, сондай-ақ 2016 жылдың қорытындысы бойынша мұнай экспорты артқаны туралы хабарлады.

– Мұнайды өндіру жоспары 75,5 миллион тонна болса, өндірілген мұнайдың нақты көлемі 78 миллион тоннаға жетті. Қашағандағы мұнай өндірісі есебінен жоспардың артығымен орындалғаны байқалады, онда былтыр 1 миллион тоннаға жуық мұнай алынды. Мұнай экспортын 62 миллион тоннаға дейін арттырдық, оның 40 миллион тоннасы Каспий құбыр консорциумы арқылы тасымалданды. Мемлекет қолдауының арқасында алғаш рет 325 мың тонна битум қайта өңделді. Сұйық газ өндірісінің көлемі 136 тоннаға артты, – деді Қ.Бозымбаев.

Сонымен бірге Энергетика министрі Мемлекет басшысына өндірушілер мен трейдерлер арасындағы келісім нәтижесінде автожүргізушілер қажеттілігі үшін жеткізілетін сұйық газ көлемін арттыру, электр энергиясын экспорттау жағдайы, геологиялық барлау жұмыстарын күшейту жөніндегі жоспарлар, сондай-ақ тұтыну нарығындағы күрделі конъюнктураға байланысты уран өндіру көлемін азайту преспективалары туралы баяндады.

Елбасы кездесу қорытындысы бойынша бірқатар нақты тапсырма берді.

Дереккөз: EXPO-2017 Астана

Бүгін ЭКСПО-2017 көрмесінің ұйымдасты-рушылар кеңсесіне Қазақстан Республикасы Сыртқы істер министрі Қайрат Абдрахманов бастаған министрлік басшылығы келді.

Көрме павильондарын қарап шыққаннан кейін, Сыртқы істер министрлігінің делегациясы «Астана ЭКСПО-2017» ұлттық компаниясының Басқармасының Төрағасы Ахметжан Есімовпен кездесті.

Басқосу барысында ЭКСПО-2017 көрмесінің халықаралық қатысушыларымен жұмыс істеу мәселесі бойынша кеңесті.

«Көрмені ұйымдастыру мен өткізу бағытындағы жұмыс қарқыны, шын мәнінде, ерекше әсер қалдырды. Көрменің әлем назарын аудартатын, жоғары деңгейде өткізілетін айтулы іс-шара болатындығына сенімдімін», – деді СІМ басшысы.

Өз кезегінде, Ахметжан Есімов ұлттық компания тарапынан өткен жылы атқарылған жүмыстармен таныстырып, барлығы 150 ресми кездесулердің, оның ішінде шетелдің премьер-министр, вице-премьер, министр  деңгейіндегі 36 шетелдік делегацияның қатысуымен  өткізілгендігін айтып өтті. Бүгінгі таңда, 115 мемлекет пен 18 халықаралық ұйым көрмеге қатысатындығын растады. Демек, ЭКСПО-2017 көрме өткізу тарихындағы сәтті көрмелердің біріне айналып отыр.

Дереккөз: www.24.kz

Универсиада ойындарының соңғы күндері Алматы облысында күн ашық болады.

Түнде аяз білінгенімен, күндіз жылы. Дегенмен, синоптиктердің болжауынша, алдағы күндері еліміздің басым бөлігінде қар жауып, боран соғуы ықтимал. Шығыс, орталық және оңтүстік өңірлерде жауын-шашын болмағанымен, ауа температурасы күрт төмендейді. Түнгі уақытта 33 градусқа дейін суытады.

Айдана Абыхан, «Қазгидромет» РМК инженер-синоптигі:

– Ертең елордамыз Астанада көшпелі бұлтты, жауын-шашынсыз, түнгі ауа температурасы – 17-19, күндіз 9-11-ді құрайды. Ал 8 ақпанда таңертең және күндіз қар жауады. Бұрқасын болады. Және желдің күші 15-20 м/с дейін болуы ықтимал. Түнгі ауа температурасы – 20-22, күндіз 13-15-ті құрайды. 9 ақпанда көшпелі бұлтты. Кей уақыттарда қар жауады. Түнгі ауа температурасы және күндізгі ауа температурасы 13-15-ті құрайды.

Дереккөз: www.24.kz

ЕХРО-ға билет бағасы отандастарымызбен қатар шетелдіктерге де бiрдей болады.

Халықаралық көрмеге кіру құны 4 мың теңгеден 8 мың теңге аралығында бекітілген. Бүгінге дейін 608 мыңға жуық билет сатылған. Сатып алушылардың 12%-ы – шетелдіктер. Астана мен Алматы қалаларында ЕХРО билеттерін сататын 4 арнайы касса жұмыс істеп тұр. Сондай-ақ, билеттер ресми сайт пен еліміздегі «Қазпочтаның» филиалдары және «Меломан» дүкендер желісінде сатылады. Ал, наурыз айынан бастап еліміздің барлық өңірлерінде көрме билеттерін сататын кассалар ашылады. Ұлы Отан соғысының ардагерлері мен мүмкіндігі шектеулі жандар ЕХРО-ға тегін кіре алады. Сонымен қатар студенттер мен оқушылар, көпбалалы отбасыларға 50%-дық жеңілдік жасалады.

Ақсұлу Арзықұлова, «Астана ЭКСПО-2017» ҰК департамент директорының орынбасары:

– 1 ақпаннан бастап билет сатуда өзінің датасын өзгерту функциясын іске қостық. Ол ең алдымен билеттің құны 4 мыңнан басталатын болса, яғни сіз белгіленген күні – 10 маусым мен 10 қыркүйек күні нақты бір датаны белгілеп, таңдап алатын болсаңыз, ол билеттер жұмыс күндері 4 мың теңгеден, ал демалыс күндері 6 мың теңгеден. Ал егер сіз ашық датамен билет сатып алатын болсаңыз, жұмыс күндері 6 мың, ал демалыс күндері 8 мың ол билеттің құны. 

Дереккөз: www.24.kz

Оңтүстік Қазақстан және Жамбыл облыстарында 3 және 4 ақпан күндері қар қалың түсіп, көктайғақ болады.

Сондай-ақ желдің екпіні секундына 30 метрге дейін жетуі ықтимал. Еліміздің өзге де өңірлерінде күн құбылмалы болады.

Саида Бердібекова, «Қазгидромет» инженер-синоптигі:

Ертең Астанада көшпелі бұлтты болады. Күндіз қар жауып, Оңтүстік батыстан жел соғады. Желдің күші 9-14 м/с болады. Ауа температурасы -14,-16 градус аяз. Күндіз 7, -9 болады. Ал 3 ақпан күні қар жауып, бұрқасын болады. Желдің күші – 15-20 м/с. Түнде -18, -20 градус, күндіз -16, -18 градус.