Дерек көз – gov.kz 

ҚР Экология, геология және табиғи ресурстар вице-министрі Серік Қожаниязов жұмыс сапарымен су ресурстарын дамыту бойынша өңірдегі істеліп жатқан жұмыстарды пысықтау, аймақтың биылғы жылғы вегетациялық кезеңге дайындығын білу, сондай-ақ су саласының басқа да мәселелеріне назар аудару мақсатында Түркістан облысы мен Шымкент қаласына барды.

Жұмыс сапарының алғашқы күні вице-министр Түркістан облысындағы аудан, қала әкімдерімен селекторлық режимде жиналыс өткізді. Жиында Түркістан магистральды каналындағы құрылыс жұмыстарының барысы және Сырдария өзенінен машиналық канал салу жобасы, Жетікөл көлдер жүйесін жаңғырту жобалары талқыланды.

Вице-министрдің қатысуымен өткен селекторлық жиынға онлайн форматта қосылған жауапты мамандар облыстағы кей аудандар қазірдің өзінде су тапшлығынан зардап шегуде деп дабыл қақты.

Серік Қожаниязовтың айтуынша, егер берілген тапсырмалар орындалмаса, биыл жағдай айтарлықтай ауыр болмақ.

«Бұл ретте салмақ шаруаларға түспек. Ал, статистикаға көз жүгіртсек, бұл жағдай әр 5-6 жыл сайын қайталануда. Салдарынан орақ науқаны ойдағыдай орындалмауы мүмкін. Сол себепті шаруаларды суды аз қажет ететін өнім түрлерін өндіруге шақырамын» деді,- вице-министр.

Сонымен қатар экология вице-министрі Түркістан облысындағы К-19, К-20, -28, К-30, ПК-73 – Достық магистралды каналдарының каналдарының жұмыс барысымен және ИДЖЖЖ-2 жобасы аясында атқарылып жатқан жұмыстармен танысты.

«ИДЖЖЖ-2 жобасы кезең-кезеңімен күрделі жөндеуден өтіп, қайта қалпына келтірілетін болады», деп атап өтті Серік Қожаниязов.

Жұмыс сапары барысында вице-министр Шымкент қаласындағы нанос құрылғыларын шығаратын «КарлсКронор» ЖШС-нің жұмыстарымен де танысты.

Сондай жауапты мамандарға Жетісай ауданындағы «Машиналық әдіспен су көтеру каналының» арнасын тазалау және қажетті техникалармен қамтамасыз ету бойынша іс-шаралар жоспарын дайындауға тапсырма берілді. Сондай-ақ 2021 жылғы жоспарға енгізілген насос қондырғыларын жөндеу жұмыстарын суармалы кезеңге дейін іске асырылуын қамтамасыз етуді де тапсырды.

Экология вице-министрі Серік Қожаниязовтың Түркістан облысы мен Шымкент қаласына сапарының қорытындысы бойынша хаттама толтырылып, өңірдегі су шаруашылықтары нысандарына, су саласының мамандарына бірқатар тапсырмалар берілді.

Дерек көз – gov.kz 

Табиғи өсімдік ресурстарын теңгерімсіз пайдалану, олардың өсу ортасының жойылуы түрлердің жоғалуына және табиғи экологиялық жүйелердің тозуына әкеледі. Бұл туралы ҚР Экология, геология және табиғи ресурстар вице-министрі Ерлан Нысанбаев ҚР Парламенті Мәжілісінің Экология және табиғатты пайдалану мәселелері комитетіне “өсімдік әлемі туралы” заң жобасын таныстыру барысында мәлімдеді.

Экология Министрінің орынбасары Қазақстанда өсімдік әлемін қорғауға, молықтыруға және оның барлық алуан түрлілігін ұтымды пайдалануға қойылатын регламенттеуші талаптар жоқ екенін атап өтті.

«Өсімдіктер дүниесіне қатысты мемлекеттік құқықтар мен мүдделерді қорғау тетіктерін айқындайтын тұтас, көпжоспарлы заңнамалық актінің жоқ екенін атап өту қажет. Өсімдіктер дүниесін пайдалануды реттеумен байланысты жекелеген нормаларда экологиялық, жер, су, кәсіпкерлік кодекстер, “Қазақстан Республикасындағы сәулет, қала құрылысы және құрылыс қызметі туралы” ҚР заңы бар, олар еліміздегі өсімдіктер әлемінің гендік қоры мен генетикалық ресурстарын қорғау және пайдалану саласындағы мәселелерді реттемейді”, – деп атап өтті Ерлан Нысанбаев.

Вице-министр атап өткендей, “өсімдіктер әлемі туралы” Қазақстан Республикасының арнайы Заңын қабылдаудың өзекті қажеттілігі осыған байланысты.

“Заң жобасын әзірлеу барысында халықаралық тәжірибе ескерілді. Өсімдіктер әлемі туралы ұқсас заңдар Австралияда, Канадада, Оңтүстік Кореяда және Еуропалық Одақ елдерінде бар. Аталған заңдар өсімдіктер әлемі объектілерін сақтау мен ұтымды пайдалануды қамтамасыз етуге бағытталған”, – деді ведомство басшысының орынбасары.
Ерлан Нысанбаев сондай-ақ, аталған заңды қабылдау қажеттілігі Қазақстан тарапы болып табылатын халықаралық конвенциялардың ережелеріне де байланысты екенін айтты.

Заң жобасы қабылданғаннан кейінгі перспективалардың ішінде қолданыстағы заңнамадағы олқылықтар мен қайшылықтарды жою, өсімдіктер дүниесі саласындағы жалпы мемлекеттік міндеттерді шешуге ықпал ететін экономикалық ынталандыру жүйесін іске асыру, елдің бүкіл аумағында өсімдіктер дүниесі объектілерін қорғау мен қорғауды жақсарту аталды.

Айта кетейік, заң жобасы бойынша құқықтық, экономикалық, сыбайлас жемқорлыққа қарсы және экологиялық сараптамалардың қорытындылары мен мүдделі мемлекеттік органдардың келісулері алынды. Бүгінде құжат Мәжілістің қарауында жатыр.

Дерек көз – gov.kz

Бүгін ҚР Экология, геология және табиғи ресурстар министрі Мағзұм Мырзағалиев Финляндияның Қазақстан Республикасындағы елшісі Сойли Мякеляйнен-Буханист ханыммен кездесті. Кездесу барысында түрлі салалардағы екіжақты ынтымақтастықты дамыту мәселелері талқыланды.

Ведомство басшысының айтуынша, технологиялар мен инновациялар саласындағы әлемдік көшбасшылардың бірі болып табылатын Финляндиямен ынтымақтастық Қазақстан үшін маңызы арта түсуде.

Сондай-ақ, Мағзұм Мырзағалиев елшіге Қазақстандағы экологиялық саясат туралы ақпарат беріп, жасыл технологиялар мен табиғи ресурстарды дамыту басымдық болып табылатынын атап өтті.

«Экологиялық жағдайды жақсарту мақсатында біз ұзақ мерзімді жоспарлар әзірлеп жатырмыз. Осылайша, ары қарай газдандыру, қоғамдық көлікті газ отынына көшіру, қалаларды көгалдандыру және т.б. жөніндегі іс-шараларды іске асыру көзделген, сондай-ақ «Жасыл Қазақстан» ұлттық жобасы бойынша жұмыс жүргізілуде, онда биологиялық әртүрлілікті сақтау және ұтымды пайдалану мәселелеріне назар аударылатын болады», – деп атап өтті Экология министрлігінің басшысы.

Министр жаңа Экологиялық кодекстің нормаларын, оның ішінде кәсіпорындарда ең озық қолжетімді технологияларды енгізу, бұл оларды эмиссия үшін төлемнен босататынын да айтты.

«Мемлекет кәсіпорындардың шығындарын бөлетін мұндай тетік әр елде бола бермейді. Біз өндірісті жаңғырту және елдегі экологиялық жағдайды жақсарту мақсатында осы тәсілді саналы түрде таңдадық», – деп атап өтті Мағзұм Мырзағалиев.

Кездесу барысында тараптар одан әрі ынтымақтастықты талқылады. Осылайша, 1992 жылдан бастап маңызды диалог алаңына айналған бірлескен Қазақстан-Финляндия үкіметаралық комиссиясы жұмыс істейді деп айтылды. 2020 жылдың тамыз айынан бастап Экология министрлігі қазақстан тарапынан комиссия жұмысына жауапты мемлекеттік орган болып табылады. Бүгінгі таңда екі ел арасындағы ынтымақтастық энергетика, білім беру, көлік, ауыл және орман шаруашылығы, денсаулық сақтау, су ресурстары сияқты салаларда жүзеге асырылуда.

«Қазақстан мен Финляндия арасындағы ынтымақтастықтың қазіргі әлеуетін назарға ала отырып, біз жасыл энергетика, қалдықтарды кәдеге жарату, орман шаруашылығы, табиғи және су ресурстарын ұтымды пайдалану, геологиялық барлау және табиғи ресурстарды өндіру, цифрлық даму, кеме жасау, тамақ, құрылыс, химия өнеркәсібі сияқты салалардағы ынтымақтастықты кеңейтуге дайынбыз»,- деп түйіндеді министр.

Дерек көз – gov.kz 

Бүгін ҚР экология, геология және табиғи ресурстар министрі Мағзұм Мырзағалиев Атырау облысына жұмыс сапары аясында жергілікті үкіметтік емес ұйымдардың өкілдерімен және экобелсенділермен кездесті.

Кездесу барысында ведомство басшысы облыс экологиясын жақсарту бойынша белгіленген жоспарларды тиімді іске асыру үшін бірлескен жұмысты күшейтудің маңыздылығына тоқталды.

«Бізді аймақтағы экологиялық жағдай алаңдатады. Атырау еліміздің ең ластанған қалаларының қатарына кіреді. Әрине, бұл жағдайды жақсарту қажет. Бұл маңызды жұмыста сіз сияқты белсенді азаматтар тарапынан қолдау, көмек қажет. Мен қашанда сындарлы диалогқа ашықпын және ашық бола беремін», – деп атап өтті министр.

Мағзұм Мырзағалиев Атырау облысының экологиялық проблемаларын шешу үшін 40 іс-шарадан тұратын Жол картасы әзірленгенін атап өтті. Олардың қатарында жаңа кәріздік тазарту кешендерін салу және ескілерін қалпына келтіру, «Сасық сай» және «Шаршы» булану алаңдарын рекультивациялау, Орал өзенінің бассейнін көгалдандыру, тазарту, сауықтыру және басқа да маңызды іс – шаралар бар.

«Біз Атыраудың экологтарымен, қоғам өкілдерімен бірнеше рет кездестік. Кездесулеріміздің нәтижесі Жол картасын қабылдау болды. Жаңа Экологиялық кодекс те осы бағытта перспективалы мүмкіндіктер ашатынын атап өткім келеді. Ең маңыздыларының бірі – кодекс ірі ластағыштардың әлеуметтік жауапкершілігін арттыруға мүмкіндік береді», – деп толықтырды экология министрі.

Оның айтуынша, қазірдің өзінде 1-санатқа жататын көптеген кәсіпорындар ең озық қолжетімді технологияларды енгізу бойынша дайындық шараларын жүргізуде, демек, болашақта атмосфераға ластаушы заттардың шығарындылары айтарлықтай азаяды.

Сонымен қатар, министр Атырауда өңірдің барлық негізгі экологиялық проблемаларын тіркеу бойынша фронт-офис ашуды ұсынды.

«Бірлескен жұмыс үшін көптеген құралдар бар. Біздің министрлік жақында құрылды. Бір жарым жыл ішінде ауқымды жұмыс атқарылды, экологиялық мәселелерді шешудің тетігі жасалды. Уақыт өте келе біз Жол картасының, жаңа Экологиялық кодекстің тармақтарын іске асырудың тиімді нәтижелерін көретінімізге сенімдімін», – деп түйіндеді Мағзұм Мырзағалиев.

Дерек көзі – gov.kz 

20 кен орны алғаш рет мемлекеттік теңгерімге қойылды, алдын ала деректер бойынша 7,5 млрд.теңгеден астам инвестиция геологиялық салаға тартылды, Қарағандыда геохимиялық зертхана іске қосылды. Қазақстанның геология саласындағы 2020 жылғы жұмысының осы және басқа да қорытындыларын ҚР Экология, геология және табиғи ресурстар вице-министрі Серікқали Брекешев министрліктің кеңейтілген алқа отырысында жариялады.

Оның айтуынша, өткен жылы 56 нысанда жер қойнауын мемлекеттік геологиялық зерттеу жүргізілді, оның нәтижелері бойынша пайдалы қазбаларды анықтауға арналған перспективалы учаскелер анықталды. Аяқталған жұмыстардың нәтижелері бойынша болжамды ресурстардың өсуі бойынша жоспарлы көрсеткіштерге толық көлемде қол жеткізілді: алтын – 12,6 тонна, күміс – 96 тонна, мыс – 65 мың тонна, қорғасын – 968 мың тонна, мырыш – 1,1 млн. тонна.

Сонымен қатар, вице-министр 2020 жылы пайдалы қазбалар қорының өскенін хабарлады. Осылайша, 111,5 тонна алтын, 55,4 мың тонна уран, 13,8 млн.тонна темір кені және 31,7 млн. тонна мұнай өндірілді.

«Өткен жылы «Қазгеология» АҚ инвесторлармен бірлесіп жер қойнауын геологиялық зерттеу қорытындылары бойынша алтын өндіру бойынша «Шекара», түсті және асыл металдар  – «Арго» перспективалы учаскелерін анықтады. Компанияда барлығы 47 инвестициялық жоба жүзеге асырылуда», – деді Серікқали Брекешев.

Вице-министр жылдың маңызды қорытындыларының бірі ретінде 2021-2025 жылдарға арналған геологиялық барлаудың мемлекеттік бағдарламасының жобасын әзірлеуді атады, ол Мемлекет басшысының тапсырмасына сәйкес ұлттық жоба болып қайта құрылатын болады.

«Ұлттық жоба минералдық-шикізат базасының бәсекеге қабілеттілігін тұрақты толықтыру, дамыту және қолдауға жағдай жасау үшін ел аумағының геологиялық зерттелуін арттыруға бағытталған. Ол мемлекеттік бюджет және жеке инвестициялар есебінен жүзеге асырылады», – деді экология министрінің орынбасары.

Жыл қорытындыларының ішінде «Еуразия» жобасы бойынша жұмыстың қайта басталғанын айтуға болады.

«Жобаның негізгі мақсаты – тереңдігі орталық бөлігінде 18-20 км жететін Каспий маңы ойпатының тереңдік құрылысын зерттеу. 15 км дейінгі аса терең ұңғыманы бұрғылау геологиялық қиманы зерттеуге және көмірсутектерді іздестіруге қатысты бассейн әлеуетін бағалауға мүмкіндік береді», – деп хабарлады вице-министр.

Серікқали Брекешевтің ақпараты бойынша 2020 жылы «Цифрлық Қазақстан» мемлекеттік бағдарламасы шеңберінде «Қазақстан Республикасының минералдық ресурстарының ұлттық деректер банкі» ақпараттық жүйесін енгізу бойынша жұмыс жүргізілді.

«Жүйенің жұмыс істеуі инвесторларға геологиялық ақпараттың электронды базасына қол жеткізуге мүмкіндік береді», – деді ол.

2021 жылға сала алдына жер қойнауын мемлекеттік геологиялық зерттеуді жүргізу, 70 объектіде ресурстарды іздеу және бағалау, «ҚР минералдық ресурстардың ұлттық деректер банкі» ақпараттық жүйесін іске қосу және 2025 жылға дейін орталық және батыс өңірлерде 2 Керн сақтау қоймасын салу бойынша міндеттер қойылды.

Дерек көзі – gov.kz

Бүгін ҚР Экология, геология және табиғи ресурстар министрлігінің кеңейтілген алқа отырысында вице-министр Ерлан Нысанбаев орман шаруашылығы саласындағы 2020 жылғы жұмыс қорытындысын баяндады.

Оның айтуынша, Қазақстанда 2019 жылмен салыстырғанда орманмен қамтылған алқап 188 мың гектарға ұлғайды.

«Мемлекет басшысының орман қорында 5 жыл ішінде 2 млрд. ағаш отырғызу жөніндегі тапсырмасын орындау аясында облыс әкімдіктерімен бірлесіп өңірлер бойынша Ормандарды молықтыру мен орман өсіру жөніндегі кешенді жоспарлар әзірленіп, бекітілді. Орман отырғызудың ең көп көлемі Түркістан, Қызылорда және Жамбыл облыстарында, сондай – ақ Семей мен Ертіс орманы орман резерваттарының аумағында болжанып отыр»,-деді өз сөзінде вице-министр.

Ол министрліктің орман шаруашылығы және жануарлар дүниесі комитетінің табиғат қорғау мекемелерінің және облыс әкімдіктерінің орман қорғау мекемелерінің күшімен 5 жыл ішінде 843 мың га алаңда 1,7 млрд. ағаш отырғызылатынын атап өтті. Көрсетілген шаралар 2030 жылға қарай елдің ормандылығын 5% – ға дейін жеткізуге мүмкіндік береді.

«Мемлекеттік орман қоры аумағында орман өрттерінің 701 жағдайы тіркелді, олардың ауданы 41,8 мың га құрады, республика бойынша жалпы залал – 2,1 млрд.теңге», – деп мәлімдеді Ерлан Нысанбаев.

Орман өрттерінің ең көп аудандары Жамбыл, Шығыс Қазақстан, Батыс Қазақстан, Павлодар және Түркістан облыстарында, сондай-ақ «Семей орманы» резерватының аумағында тіркелген.

Вице-министр өткен жылы заңсыз ағаш кесу саны 25% – ға төмендегенін, алайда заңсыз кесілген ағаш көлемінің өсуі тіркелгенін хабарлады.

«Ағаштарды заңсыз кесу, жою және бүлдіру жауапкершілігін арттыру мақсатында қолданыстағы заңнамаға айыппұлдарды ұлғайту және бұзушыларға санкцияларды қатаңдату бөлігінде өзгерістер мен толықтырулар енгізілді», – деп толықтырды Министрдің орынбасары.

2020 жылдың қорытындыларының қатарында «өсімдіктер әлемі туралы» заң жобасын әзірлеу де бар.

Сонымен қатар, вице-министр ұлттық парктерде экологиялық туризмді дамытуға көп көңіл бөлінгенін атап өтті.

«Алматы тобындағы Іле – Алатау, Көлсай-көлдері, Шарын, Алтын Емел сияқты төрт мемлекеттік ұлттық табиғи парктердің тұжырымдамасы қабылданды. Осы ұлттық парктердің жанынан Қоғамдық кеңестер құрылды. 2020 жылы Іле-Алатау ұлттық паркінде жобаны жүзеге асыруға 900 млн.теңге инвестицияланды», – деді Ерлан Нысанбаев.

Осы жұмыстар шеңберінде 2025 жылға қарай ұлттық парктердің Алматы тобына жеке инвестициялардың көлемі 31 млрд.теңгені құрайды, ұлттық парктердің рекреациялық жүктеме нормаларын ескере отырып, туристердің күтілетін ағыны 2 млн. адамнан асады деп күтілуде.

Орман шаруашылығын, ерекше қорғалатын табиғи аумақтарды дамытуға және биоәртүрлілікті сақтауға бағытталған «Жасыл Қазақстан» ұлттық жобасын әзірлеу жоспарда бар.

«жаңа Экологиялық кодекстің нормаларын түсіндіру» тақырыбындағы онлайн-семинар өз мәресіне жетті

Ағымдағы жылдың 10-12 ақпан аралығында ҚР ЭГТРМ «Қоршаған ортаны қорғаудың ақпараттық-талдау орталығы» ШЖҚ РМК (ҚОҚ АТО) ZOOM-конференция платформасында өндірістік кәсіпорындардың қызметкерлері үшін «жаңа Экологиялық кодекстің нормаларын түсіндіру» тақырыбында үш күндік онлайн-семинар өткізді.

Семинар барысында келесі тақырыптар егжей-тегжейлі қарастырылды: Экологиялық кодекстің жаңа редакциядағы негізгі қағидаттары, Өндірістік экологиялық бақылау, Экологиялық талаптар, Операторлардың құқықтары мен міндеттері, Мемлекеттік экологиялық бақылау, Экологиялық жауапкершілік, Ремедиация, 2007-2021 жылдардағы Экологиялық кодекстердегі қалдықтар туралы жалпы ережелер, Қалдықтарды басқару саласындағы мемлекеттік экологиялық саясаттың қағидаттары, Қоршаған ортаға әсерді бағалауды жүргізудің жаңа тәсілдері, Экологиялық бағалау стратегиясы, Кешенді экологиялық рұқсат.

Спикерлер ретінде ҚР Экология, геология және табиғи ресурстар министрлігінің өкілдері, сондай-ақ жаңа Экологиялық кодексті әзірлеуге тікелей қатысқан сарапшылар шақырылды:

Жолдасов З.С. – ҚР ЭГТРМ Экологиялық реттеу және бақылау комитетінің төрағасы;

Тасбаев Е.Э. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының басшысы;

Ағыбаева Д.Ж. – Мемлекеттік метрологиялық-талдамалық бақылау басқармасының бас сарапшысы;

Ингербаева Ж.У. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының бас сарапшысы;

Тастемірова Ш.И. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының бас сарапшысы;

Оразалина К.Н. –  минералды шикізат және өндіріс қалдықтарын қайта өңдеу мәселелері бойынша тәуелсіз сарапшы/консультант, т.ғ.к., «Жер қойнауының тәуелсіз сарапшыларының кәсіби бірлестігі» ҚБ (ЖТСКБ) толық мүшесі.

Қоршаған ортаны қорғау саласындағы онлайн-семинарлар ағымдағы жылдың 10 ақпанында іске қосылды және тұрақты түрде өткізілетін болады. 2021 жылдың бірінші жартыжылдығына жоспарланған семинарлардың басты мақсаты жаңа Экологиялық кодекстің нормаларын түсіндіру болып табылады.

ҚР ЭГТРМ «Қоршаған ортаны қорғаудың ақпараттық-талдау орталығы» ШЖҚ РМК жарғылық қызмет шеңберінде, атап айтқанда халықты және операторларды қоршаған ортаны қорғау және табиғи ресурстарды пайдалану мәселелері бойынша ағарту мақсатында қоршаған ортаны қорғау саласында семинарлар ұйымдастырады және өткізеді. ҚОҚ АТО семинарлардан басқа Мемлекеттік экологиялық ақпарат қорын, Табиғи ресурстардың мемлекеттік кадастрын, Қалдықтардың мемлекеттік кадастрын жүргізумен, сондай-ақ экологиялық ақпаратты ұсыну және тарату бойынша қызметтермен айналысады.
Барлық мәліметтер www.iacoos.kz сайтынды және сонымен қатар www.instagram.com/iacoos2021, www.facebook.com/pkk.iacoos. әлеуметтік желілерде жарияланды.

Дерек көз – gov.kz

Геология саласы ел экономикасының маңызды құрамдас бөлігі болып табылады. Пайдалы қазбалардың кен орындары қаншалықты зерттелгеніне өңірлердің материалдық-шикізат базасының жай-күйі, демек, әлеуметтік-экономикалық дамуы да байланысты.

ҚР Экология, геология және табиғи ресурстар вице-министрі Серікқали Брекешев осы бағытта қандай жұмыстар жүргізілгені және геологиялық барлау перспективалары туралы айтып берді.

Сұхбатқа сілтеме – https://www.inform.kz/kz/serikkali-brekeshev-onirlerdin-ekonomikalyk-damuy-sondagy-ken-oryndarynyn-zertteluine-baylanysty_a3751061

Источник – gov.kz

5 февраля Глава государства на первом заседании госкомиссии по подготовке к празднованию 30-летия независимости Казахстана предложил реализовать проект «Таза табиғат». Министр экологии, геологии и природных ресурсов Магзум Мирзагалиев на своей странице в Twitter отметил значимость данной инициативы.

«Глава государства Касым-Жомарт Кемелевич Токаев поручил разработать проект «Таза табиғат». Уверен, это станет импульсом для дальнейшего роста зеленого фонда страны», – написал министр.

«Празднование Наурыз мейрамы, как символа пробуждения природы, всегда было особенным в нашей стране. Как дань природе, мы должны посадить как можно больше деревьев, повсеместно провести мероприятия по благоустройству. Важно не забывать и о бережном отношении к природе, животным… По поручению Президента мы продолжим реализацию экологических инициатив по формированию экологической культуры в обществе, озеленению, охране природы, развитию экологического туризма и, в целом, по улучшению экологической ситуации в стране», – подчеркнул глава ведомства.

Дерек көзі – gov.kz

Халық жергілікті атқарушы органдармен және мәслихаттармен бірлесіп, ауа сапасының қажетті деңгейіне қол жеткізу үшін жаңа экологиялық кодекстің қолда бар құралдарын пайдалануы қажет. «Қазақстанның экологиялық ұйымдарының Қауымдастығы» ЗТБ Басқарма төрағасы Айгүл Соловьева ҚР экология, геология және табиғи ресурстар министрлігі ұйымдастырған Алматы қаласы тұрғындарына Экокодекс нормаларын түсіндіру жөніндегі жұмыс кездесуі барысында осындай пікір білдірді.

Оның айтуынша, жаңа Экокодексте атмосфералық ауаны қорғауға, ластаушы заттардың шығарындыларын азайту бойынша кешенді шаралар қабылдауға баса назар аударылған.

«Биылғы жылы қол қойылған жаңа Экологиялық кодекс қоршаған ортаны қорғаудың жаңа тәсілдерін анықтады. Басты назар дамыған елдердің, атап айтқанда экономикалық ынтымақтастық және даму ұйымының тәжірибесін пайдалануға аударылды. Құжатта атмосфералық ауа сапасының экологиялық нормативтеріне және атмосфералық ауаға рұқсат етілген антропогендік әсерге қойылатын талаптар белгіленген», – деп атап өтті сарапшы.

Оның айтуынша, қолданыстағы реттеу қоршаған орта жағдайының айтарлықтай жақсаруына әкелмейді.

«ЭЫДҰ сарапшыларының пікірінше, негізгі экологиялық нормативтік-құқықтық базаны жылдам реформалау Қазақстанда жасылдандыруды арттыру үшін кең мүмкіндіктер ашуы мүмкін. Кодекс қоршаған ортаны қорғау, сақтау және қалпына келтіру, сондай-ақ тұрақты дамуды қамтамасыз ету және адам өмірі мен денсаулығы үшін қолайлы қоршаған ортаны қамтитын 14 негізгі міндетке ие», – деп толықтырды Айгүл Соловьева.

Сонымен қатар, қауымдастық басшысы Экокодекс аясында белгіленген экологиялық нормативтерден асып кету анықталған жағдайда экологиялық рұқсат шығарындыларды қолайлы деңгейге дейін азайту, атмосфералық ауаны қорғау жөніндегі іс-шараларды орындау жағдайында ғана берілетінін атап өтті.

«Заттардың қоршаған ортаға ықтимал теріс әсерін бағалау процесінде халық денсаулығына зиян келтіру қаупі үнемі маңызды фактор ретінде қарастырылады. Кодекстің осы бағытында жол берілетін шығарындылар нормативтерінің сақталуына мониторинг қарастырылған. Жергілікті өкілді органдар мемлекеттік экологиялық мониторинг нәтижелері бойынша қатарынан үш жыл ішінде атмосфералық ауа сапасының нормативтерінен тұрақты асып кету анықталған жағдайда, атмосфералық ауаға антропогендік жүктемені азайту үшін тиісті шектеулер енгізуге құқылы», – деді спикер.