Жаңа жыл қарсаңында елорданың жасыл белдеуінен ешбір ағаштың кесілуіне жол берілмеді

Дереккөз: www.24.kz

Жаңа жыл қарсаңында елорданың жасыл белдеуінен бір де бір қылқан жапырақты ағаш кесілмеген. Бұл туралы Астана қаласы әкімдігінің медиа орталығы хабарлап отыр.

Бұл мақсатта 4 тұрақты және 2 жылжымалы күзет бекеті желтоқсан айынан бастап, үздіксіз жұмыс істеген. Жалпы бүгінде қалада заңсыз ағаш кесу деректері едәуір азайған.

Орманшылардың айтуынша, мұндай олқылық соңғы рет 2015 жылы тіркеліп, табиғатқа залал келтіргендер бірден қамалыпты.

Еске салайық, Астана қаласының жасыл белдеуін кұру Елбасы Нұрсұлтан Назарбаевтың тапсырмасымен 1997 жылы қолға алынды.