Антонио Джункейра: Қазақстан Президентінің ресурстық әлеуетті дамыту жөніндегі бастамасын қолдаймыз

Дереккөз: www.24.kz

Жер көлемі бойынша латынамерикалық аймақтың ең үлкен елі – Бразилияның Сыртқы істер министрлігінің шенеуніктері Қазақстан Президенті Нұрсұлтан Назарбаевтың «жасыл технология» идеясын қолдап отыр.

«Шикізат саласын ұйымдастыруды және табиғи ресурстарды басқару тәсілдерін сыни тұрғыдан қайта қарау қажет. Барлық энергиялық кешендерді дамытудың зор әдісі – аталған жоба векторы болмақ», – дейді Бразилия СІМ жетекші қызметкері Джункейра.

Антонио Джункейра, Бразилия Республикасы СІМ өкілі:

– Қазақстан Президенті өзінің соңғы Жолдауында шикізат саласын ұйымдастыруды және табиғи ресурстарды басқару тәсілдерін сыни тұрғыдан қайта қарау қажеттілігі туралы айтты. Қазір көптеген ел өзінің ұлттық саясатында және даму стратегиясында «жасыл экономиканың» түрлі әдістерін пайдаланып жатыр. Сонымен қатар біз Қазақстан Президентінің ресурстық әлеуетті ары қарай да дамыту жөніндегі шараларын заңмен бекіту бастамасын қолдаймыз. Біз «экологиялық кодекс» құру үшін келіссөз жүргізу үстіндеміз. Әріптестігіміз табысты боларына сенімдімін.