Дереккөз: www.energo.gov.kz

Қазақстан Республикасы Энергетика министрлігі еліміздің аумағында атом электр станциясын салу бойынша Ресей Федерациясы басшылығының ұсынысына байланысты мынаны хабарлайды.
Жүргізілген бағалауға сәйкес еліміздің электр қуатының болжамды балансында 2030 жылға қарай Қазақстанның Оңтүстігінде 2,7 ГВт-қа дейін базалық қуат тапшылығы күтілуде. Осыған орай, еліміздің оңтүстігінде бу-газ, гидро және атом станцияларын салу сияқты әртүрлі отын және энергия көздерін пайдалана отырып, базалық және маневрлік генерацияны енгізу арқылы тапшылықты жабу мүмкіндігін қарастырып отыр.
Салынуы мүмкін АЭС-тің экономикалық және техникалық параметрлерін нақтылау және реакторлық технологияны таңдау үшін Техникалық-экономикалық негіздеменің Маркетингтік бөлімі әзірленді. Онда нарықта бар III+ реакторлық технологияларды талдау, сондай-ақ 5 елдің реакторлық технологияларды жеткізушілерімен, соның ішінде Росатом мемлекеттік компаниясымен, ақпарат алмасу жүргізіледі.
Бұдан басқа, әлеуетті инвесторлар еліміздің оңтүстік өңірлерінде маневрлі газ генерациясын, сондай-ақ Ертіс өзенінде Шүлбі ГЭС және Іле өзенінде Қапшағай ГЭС контррегуляторларын салу мәселесін қарастыруда. Шымкент Жылу электр орталығы алаңында қуаты шамамен 450 МВт болатын жаңа бу-газ электр станциясын салу жөнінде ұсыныс берілді.
Тек мүмкіндіктер және ұсынылатын жобалар тиянақты зерттелген соң ғана электр энергиясын өндіруге Қазақстан үшін неғұрлым оңтайлы және қолайлы технологиялар айқындалатын болады. Егер қуат тапшылығын жою мақсатында АЭС-ті таңдаған жағдайда, Қазақстан Республикасының заңнамасына сәйкес АЭС-ті салу туралы шешімді ҚР Үкіметі қоғамдық тыңдаулар жүргізіп, АЭС салынатын аумақтардың жергілікті өкілді органдардың келісімі бойынша қабылдайтын болады. Бұл ретте еліміздің шаруашылық міндеттерін шешу мұқтаждығы, қажетті жағдайлардың болуы және қауіпсіздік қатерінің болмауы ескеріледі.
Осылайша, алдын ала даурығып, тұжырымдар жасауға және негізсіз алаңдауға себеп жоқ екенін хабарлаймыз.

Дереккөз: www.energo.gov.kz

2019 жыл 2 сәуірде Энергетика министрлігі Ұлттық экономика министрлігімен және Экономикалық ынтымақтастық және даму ұйымының (ЭЫДҰ) бірлесіп «Энергетика, көлік, ауыл шаруашылығы, су шаруашылығы және өнеркәсіп үшін тұрақты инфрақұрылым»  тақырыбында «Жасыл» өсім бойынша Саяси диалог өткізді.

Энергетика Вице-министрі С.Нұрлыбай Тұрақты даму мақсаттарына жетуде энергетикалық инфроқұрылымды көпжақты дамыту және Париж климаттық келісімі бойынша баяндаманы ұсынды.

Іс-шараның негізгі мақсаты:

• тұрақты, сапалы инфрақұрылымды жоспарлау аспектілерін және жасыл өсім үшін инвестицияларды талқылау;

• энергия-су-тамақ қатынасын анықтау;

• «Жасыл экономика» тұжырымдамасын қолдау үшін GIZ жобасының күтілетін үлесін талқылау,

• Қазақстан үшін саясат пен әлеуетті нығайту саласындағы басымдықтарды және ЭЫДҰ және серіктестер тарапынан көрсетілетін қолдауды қарастыру.

2016 жылы Қазақстан жасыл өсім бойынша саяси диалог сериясын іске қосты, ол мүдделі тараптармен экономиканы жасылдандыру жөнінде ведомствоаралық саяси пікірталастар мен консультацияларды ынталандыруға мүмкіндік берді.

Іс-шараға ұлттық экономика, ауыл шаруашылығы, индустрия және инфрақұрылымды дамыту, «Жасыл технологиялар және инвестициялық жобалар халықаралық орталығы, GIZ, АХҚО және «ССДО» АҚ өкілдері қатысты.

Дереккөз: www.energo.gov.kz

Серік Жүсіпұлы Сүлейменов 1966 жылы Алматы қаласында дүниеге келген.

1990 жылы С. М. Киров атындағы Қазақ мемлекеттік университетін “Математик” мамандығы бойынша үздік бітірді, 1997 жылы Әл-Фараби атындағы Қазақ мемлекеттік университетін “Құқықтану”мамандығы бойынша сырттай бітірді.

Еңбек жолын 1992 жылы “Казкоммерцбанк” АҚ-да бастады, заң қызметінің бастығы болып жұмыс істеді.

1997-2003 жылдары “Мемлекеттік жинақтаушы зейнетақы қоры” АҚ Бас директоры, “Темірбанк”АҚ Басқарма төрағасының орынбасары болып жұмыс істеді.

2003 жылдан 2013 жылға дейін энергетика саласында жұмыс істеді, “Қазақстандық Коммуналдық жүйелер” АҚ президенті, “Маңғыстау электртораптық бөлу компаниясы” АҚ Басқарма төрағасы, “Қызылорда электртораптық бөлу компаниясы”АҚ Басқарма төрағасы лауазымында жұмыс істеді.

 

 

 

ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2019 жылғы наурыздың 27-нен 29-не дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Алматы қаласында «Экологиялық кодекс. Құқыққолдану» тақырыбына оқыту семинарын өткізді.

 Семинарға қатысушылар келесі ұйымдар өкілдері: «Ер-Тай» ЖШС, «Тәртіп» АҚ, «Каздорпроект» ЖШС, «ЭКО ҚАМҚОР БОЛАШАҚ» ҚБ, «Моторная компания «Астана-Моторс» ЖШС.

Семинарда келесі сұрақтар қарастырылды:

• Қалдықтар саласындағы заңнама. Экологиялық кодекстің жаңа жобасының негізгі қағидалары;
• Мақсатты және профилактикалық бақылауды жоспарлау және енгізу;
• Қайта өңдеу, қалдықтарды жинау. Халықаралық тәжірибе;
• Профилактикалық бақылау (мемлекеттік бақылауға енгізілетін өзгерістер);
• Өндіріс және тұтыну қалдықтарын өңдеуге қойылатын негізгі талаптар;
• Экологиялық ережелер мен талаптарды бұзғаны үшін әкімшілік жауапкершілік;
• Экологиялық аудит және т.б.

Семинар соңында тыңдаушыларға куәліктер табыс етілді.

Дереккөз: www.24.kz

Алматы облысында биыл қант қызылшасы алқабы 11 мың 200 гектардан 14 мың гектарға дейін ұлғаяды.

Одан шамамен 485 мың тонна тәтті түбір жиналып, 50 мың тоннадан астам қант өндірілмекші. Бұл бағытта 600 шаруашылық қожалығымен келісімшарт жасалған. Шаруашылықтар жоғары сапалы тұқыммен, тыңайтқыштармен және жиын-терім науқаны кезінде қажетті техникамен қамтамасыз етіледі. Өңірде қызылша өсірушілерді қолдау мақсатында қосымша 6 сервистік-дайындау орталығы құрылуда. Ол орталықтарға 75 ауыл шаруашылығы техникасы сатып алынады. Жоғары сұрыпты тұқым түрлері Франция, Германия мен Даниядан әкелінген.

Талғат Малыбаев, әлеуметтік-кәсіпкерлік корпорациясының басқарма төрағасы:

– Қазіргі уақытта тұқымдардың барлық партиялары қоймаға қойылып, тұқым үлгілері карантиндік шаралардан өткізу, талдау үшін зертханаға жіберілді. Ауыл шаруашылығы тауарын өндірушілеріне тұқым сату ағымдағы жылдың 27 наурызынан 14 сәуірге дейін жүргізіледі.

Дереккөз: www.energo.gov.kz

Қазақстан Республикасы Энергетика министрлігі барлық мүдделі тараптарды 2019 жылы жаңартылатын энергия көздерінің негізінде жұмыс жасайтын генерациялау объектілерін салу бойынша жобаларды іріктеу бойынша аукциондық сауда-саттыққа (бұдан әрі – ЖЭК аукциондық сауда-саттық) қатысуға шақырады.

Қазақстан Республикасы Энергетика министрінің 2017 жылғы 21 желтоқсандағы № 466 бұйрығымен бекітілген «Аукционға қатысушыларға қойылатын біліктілік талаптарын, өтінімнің мазмұнын және оны беру тәртібін, аукционға қатысуға арналған өтінімді қаржылық қамтамасыз ету түрлерін және оларды енгізу мен қайтару шарттарын, қорытынды шығару және жеңімпаздарды анықтау тәртібін қамтитын аукциондық сауда-саттықты ұйымдастыру мен өткізу қағидаларына» сәйкес 2019 жылға арналған аукциондық сауда-саттықты өткізу графигі  ҚР Энергетика министрлігінің ресми сайтында (http://energo.gov.kz/ pdf, 2.3 Mb) орналастырылды.

Графикте бекітілген мәлеметтердің негізінде 2019 жылы іріктеуге жоспарланған электр станциялардың түрі бойынша бөлінген жалпы жиынтық қуаты 255 МВт:

– күн электр станциялар – 80 МВт (оның ішінде 50 МВт жобалық аукционға);

– жел электр станциялар – 100 МВт;

– су электр станциялар – 65 МВт;

– Био ЭС – 10 МВт құрайды.

ЖЭК жобаларын іріктеу бойынша аукциондық сауда-саттыққа қатысуға дайындалу мақсатында мүдделі тараптарға белгіленген мерзімдерде ҚР Энергетика министрлігінің (http://energo.gov.kz/), «Жаңартылатын энергия көздерін қолдау жөніндегі қаржы есеп-айырысу орталығы» ЖШС-нің (http://www.rfc.kegoc.kz/) және «КОРЭМ» АҚ-ның (http://www.korem.kz/) ресми сайттарында түсіндіру ақпаратты алуға және түсіндіру семинарларға қатысуға болады.

* – жобалық аукцион (аукциондық сауда-саттықты ұйымдастырушы электрондық жүйеде аукцион негізінде ұйымдастыратын және өткізетін аукциондық сауда-саттықтың түрі, және ЖЭК пайдалану объектілерін орналастыру жоспарына және жаңа ЖЭК пайдалану объектісі жобасының негізгі техникалық-экономикалық параметрлерін айқындай отырып қатысушыларға дайындау құжаттарымен ескере отырып ЖЭК объектілерінмен өндірілетін электр энергияға аукциондық бағаны анықтау).

Дереккөз: www.24.kz

Әлемдегі ең жылдам өсетін павловния ағашы Түркістан облысында өседі.

Қазір Сарыағаштағы тұқымбақта өңірімізге таңсық ағаштың 40 мың көшеті жайқалып тұр. Бізге таңсық павловния ағашын оңтүстікке әкеліп, жерсіндірген Дәурен Балтабайұлы. Жас жігіт Қытайда білім алған. Сонда оқи жүріп, бізде жоқ дүниелерді іздеп тауып, осында әкелуді ойластырған. Ерекше ағаш туралы естіген бойда зерттеуге кірісіпті. Оңтүстіктің ауа райына бейімділігін білген соң әкесімен ақылдасқан. Нәтижесінде 40 мың түп көшетке тапсырыс беріп, Сарыағашқа әкелген. Қала маңындағы 2 гектар жерге көшеттерді отырғызып, күтіп баптапты. Қазір бір жылдық көшеттерге сұраныс көп.

Батырғазы Таубаев, Сарыағаш ауданы дарбаза ауылдық орта мектебінің директоры:

– Павловния деген ағаштың ерекшелігін естіп, мектепке өсіру үшін алып кетіп жатырмыз. Саясы да жақсы болады екен. Одан кейін гүл шашады.

Дәурен Балтабайұлының айтуынша, Павловния суды өте жақсы көреді. Су ішкен сайын бойы өседі. Әрі жапырағы да үлкен болады.

Ауыл-аймақтан бастап, қаланы көгалдандыру үшін таптырмайтын ағаш. 5-6 апта бойы гүлдеп, айналасына көрік сыйлады.

Дәурен Балтабайұлы, кәсіпкер:

– Тез өседі, көп жерге бейімді. Құрт-құмырсқаға өзі тойтарыс бере алады. Жылына 5 метрге дейін өседі. 5-6 жылда 25 метр болады. Бойы өсіп болғасын жайылады. Аулаға еккенде арасына 10 метр жер қалдыру керек. Себебі жапырағы кеңге жайылады.     

Павловнияның тағы бір ерекшелігі, басқа ағаштарға қарағанда оттегіні бірнеше есеге көп бөледі. Әсіресе, таза ауа тапшы қалалы жерде экологияға да пайдасы зор дейді мамандар. Демек, бұл ағаш бір шетінен экологияны жақсартса, екіншіден шаһарға көрік беріп, көлеңкесі көпке сая болмақ.

Павловнияның пайдасын түсінген жергілікті билік қазір өңірдегі аудан, қалалардағы мәдениет, спорт, әкімдік ғимараттары мен көше бойына көптеп егуге көшкен. Ал кәсіпкердің ендігі арманы – әлемдегі ең тез өсетін ағашпен табиғатымызды көркейтіп, елімізді жасыл елге айналдыру. Сондықтан биыл көшет санын 200 мыңға жеткізуді жоспарлап отыр. Айта кетейік, павловниядан тұрмыстық бұйымдар мен жиһаздар және музыкалық аспаптар жасалады.

Авторлары: Жандос Жұмабек, Ерболат Әбіш

Дереккөз: www.24.kz

Жалпы ауыл шаруашылығы дақылдары 823 мың гектар алқапқа егіледі деп жоспарлануда.

Бұл өткен жылмен салыстырғанда 10 мың гектарға артық. Бүгінге дейін жер жырту жұмыстары 95 пайызға орындалған.

Оңтүстікте басқа аймақтарға қарағанда көктемгі дала жұмыстары ерте басталады. Ордабасылық шаруа Бақытжан Бекбосынов биыл 40 гектар алқапқа картоптың Рифьера сортын егуде. «Жаңа тұқымның басқаларға қарағанда өнімділігі жоғары», – дейді кәсіпкер. Өйткені былтыр 20 гектарға егіп, гектарына 70 тоннадан өнім алыпты.

Бақытжан Бекбосынов, шаруа:

– Өте керемет картоп, ерте піседі. Өсімталдығы өте жоғары. Іші сары болады. Тәтті болады. Тағы бір ерекшелігі, біздің картопта ешқандай нитрат жоқ. Біз азот қолданбаймыз.

Диқан картопты голландиялық тәсілмен егеді. Техниканы Ресей мен Беларуьстен әкелген. Жаңа технология бойынша тұқым мен минералды тыңатқыш топыраққа қатар түседі. Қажетті дәрумендер беріледі. Жердің құнарлылығын сақтау үшін топыраққа іріқара малдың қиы араластырылған. Өнім мамыр айының ортасында піседі. Шаруа биыл 40 гектардан 1 мың 800 тонна өнім жинауды жоспарлап отыр. Табиғи таза өнімге Ресей тарапынан сұраныс жоғары артқан.

Бақытжан Бекбосынов, шаруа:

– Ресейдің екі облысы – Красноярск пен Новосибирскке біз картопты жеткізіп береміз. Олармен біздің келісімшартымыз бар. Олар біздің картопты жақсы көреді. Олар бізді қатты күтіп отыр. Былтыр біз Ресейге 800 тонна өткіздік.

Биыл Түркістан облысының диқандары 823 мың гектарға ауыл шаруашылығы дақылдарын егуді жоспарлап отыр. Бұл өткен жылмен салыстырғанда 10 мың гектарға артық. Ал егіс құрылымын әртараптандыру мақсатында бидай 174 мың, ал мақта 121 мың гектарға егілмек. Бұл өткен жылғыдан егіс көлемі азайғанымен, есесіне көкөніс пен картоп және бақша дақылдары 114 мың гектарға орналастырылып, егіс көлемі 5 мың гектарға ұлғаяды.

Нұрбек Бадырақов, облыстық ауыл шаруашылығы басқармасының басшысы:

– Жүгері дақылының егіс көлемі де 2600 гектарға артып, 44 мың гектарға орналастырылады. Ал  майлы дақылдардың егіс көлемі 2 мың гектарға артып, жалпы 100 мың гектарға егу жоспарланып отыр. Бүгінгі таңда жер жырту жұмыстары 95 пайыз жер жыртылды. Яғни жоспарланған жаздық дақылдар 510 мың гектар болатын болса, соның 475 мың гектар жері  айдалды. Қолда бар 15 мың дана трактордың 95 пайызы, 1,5 мың дана шынжыртабанды трактордың 93 пайызы жер жырту жұмыстарына дайын. Бүгінге дейін биылға жоспарланған 510 мың гектар жаздық дақылдың 18 мың гектарына тұқым себілген. Көкөніс 5,6 мың, каптоп 2 мың, жоңышқа 5 мың, жаздық бидай мен мақсары 1,5 мың гектарға егіліп үлгерген.

Биыл үкімет тарапынан көктемгі дала жұмыстарына 38 мың тонна жанар-жағармай бөлініпті. Оның 10 мың тоннасы наурыз, 15 мың тоннасы сәуір, қалған 10 мың тоннасы мамыр айында шаруаларға үлестіріледі. Сондай-ақ минералды тыңайтқышпен қамтуға 4 млрд 300 млн теңге қаржы бөлінген. Демек бұл шаруалар сатып алған минералды тыңайтқышының 50 пайызы субцидияланады деген сөз.

Авторы: Жандос Жұмабек, Ерболат Әбіш

ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2019 жылғы наурыздың 13-нен 15-не дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Астана қаласында «Экологиялық кодекс. Құқыққолдану» тақырыбына оқыту семинарын өткізді.

 Семинарға қатысушылар келесі ұйымдар өкілдері:

«С. Сейфуллин атындағы Қазақ агротехникалық университеті» АҚ,

«Human Health Institute» ҚБ,

«Солтүстік Қазақстан облысы әкімдігінің денсаулық сақтау басқармасы» КММ,

 «Солтүстік Қазақстан облыстық арнайы медициналық жабдықтау базасы» КММ.

Семинарда келесі сұрақтар қарастырылды:

• Қалдықтар саласындағы заңнама. Экологиялық кодекстің жаңа жобасының негізгі қағидалары;
• Қоршаған ортаны қорғау жөніндегі іс-шараларды жоспарлау;
• Профилактикалық бақылау (мемлекеттік бақылауға енгізілетін өзгерістер);
• Қазақстанда ластауыштардың шығарындылары мен тасымалдарының тіркелімін енгізу;
• Экологиялық аудит және т.б.

Дәріс оқығандар:

Букенова Саида Бекбулатовна – ҚР ЭМ «ҚОҚ АТО» ШЖҚ РМК Ақпараттық технологиялар департаментінің Қалдықтар кадастры басқармасының басшысы;

Садвокасова Алия Малаевна – ҚР ЭМ «ҚОҚ АТО» ШЖҚ РМК МЭАҚД басқарма басшысы;

Тауекелова Мадина Сергазиевна – ҚР ЭМ «ҚОҚ АТО» ШЖҚ РМК ҚОҚҰБ дайындау және экологиялық ақпаратты талдау басқармасының басшысы;

Абдрахманова Жанара Беркутовна – ҚР ЭМ  бас сарапшысы;

Досанова Акмарал Наурызбаевна – ҚР ЭМ «ҚОҚ АТО» ШЖҚ РМК Ақпараттық технологиялар департаменті табиғи ресурстар кадастрының басшысы.;

Токтасынова Тота Клышбековна – ҚР ЭМ ЭРБК бас сарапшысы.

Семинар соңында тыңдаушыларға куәліктер табыс етілді.

Дерекөз: www.energo.gov.kz

2019 жылғы 5 наурызда Минск қ., «Беларусь, Украина, Қазақстан және Арменияда озонды бұзатын заттарды (ОБЗ) және орнықты органикалық ластағыштарды (ООЛ) кәдеге жаратуды келісілген басқару (өңірлік таныстыру жобасы)» Жобасының Өңірлік Басқарушы Комитетінің (бұдан әрі – ЖБК) бірінші отырысы өтті.

ЖБК құрамына жобаны ұлттық деңгейлерде саяси басқаруды және ведомствоаралық үйлестірушілік қолдауды жүзеге асыратын Жобаны іске асыру елдерінің атқарушы министрліктерінің өкілдері, Беларусь пен Қазақстан ұйымдарының өндірушілердің кеңейтілген міндеттемелері жөніндегі өкілдері, «Жасыл Даму» АҚ, БҰҰӨД, БҰҰДБ өкілдері кірді. Отырыста басшылық еткен Беларусь Республикасының Табиғи ресурстар және қоршаған ортаны қорғау министрінің орынбасары Александр Корбут.

Қатысушы елдерде ОБЗ және ООЛ қазіргі жағдай туралы туралы баяндамалары, 2019 жылға арналған жобаның жұмыс жоспары тыңдалды және өңірлік және жаһандық маңызы бар мәселелер бойынша негізгі серіктестермен өзара іс-қимыл бойынша шешімдер әзірленді.

Тоңазытқыш жабдықтарды жинау және кәдеге жарату және қауіпті қалдықтарды басқарудағы Беларусь тәжірибесін зерделеу үшін 6 және 7 наурызда қатысушылар Беларусьте электр және электрондық жабдықтарды жинау және қайта өңдеумен айналысатын «БелВТИ» ААҚ және Беларусь Республикасының Қауіпті қалдықтарына арналған уақытша сақтау орны болып табылатын «Гомель облысының уытты қалдықтарын қайта өңдеу және жою кешені» ЖБК қалдықтармен жұмыс істеу жөніндегі кәсіпорындарға барды.

Жобаны Басқарушы комитетінің келесі отырысын Қазақстанда ағымдағы жылдың соңында өткізу туралы шешім қабылданды.

ҚР Энергетика министрлігінің Баспасөз қызметі