Жаңалықтар

ҚР СІМ мен KAZENERGY қауымдастығы Қазақстан Республикасындағы шетелдік дипломатиялық өкілдіктерге арналған «Инвестициялық мүмкіндіктер: тұрақты дамуға арналған жаңа шешімдер» атты брифинг өткізді

Ағымдағы жылғы 26 шілде күні Қазақстан Республикасының Сыртқы істер министрлігі мен KAZENERGY қауымдастығы «Инвестициялық мүмкіндіктер: тұрақты дамуға арналған жаңа шешімдер» атты бірлескен брифинг өткізді.

Іс-шараға ҚР Сыртқы істер министрлігі Сыртқы экономикалық саясат департаментінің директоры Олжас Исабеков, KAZENERGY қауымдастығының бас директоры Әсет Мағауов, KAZENERGY төрағасының кеңесшісі Арман Сәтімов және KAZENERGY қауымдастығының Халықаралық ынтымақтастығы бойынша ақтарушы директоры Талғат Қарашев, сондай-ақ Қазақстан Республикасындағы 60-тан астам шетелдік өкілдіктерден өкілдер қатысты.

Кездесуде Қазақстан Республикасындағы мұнай-газ бен энергетика саласындағы ағымдағы ахуалы, KAZENERGY қауымдастығының қызметі, халықаралық ұйымдар қызметіне қатысу, сонымен қатар халықаралық іс-шараларды ұйымдастыру, оның ішінде: KAZENERGY Еуразиялық XII форумы және Дүниежүзілік Мұнай кеңесі отырысы (1-3 қазан, 2018 ж.) талқыланды. Өз сөзінде Әсет Мағауов жаңа инвестициялар тартуда икемді әрі ең бастысы тартымды жағдай құрудың маңыздылығын атап өтті. Ол жер қойнауын пайдаланушыларына заңнамалық базаны оңтайландыру бойынша жүргізілген жұмыс жайында және соның нәтижесінде Жер қойнауын пайдалану туралы жаңа кодекс пен жаңа Салық кодексі құрылғанын айтты.

Сонымен қатар ары қарайғы талқылауда Әсет Мағауов алдағы уақытта жаңа Экологиялық кодексті әзірлеуді қамтитын маңызды бастамалар және мұнай өнімдері нарығын ынталандыру бойыша шаралар туралы сөз қозғады.

KAZENERGY қауымдастығының халықаралық ұйымдар жұмысына қатысуы және халықаралық іс-шараларды өткізу туралы баяндаманы Қауымдастықтың атқарушы директоры Талғат Қарашев жасады. Ол 1-3 ҚАЗАН АРАЛЫҒЫНДА АСТАНА ҚАЛАСЫНДА ДҮНИЕЖҮЗІЛІК МҰНАЙ КЕҢЕСІНІҢ ОТЫРЫСЫ ӨТЕТІНІН, оған Дүниежүзілік мұнай кеңесіне мүше мемлекеттердің ұлттық комитеттері делегацияларының басшылары қатысатынын хабарлады. Оған қоса барлық қатысушылар «Инвестициялық мүмкіндіктер: Тұрақты дамуға арналған жаңа сын-тегеуріндер» тақырыбында өтетін конференция жұмысына шақырылды. Аталмыш шара Дүниежүзілік мұнай кеңесі аясында 2 қазан күні өтеді. Бұл конференция ҚР Энергетика министрлігі мен KAZENERGY қауымдастығымен ұйымдастырылады. Қарашевтың айтуынша, халықаралық конференция халықаралық қоғамдастықтың назарын аударуға және Қазақстанның мұнай-газ және энергетикалық салаларының инвестициялық тартымдылығын арттыруға бағытталған.

KAZENERGY төрағасының кеңесшісі Арман Сәтімов өз кезегінде Қауымдастық мүшелері мен елшіліктердің сауда, коммерциялық департаменттері және халықаралық ұйымдар корпустарымен ынтымақтастықты KAZENERGY Ғылыми-техникалық Кеңесі базасында дамытуды ұсынды. Ол бұл жұмыстың мемлекеттер арасындағы тауар айналымды арттырғанын атап өтті.

Кездесу қорытындысы бойынша қатысушылар сұрақтар қойды, мемлекеттер арасында өзара тиімді әріптестікті дамыту жайы талқыланды.

KAZENERGY баспасөз қызметі

(7172) 790181; 790173

ШҚО шаруалары суарудың жаңа әдісіне көшуді бастады

Дереккөз: www.24.kz

Шығыс Қазақстан облысының жер еміп отырған шаруалары жаңбырлатып суару әдісіне ден қоя бастады.

Мәселен, Көкпекті ауданында өткен жылы екі бірдей ірі шаруа қожалығы дәл осындай құрылғы сатып алып, биыл шалғынды алқаптарын сонымен суаруды бастап кетті. Өйткені диқандардың айтуынша, жердің ылғалдылығы төмен. Сол себепті қолдан ылғал беруге көшкен абзал дейді олар. Аудандағы «Теректі» шаруа қожалығы өз қарамағындағы канал суын үнемдеу мақсатында 130 гектар жоҢышқалы жерге жаңбырлап суару машинасын қолданады. Құрылғы бір айналғанда 15 гектардан астам аумақты қамтиды. Былтыр гектарына 20 центнер шөп жиналса, биылғы көрсеткіш бұдан екі есе артық. Болашақта 60 центнер алу мақсаты тұр. Қожалық мүшелері «25 миллион теңге тұратын қондырғы көп ұзамай, өз құнын ақтайды» деген сенімде.

Әділет Әлкенов, оператор:

– Бір апта бұрын жоңышқа жиналды енді мынау екінші суғарым кетіп жатыр бізде қазір, осы суғарымнан соң одан да жақсы алармыз деген үміт бар. Бәрі автоматты бір кнопканы басасыз, бәрі тоқпен өзі іске аса береді.

2018 жылдың 25-27 шілде аралығында Өскемен қаласында қоршаған ортаны қорғау және табиғатты пайдалану саласындағы мамандар үшін «Экологиялық кодекс. Құқыққолдану» тақырыбына оқыту семинарын өткізді.

ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2018 жылғы шілденің 25-нен 27-не дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Өскемен қаласында «Экологиялық кодекс. Құқыққолдану» тақырыбында оқыту семинарын өткізді.

Семинарға қатысушылар келесі ұйымдар өкілдері:
«Макинск Құс фабрикасы» ЖШС;
«Казцинк» ЖШС;
«Сәтпаев кен-байыту кәсіпорын» ЖШС;
Өскемен қаласы әкімдігінің «Өскемен Водоканал» ШЖҚ МКК;
«Kazfoam» ЖШС;
«Тау-кен металлургиалық ALTYN концерні ММ» ЖШС;
«ГОРДОРСТРОЙ» ЖШС;
«Экология-Жастар-Бастама-Даму» ҚҚ;
ҚР БҒМ «Д. Серікбаев атындағы Шығыс Қазақстан мемлекеттік техникалық университеті» ШЖҚ РМК;
«Шығыс Қазақстан облысы табиғи ресурстар және табиғат пайдалануды реттеу басқармасы» ММ.

Семинарда келесі сұрақтар қарастырылды:

ҚОӘБ ерекшеліктері. Жобада ӨЭБ, ҚББ, ҚОҚЖ болуы. Стратегиялық экологиялық бағалау;
І, ІІ, ІІІ, ІV санаттардағы объектілер үшін кешенді ведомстводан тыс сараптама шеңберінде мемлекеттік экологиялық сараптаманы жүргізу ережелері мен тәртібі;
Кәсіпорындағы экологиялық менеджмент. Тренинг;
Қалдықтарды шығаратын кәсіпорындардың қызметін экологиялық реттеу. Қалдықтарға рұқсат алу қажеттілігі;
Табиғат қорғауды жобалау және нормалау жұмыстарын жүргізуге лицензия алу тәртібі;
Мемлекеттік экологиялық бақылау;
Профилактикалық бақылау (мемлекеттік бақылауға енгізілген өзгерістер);
Экологиялық тексерулерді жоспарлау және жүргізу;
Экологиялық нормалар мен талаптарды бұзғаны үшін әкімшілік жауапкершілік;
Экологиялық аудит және оны жүзеге асыру.

Дәріс оқығандар:
Ингербаева Жанат Умбетовна – ҚР ЭМ ЭРБК бас сарапшысы;
Абдрахманова Жанара Беркутовна – ҚР ЭМ бас сарапшысы;

Ақтөбеде заңсыз мұнай өңдеумен айналысқан зауыт анықталды

Дерекөз: ҚазАқпарат

24 шілде күні жедел-іздестіру шаралары барысында Ақтөбе облысы бойынша мемлекеттік кірістер департаментінің Экономикалық тергеу қызметі Ақтөбе қаласында мұнай өнімдерін қайта өңдеумен айналысқан заңсыз зауытты анықтап, жұмысын тоқтатты, деп хабарлайды ҚазАқпарат ҚР ҚМ Мемлекеттік кірістер комитетінің баспасөз қызметіне сілтеме жасап.

«Бұл іс-шараға департамент қызметкерлерінен бөлек Ақтөбе қаласының көлік прокуратурасы және «Бүркіт» ерекше мақсаттағы бөлімше қызметкерлері де қатысқан болатын. Кейін анықталғандай, Ақтөбе облысының мұнай-кен орнынан жалған кұжаттар арқылы заңсыз мұнай өнімдері шығарылып, ол заңсыз зауытқа жеткізіліп отырған. Мұнай және мұнай өнімдерін қайта өңдеумен айналысқан зауытқа қатысы бар барлық тұлғалар қолға түсті» делінген комитет таратқан хабарламада.

Тергеу жұмыстары нәтижесінде 150 тоннадан астам мұнай өнімі тәркіленді.

Қазіргі таңда тергеу амалдары жүргізілуде.

Қазақстанның екі қорығы ЮНЕСКО тізіміне енді

Дерекөз: ҚазАқпарат

Қазақстандағы екі биосфералық қорық Дүниежүзілік биосфералық резерваттар желісіне енді, деп хабарлайды ҚазАқпарат тілшісі ҚР Ауыл шаруашылығы министрлігінің Орман шаруашылығы және жануарлар дүниесі комитетінің баспасөз қызметіне сілтеме жасап.

«Бүгін ЮНЕСКО-ның МАБ халықаралық координациялық кеңесінің шешімімен («Адам және биосфера» бағдарламасы) Дүниежүзілік биосфералық резерваттар желісіне Шарын және Жоңғар Алатауы ұлттық парктері қосылды», – деп жазды комитеттің баспасөз хатшысы Сәкен Ділдахмет Фейсбуктегі парақшасында.

Осылайша, Қазақстанның биосфералық резерваттарының тізіміне ұлттық 10 қорық кіреді. Олардың қатарында Ақжайық, Ақсу-Жабағылы, Қорғалжын, Алакөл, Қатон-Қарағай, Барсакелмес, Қаратау, Алтынемел, Шарын және Жоңғар Алатауы, сондай-ақ, трансшекаралық биосфералық резерваттардың бірі Үлкен Алтай бар.

Дүниежүзілік биосфералық резерваттар желісі ЮНЕСКО-ның «Адам және биосфера» бағдарламасы аясында құрылған.

Қазақстанның ерекше қорғалатын табиғи аймақтары үшін ЮНЕСКО-ның биосфералық резерваты мәртебесі өте маңызды. Себебі біздің табиғи аймақтарымыздың құндылықтарын халықаралық деңгейде мойындатуға мүмкіндік береді.

Маңғыстауда қуаты 42 МВт болатын жел электр станциясы салынады

Дерекөз: ҚазАқпарат

Маңғыстауда Форт-Шевченко маңында жел электр станциясын салу бойынша ынтымақтастық туралы меморандумға қол қойылды. Құжатқа Маңғыстау облысының әкімі Ералы Тоғжанов, «South Wind Power» ЖШС бас директоры С.Парцикян және «Horgos Jiuhe SilkBridge New Energy Co. Ltd компаниясының өкілі Huang Cheng қол қойды, деп хабарлайды ҚазАқпарат облыс әкімінің баспасөз қызметіне сілтеме жасап.

Инвесторлар қуаты 2,5 кВт құрайтын 17 жел генераторын орнатып, құрылыс кезеңінде 70 адам жұмыспен қамтылатынын айтты. Инвестиция көлемі 60 млн долларды құрайды.

«Жел қондырғысының құрылысы «жасыл экономикаға» көшу, қоршаған ортаға зиян келтірмейтін инновациялық технологияларды жүзеге асыру аясында жүргізіледі. Бұл жоба электр энергиясының қажеттіліктерін қанағаттандыруға көмектеседі. Түпқараған ауданында 375 гектар аумақта 42 МВт жел қондырғысы орнатылады. Аталмыш жобаның құрылысы ағымдағы жылдың тамыз айында басталады», – деді облыс әкімі Ералы Тоғжанов.

2018 жылдың 18-20 шілде аралығында Астана қаласында қоршаған ортаны қорғау және табиғатты пайдалану саласындағы мамандар үшін «Экологиялық кодекс. Құқыққолдану» тақырыбына оқыту семинарын өткізді.

Семинарға қатысушылар келесі ұйымдар өкілдері:
«Вагонсервис» АҚ;
«Ертыс Сервис» ЖШС;
«Тасбулат Ойл Корпорэйшн» ЖШС;
«RecyclingCompany» ЖШС;
«Қарағанды Жарық» ЖШС;
«Казпочта» АҚ;
«Медная компания Коунрад» ЖШС;
«Атырауинжстрой» ЖШС;
«Таукент-Энергосервис» ЖШС.

Семинарда келесі сұрақтар қарастырылды:

Қоршаған орта мен табиғи ресурстар мониторингінде ақпараттық технологияларды қолдану;
Қалдықтар саласындағы шаруашылық қызмет;
Тұрмыстық қатты қалдықтармен жұмыс істеу бойынша жүргізіліп жатқан жұмыс;
Экологиялық ақпарат беру;
Қазақстандағы ластаушы заттардың шығарылуын және аудару тізілімін енгізу;
Қазақстанның ШСЖ парниктік газдар шығарындыларына квоталарды бөлу;
Парниктік газдар шығарындылары мен шығарындыларын жою саласындағы мемлекеттік реттеу (ҚР Экологиялық кодексі);
Өндірістік экологиялық бақылау нәтижелері бойынша мемлекеттік экологиялық бақылау және есеп беру талаптары.

Дәріс оқығандар:
Сергазина Гульмира Халеловна – АҚ «Жасыл Даму» бас директордың орынбасары;
Досмакова Бизара Жакиевна – ҚР ЭМ Қалдықтарды басқару департаменті директорының м.а;
Садвокасова Алия Малаевна – ҚР ЭМ «ҚОҚ АТО» ШЖҚ РМК МЭАҚД басқарма басшысы;
Балабаева Алтын Ибрагимовна – ҚР ЭМ «ҚОҚ АТО» ШЖҚ РМК МЭАҚ департаменті директоры;
Ингербаева Жанат Умбетовна – ҚР ЭМ ЭРБК бас сарапшысы;
Абдрахманова Жанара Беркутовна – ҚР ЭМ бас сарапшысы;
Кондратенко Михаил Геннадьевич – ҚР ЭМ «ҚОҚ АТО» ШЖҚ РМК Ақпараттық технологиялар департаменті директоры;
Токтасынова Тоты Клышбековна – ҚР ЭМ ЭРБК бас сарапшысы;

Семинар соңында тыңдаушыларға куәліктер табыс етілді.

Бес мемлекеттің басшылары Каспий саммитіне қатысады

Дерекөз: ҚазАқпарат

2018 жылы 12 тамызда Ақтау қаласында Бесінші Каспий саммиті өтеді, деп хабарлайды ҚазАқпарат ҚР Сыртқы істер министрлігінің баспасөз қызметіне сілтеме жасап.

Оған Каспий жағалауы мемлекеттерінің Қазақстан Республикасы, Әзербайжан Республикасы, Иран Ислам Республикасы, Ресей Федерациясы және Түрікменстанның басшылары қатысады.

Саммит барысында тараптар Каспий теңізінің құқықтық мәртебесін, экономика, көлік, қоршаған орта, қауіпсіздік салалары бойынша Каспийдегі ынтымақтастықты және басқа да мәселелерді талқылайды.

Саммиттің негізгі қорытынды құжаты Каспий теңізінің құқықтық мәртебесі туралы конвенция болуы тиіс. Оның жобасы Мәскеуде 2017 жылы 4-5 желтоқсанда Сыртқы істер министрлерінің жиналысы аясында келісілген еді.

Саммит барысында Конвенциядан басқа бірқатар бес жақты үкіметаралық құжаттарға қол қойылуы мүмкін.

Алдағы тәуліктерде Астанада ауа райы қандай болады?

Дерекөз: www.24.kz

«Қазгидромет» алдағы күндерге арналған ауа райы болжамын ұсынды.

Синоптиктердің болжауынша, 20 шілдеде Астанада көшпелі бұлт шыққанымен, жауын жаумайды. Оңтүстік-шығыс, шығыстан соғатын желдің екпіні 5-10 м/с құрайды. Ауа температурасы түнде +17…+19°С, күндіз +30…+32°С.

21 шілде күні де ауа райы құбылмалы болады. Күндіз қысқа мерзімді жауын жауып, найзағай жарқылдауы ықтимал. Оңтүстік-шығыстан соғатын желдің жылдамдығы 5-10 м/с құрамақ. Сынап бағанасы түнде +17…+19°С, күндіз +27…+29°С көрсетеді.

Ал жексенбіде, яғни 22 шілдеде ауа температурасының төмендеуі күтіледі. Түнде және таңертең жаңбыр жауып, найзағай ойнауы мүмкін. Солтүстік-шығыстан соғатын желдің екпіні 5-10 м/с, кейде 15 м/с жетеді. Ауа температурасы түнде +11…+13°С, күндіз +18…+20°С.

Баспасөз релизі. «Экологиялық мәселе шешудегі азаматтық қоғамның рөлі» тақырыбына сұхбат алаңы

2018 жылдың 17 шілдесінде « ҚР Астана қ. Ұлттық акамедиялық кітапхана», «Экологиялық мәселе шешудегі азаматтық қоғамның рөлі» тақырыбына сұхбат алаңы өтті.

Қоғамдық даму Министрлігінің Азаматтық қоғам істері Комитетінің мемлекеттік әлеуметтік тапсырыс шеңберінде «Азаматтық қоғам институттарымен диалог ұйымдастыруға бағытталған іс-шаралар кешенін өткізу» сұхбат алаңы жүргізілді.

Сұхбат алаңы «Бурабай Орхусс орталығы» Қоғамдық қорымен ұйымдастырылды.

Сұхбат алаңының мақсаты – азаматтық қоғамның дамуы, ҮЕҰ-мен өзара қатынасты жақсарту. Сұхбат алаңы барысында үш тақырыптық сессия өткізілді: «Қазақстанның мемлекетаралық бастамасын жүзеге асырудағы азаматтық қоғам»; «Жасыл» технологияларды ілгерілетудегі ҮЕҰ-мен бизнестің өзара әрекеті»; «Экологиялық ақпаратқа қоғамның қол жетімділігі».

Бірінші сессия барысында, жасыл экономикаға көшу бастамасын іске асырудағы азаматтық қоғамның рөлін күшейту бойынша, Париж келісімінің міндеттемелерін орындау және ҚР Экологиялық кодексінің жаңа редакциясын белсенді талқылау болды.

Екінші сессияда, аудитория мониторинг процесін цифровизациалау және табиғи ресурстарды басқару бойынша, заманауи Финдық технологиялар ерекше назарын аударды (Су, орман, энергетика және т.б.). Қазақстандық кәсіпкерлердің цифровизацияны коммуналдық шаруашылық қызметі және жеке үй салу деңгейіне еңгізу, тұрғындардың өмірлік сапасын әлдеқайда жақсартуға және қамтамасыз ету шығындарын азайтуға мүмкіндік береді. Ақмола технопаркі қызметінің үлгісі кең спекторлы мәселелер бойынша интеллектуалды карта арқылы халықтың ақпаратқа қол жетімділік мүмкіндігін көрсетті. Қатысушылар сондай-ақ жастар мен оқушыларға экологиялық тәрбие берудің және оларды «жасыл» жобаларға тарту өзектілігін атап өтті.

Үшінші сессияда, экологиялық ақпаратқа шешім қабылдау мен әділеттілікке қоғамның қол жетімділігі бойынша Орхус конвенциясының ережесі түсіндірілді. Қазақстанның барлық өңірлерінің 14 Орхус орталықтарының тәжірибелері талқыланды. «Қоршаған ортаны қорғаудың ақпараттық-талдау орталығының», Мемлекеттік экологиялық ақпарат қорының интернет-порталы бойынша, ластауыштардың шығарындылары мен тасымалдарының тіркелімі мен экоинфоправоны қоса алғанда мәліметтер базасы ұсынылды.

Сұхбат алаңының қатысушылары мемлекеттік органдардың өкілдері, ҮЕҰ, бизнес, ғылым, БАҚ өкілдері және басқа да мүдделі тұлғалар болды.

Талқылау қорытындысы бойынша, Қазақстан Республикасы Конституциясының ережелеріне сәйкес қолайлы қоршаған ортаға құқығын қамтамасыз ету үшін экологиялық мәселелер шешу бойынша азаматтық қоғам мен мемлекеттің өзара әрекеттесуін күшейту үшін ұсынымдар жобасы қабылданды.

«Бурабай Орхусс орталығы» Қоғамдық қоры