ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2018 жылғы сәуірдің 18-нен 20-на дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Астана қаласында «Парниктік газдарды түгендеу» тақырыбына оқыту семинарын өткізді.

 Семинарға қатысушылар келесі ұйымдар өкілдері: Көкшетау қаласы әкімдігінің жанындағы «Көкшетау Жылу», ШЖҚ МКК«Л.Н. Гумилев атындағы Еуразия ұлттық университеті», ШЖҚ РМК «Экосфера» ҮЕҰ мекемесі, «С. Сейфуллин атындағы Қазақ агротехникалық университеті» АҚ, «Маңғыстаумұнайгаз» АҚ, Жеке тұлға.

Семинарда келесі сұрақтар қарастырылды:

• Парниктік газдар шығарындылары мен шығарындыларын жою саласындағы мемлекеттік реттеу (ҚР Экологиялық кодексі);
• Өндіріс және тұтыну қалдықтарының мемлекеттік кадастрын жүргізу;
• Өндірістік экологиялық бақылау нәтижелері бойынша мемлекеттік экологиялық бақылау және есеп беру талаптары;
• Қазақстандағы ластаушы заттардың шығарылуын және аудару тізілімін енгізу;
• Қазақстан Республикасында парниктік газдардың эмиссиясы мен сіңірілуін реттеу саласындағы нормативтік-құқықтық құжаттар;
• Қазақстан Республикасында парниктік газдар шығарындыларын түгендеу туралы есептерді дайындау және түгендеу және т.б.

Дәріс оқығандар:

Токтасынова Тоты Клышбековна – ҚР ЭМ ЭРБК бас сарапшысы;

Сергазина Гульмира Халеловна – Тәуелсіз сарапшы;

Букенова Саида Бекбулатовна – ҚР ЭМ «ҚОҚ АТО» ШЖҚ РМК Ақпараттық технологиялар департаментінің Қалдықтар кадастры басқармасының басшысы;

Балабаева Алтын Ибрагимовна – ҚР ЭМ «ҚОҚ АТО» ШЖҚ РМК ҚОҚҰБДжәнеЭАТ басқармасының басшысы;

Мендигарина Акбота Айбеккызы –  ҚР ЭМ АҚ “Жасыл даму” бас маманы;

Кондратенко Михаил Геннадьевич – ҚР ЭМ «ҚОҚ АТО» ШЖҚ РМК Ақпараттық технологиялар департаменті директоры.

Семинар соңында тыңдаушыларға куәліктер табыс етілді.

Дереккөз: www. energo.gov.kz

2018 жылғы 26-27 сәуірде  Астана қаласының THE RITZ CARLTON қонақүй конференц-залында«ЖЭК аукциондық сауда тетігін енгізу» тақырыбына Hard Talk өтетін болады, оның ұймдастырушылары БҰҰ Еуропалық Экономикалық Комиссиясымен, Еуропалық Одақпен, USAID және KAZENERGY қауымдастығымен бірлесе отырып, Қазақстан Республикасы Энергетика министрлігі болып табылады.

2018 жылы Қазақстанда жаңартылатын энергия көздері (ЖЭК) негізінде жұмыс істейтін түрлендіруші объектілерінің құрылысы бойынша жобаларды іріктеу жөніндегі аукциондық саудалар өткізілетіндігі мәлім. Іріктеуге жоспарланған қуаттылықтың жиынтық көлемі 2018 жылы 1000 МВт құрайды.

Осыған байланысты осы іс-шараның басты міндеті жеке сектор инвестициясын бұғаттайтын негізгі тосқауылдарды анықтау және аукциондардың жаңа жүйесінде ЖЭК қолдаудың жақсы жұмыс істейтін және тұрақты жүйесін құру жолымен Қазақстанда ЖЭК саласындағы әлеуетті іске асыру әдістері туралы ағымдағы ұлттық диалогқа жәрдемдесу болып табылады.

Осы іс-шараның арқасында қатысушылардың пікірлерін ашық түрде алмасу және ЖЭК секторына инвестициялауға кедергі болатын негізгі проблемаларды айқында, сондай-ақ оларды шешудің тиімді жолдарын ұсыну мүмкіндігі болады.

Сізді осы семинарға қатысуға шақырамыз және қызығушылық танытқан жағдайда, өз кандидатураңызды 20 сәуірге дейінb.tazhmakina@energo.gov.kz мекенжайы немесе + 7 7172 740944 телефоны бойынша Тажмакина Балтуғанға жіберуіңізді сұраймыз.

Семинарға қатысу үшін төлем талап етілмейді және тіркелуді растау қажет.

Дереккөз: www.energo.gov.kz

Қазақстан Республикасы Энергетика министрлігі 2016 жылдан бері БҰҰ ЕЭК қолдауымен және ынтымақтастығымен, Қазақстандағы Еуропалық Одақ өкілдігімен және Астана қаласындағы ЕЫҚҰ бағдарлама офисімен және Қазақстандағы БҰҰ ДБ өкілдігімен  «Қазақстанның «жасыл экономика» моделіне көшуіне қолдау көрсету» бірлескен жобасы шеңберінде  БҰҰ ЕЭК Қоршаған ортаға жасалатын әсерді бағалау (ҚОЖӘБ) туралы Конвенциясының ережесіне және оның Стратегиялық экологиялық бағалау (СЭБ) бойынша Хаттамасына сәйкес СЭБ және ҚОЖӘБ жүйесін жетілдіру бойынша ұлттық жүйені құру бойынша іс-шаралар іске асырылуда.

Аталған жұмыс үлгіні және қолданыстағы ұлттық экологиялық заңнаманы қайта қарауды, оны үйлестіру бойынша ұстанымдарды әзірлеуді қарастырады.

Қазіргі уақытта, жоба сарапшыларымен ҚР ЭМ тығыз ынтымақтастықта ҚОЖӘБ және СЭБ үдерістеріне арналған, соның ішінде трансшекаралық контекстте Экологиялық Кодекске, Қазақстан Республикасының секторлық және екіншілік заңнамаларына түзетулер жобасын әзірлеу жүзеге асырылуда.

2018 жылғы 25-26 сәуірде Астана қаласы «Гранд Парк Есиль» қонақ үйінде  Шекарааралық тұрғыдан қоршаған ортаға жасалатын әсерді бағалау туралы конвенцияға және оның стратегиялық экологиялық бағалау бойыншаХаттамасына сәйкес Қазақстан Республикасының заңнамасын жетілдіру бойынша жұмыс тобының кезекті отырысы өтеді.

Жиналыстың басты мақсаты СЭБ және ҚОЖӘБ бойынша түзетулер жобасын, соның ішінде трансшекаралық контекстте Қазақстан Республикасы Экологиялық Кодекске және секторлық заңнамалар талқылау болып табылады. Іс-шара сонымен қатар ҚОЖӘБ және СЭБ саласындағы заңнаманы одан әрі дамыту бойынша ұстанымдарды әзірлеуге бағытталған.

Бірінші күні отырыс Ахметжан Пірімқұлов мырзаның төрағалығымен өтеді – Қазақстан республикасы Энергетика министрлігі Экологиялық реттеу және бақылау комитетінің төрағасы және Рати Джапридзе мырза – Астанадағы ЕҚЫҰ-ның Бағдарламалар кеңсесі Экономика және экология бөлімінің меңгерушісі.

          Екінші күн – Қазақстан республикасы Энергетика министрлігі «Жасыл экономика» департаментінің директоры Ә. Шалабекова ханым және Қазақстан республикасы Энергетика министрлігі Экологиялық реттеу және бақылау комитетітөрағасының орынбасары Азамат Әлімбаев мырзаның төрағалығымен.

Жұмыс тобының отырысында ҚОӘБ және СЭБ бойынша ұлттық сарапшылар мен халықаралық сарапшылар, Қр Энергетика министрлігі профильді департаменттерінің сарапшылары, жұмыс тобының мүшелері қатысады (Ержи Ендрошка мырза заңнамалық даму аясында негізгі халықаралық сарапшы, ҚОӘБ және СЭБ бойынша Елена Лаевская ханым, ҚОӘБ және СЭБ  бойынша заңнамалық даму аясында халықаралық сарапшы).

Жұртшылықты ҚОӘБ және СЭБ бойынша ұлттық заңнамадағы реформалардың қажеттілігі мен орындылығы туралы хабардар ету мақсатында бұқаралық ақпарат құралдарының өкілдерін жұмыс тобының мәжілісіне қатысуын ұйымдастыруды сұрайды, сонымен қатар жергілікті ұлттық телеканалдарда халықаралық сарапшылармен сұхбаттасуын ұйымдастыру мүмкіндігін қарастыру («Хабар», «КТК», «Қазахстан»).

Дереккөз: www.energo.gov.kz

2018 жылғы 17 сәуірде Париж қаласында Экономикалық ынтымақтастық және даму ұйымы Қоршаған орта саласындағы саясат комитетінің (ҚОССК) кезекті отырысында ҚР Энергетика министрі Қанат Бозымбаев Қазақстан Республикасындағы экологиялық саясатты өзін өзі бағалау бойынша сөз сөйледі.
ҚОССК отырысына сонымен қатар ҚР Энергетика министрлігі Экологиялық реттеу және бақылау комитетінің төрағасы, ҚР Энергетика министрлігі «Жасыл экономика департаментінің директоры, «ССДО»АҚ өкілі қатысты.
Қазақстан Республикасын Президенті Н.Ә. Назарбаев еліміздің әлемнің ең дамыған 30 мемлекетінің қатарына кіруі және біздің ұлттық заңнаманы халықаралық стандарттарға жақындату
бойынша мақсаттар қойды. Осыған орай, еліміздің табиғат қорғау мекемесі ретінде Энергетика министрлігінің алдына ЭЫДҰ Қоршаған орта саласындағы саясат комитетінде қатысушы дәрежесіне дейін көтеру мақсаты қойылды.

Дереккөз: www.24.kz

Ақтөбе облысында киік санағы басталды. Алдымен Үстірт даласындағы жануарлар басты назарға алынады.

Өткен жылы ақбөкендер саны елімізде шамамен 152 мың болса, оның тек үш мыңға жуығы осы Үстіртті мекендейді екен. Жалпы мамандар соңғы жылдары киік санының артып келе жатқандығын айтады.

Иен далада қозғалған қараны лезде байқайтын қорықшылар санақ жүргізгенде керек-ақ.

Үстіртті де бес саусағындай біледі. Сондықтан есептеу әдісін санаулы минуттарда игеріп, көп айналмай ұшақ Маңғыстау облысына қарай бет алды. Үстіртті мекендейтін киік Бетпақ даласы мен Орал популяциясынан әлдеқайда аз. 2015 жылғы жаппай қырылғаннан кейін бұл жерде шамамен үш мың бас ақбөкен қалған. Жануарлардың бейқам жайылып, еркін төлдеуіне де кедергі көп.

Штеффан Цупер, «Алтын дала» табиғатты қорғау бастамасының халықаралық үйлестірушісі:

– Үстіртті мекендейтін киік үшін қиындық бар. Қару кезеген браконьерлер өз алдына, жайылым жерлері де азайған. Осыдан бірнеше жыл бұрын салынған теміржол –жануарлардың оңтүстікке аймаққа өтуіне кедергі. Сондықтан киіктер қыстың күні солтүстіктегі жайылымда қалуға мәжбүр.

Санақ кезінде қос аяқты көлікті ерттеп мінген күдіктілер де кезікті. Мамандар қылмыскерлер деп пайымдады. Сондықтан бір топ инспектор жедел із кесуге аттанды.

Сәбит Дүйсекенов, «Охотзоопром» РМҚК облыстық филиалының директоры:

– Бұл ақпардың анық-қанығын анықтауға арнайы топ аттанды. Олар аң атуға шыққан браконьерлер болуы да мүмкін. Үй жануарларын іздеген жергілікті тұрғындар да болуы ғажап емес.

Маңғыстау мен Ақтөбе облысында жайылатын жануарларды қорғауға 20 қорықшы жұмылдырылған. Өткен жылы Үстіртте киікті атып, мүйізін кесіп алып жүрген 4 топты қолға түсірген. Қорықшылар саны аз болғанымен, иен даланы мылтық асынған қылмыскерлерден қорғау үшін күні-түні дамыл таппайды.

Нұрлыбек Сүлейменов, «Охотзоопром» РМҚК облыстық филиалының инспекторы:

– Он болады, он бес болады, топ-топ болыпғ Үстіртке шығады, киікке шығады. Мүйіз деген бәле болды ғой бізге. Мүйізге бола шығады. Соны қорғап жатырмыз. Қазір жайлап өсіп келе жатыр.

Алғашқы барлау болашақ ұшу бағыттарын анықтауға мүмкіндік берді. Жануарлардың жайылымдары белгілі болды. Санақтың бірінші күні екі жүзден астам жануар көзге ілінген.

Александр Путилин, Қазақстан биоалуантүрлілікті сақтау қауымдастығының аға қорықшысы:

– Көкке көтеріліп, киіктердің қыр-жоталарға жақын жүргендігін анықтадық. Енді шамамен 50 сағат ұшу жоспарымызда бар. Сосын Батыс Қазақстан облысындағы киіктерді түгендейміз.

Үстірттегі санақ он тәулікте тәмамдалуы тиіс. Алда құралайдың желі басталып, киіктер төлдейді. Бастысы – күзетті күшейту. Сонда ғана санаулы жыл ішінде ақбөкендер саны бірнеше есе артуы әбден мүмкін.

Авторлары: Мансұр Есқожин, Айнадин Молдабеков

I

Астана қаласында «Қоршаған ортаға бөлінетін ластаушы заттар мен сынап эмиссиясы: анықтау, түгендеу және Қазақстан Республикасы ластауыштардың шығарындылары мен тасымалдарының мемлекеттік тіркеліміне енгізу әдістері» семинары аясында Қазақстандағы ластауыштардың шығарындылары мен тасымалдарының тізілімін енгізу мәселелері талқыланды. Семинар 2018 жылғы 11 сәуір күні Астана қаласындағы «Гранд Парк Есіл» қонақүйінде өтті.

Семинарды Қазақстан Республикасы Энергетика министрлігінің қолдауымен Қоршаған ортаны қорғаудың ақпараттық-талдау орталығы, Қазақстандағы БҰҰ-ның даму бағдарламасы және «Тұрақты дамуға жәрдем көрсету» орталығы ұйымдастырды.

2017 жылдан бастап І-санаттағы өнеркәсіп орындары ластауыш заттардың эмиссиялары бойынша есептерін көпшіліктің назарына қолжетімді ластауыштардың шығарындылары мен тасымалдарының тіркеліміне (ЛШТТ) енгізу үшін ұсынуы тиіс. Есепке алынуы тиіс заттар тізіміне 86 зат кіреді, оның ішінде тұрақты органикалық ластауыштар, сынап және басқа да улы химиялық заттар бар.

Семинар ластауыш заттар бойынша есептілік, Қазақстанда ЛШТТ-ні енгізу, сондай-ақ эмиссиялар бойынша онлайн-есептілікке арналған порталды пилоттық тестілеу бөлігіндегі мүдделі тараптардың әлеуетін арттыру мақсатында өткізілді.

Семинарға 60 адам, оның ішінде ҚР Энергетика министрлігінің, Табиғи ресурстар және табиғат пайдалануды реттеу басқармасының, Экология департаментінің, Қоғамдық денсаулықты сақтау департаментінің, Астана қаласының, Ақмола, Қарағанды, Шығыс Қазақстан, Қостанай және Алматы облыстарының тау-кен өндіру, энергетика, мұнай өңдеу, металлургия, химия салалары кәсіпорындарының және ҮЕҰ-ның өкілдері қатысты.

Қазақстандағы ластауыштардың шығарындылары мен тасымалдарының мемлекеттік тіркелімін жүргізу жөніндегі сессия аясында ҚР ластауыштардың шығарындылары мен тасымалдарының мемлекеттік тіркелімін жүргізу жөніндегі ҚР заңнамасының талаптары, Қазақстандағы ЛШТТ туралы хаттаманы ратификациялау жөніндегі ағымдағы ахуал қарастырылды. Қатысушыларға Негізгі және маңызды секторларға арналған эмиссияларды бағалау әдістері жөніндегі ұлттық нұсқаулықтардың жобалары ұсынылды.

Сессия барысында қатысушыларға мемлекеттік ЛШТТ-ге есептілікті тапсыруға арналған  бағдарламалық қамтамасыз ету бойынша «ҚОҚ АТО» РМК әзірлеген портал ұсынылды, ол ЛШТТ-ні жүргізу үдерісін автоматтандырады. Жасалатын порталды безендіру 3 негізгі элементті: негізгі ядросы ретінде қосымшалар серверін, негізгі деректер қоймасы ретінде деректер базасы серверін, пайдаланушылардың ЛШТТ порталымен өзара іс-қимылының құралы ретінде жеке кабинетті қамтиды. Қатысушылар порталды тестілеуге қатысты, есептілікке қажетті деректерді пилоттық режимде енгізіп үйренді, сондай-ақ онлайн-есептілік жүйесін жетілдіру бойынша бірқатар ұсынымдар берді.

Қоршаған ортаға бөлінетін сынап пен басқа да ауыр металдар эмиссиясын бағалау және  қоршаған ортаға бөлінетін тұрақты органикалық ластуыштар шығарындыларын бағалау бойынша сессиялар кезінде қатысушылар ЮНЕП және ЕМЕП әзірлеген халықаралық эмиссияларды бағалау әдістемелерін қарастырды.

Семинар шеңберінде айтылған ұсыныстар мен ұсынымдар Қазақстанда ЛШТТ-ні енгізу және эмиссияларды бағалау саласындағы әдістемелік қамтамасыз етуді жетілдіру кезінде ескерілетін болады.

Дереккөз: www.energo.gov.kz

2018 жылғы 10-11 сәуір аралығында Братислава қ. (Словакия) ҚР энергетика вице-министрі Бақытжан Жақсалиев пен Словак Республикасының Экономика министрлігінің Мемлекеттік хатшысы Войтех Ференцтің төрағалығымен қазақстан-словак сауда-экономикалық және ғылыми-техникалық ынтымақтастығы жөніндегі 7-ші Үкіметаралық комиссиясының отырысы өткізілді.
Отырыс барысында екі тарап энергетика, инвестиция және банктер, ауыл шаруашылық, су ресурстары, қоршаған ортаны қорғау, өзара құқықтық көмек көрсету, білім, ғылым, денсаулық сақтау, туризм және мәдениет саласында өзара іс-қимылдың жағдайы мен даму болашақтарын жан-жақты талқылады.
Екі ел арасындағы сауда-экономикалық байланыстардың нығаюына Словакияның «Энергия болашағы» тақырыбында өткен ЭКСПО-2017 көрмесіне қатысуы мен Астана қаласына словак делегациясының үш үлкен ресми және іскер сапарлары негізгі түрткі болғаны туралы атап өтілді.
Тараптар ЭКСПО негізінде жаңа ірі жобаларын жүзеге асыру шеңберінде словак компанияларына жаңа инвестициялық мүмкіндіктер туралы айтып өтті, яғни ең алдымен, бұл «Астана» Халықаралық қаржы орталығы, «жасыл» технологиялар мен инвестицияларды дамыту бойынша халықаралық орталық және IT-стартаптардың халықаралық технопаркі жөнінде.
2017 жылы Қазақстан мен Словакия арасындағы тауар айналымы 53,1 млн АҚШ долларын құрады, 2016 жылмен салыстырғанда 39,8% жоғары (37,962,2 млн. АҚШ долл). Осылайша, өзара тауар айналымының көлемі екі жылдық (2015-2016 жж) құлдыраудан соң оң динамикасын көруге болады.
Тараптар нақты шешімдерге қол жеткізіп, екі елдің мүддесі үшін сауда-экономикалық қатынастарды белсендіру мақсатындағы нақты бағыттар мен ынтымақтастық әлеуетін іске асыру жолдары айқындады.
Отырыстың қорытындысы бойынша Үкіметаралық комиссиясының тең төрағалары Бақытжан Жақсалиев пен Войтех Ференц қорытынды хаттамаға қол қойды.
Келесі Қазақстан-Словак Үкіметаралық комиссиясының отырысы Астанада өтеді

Дереккөз: www.energo.gov.kz

2018 жылғы 10-11 сәуірде ҚР Энергетика вице-министрі М.Мырзағалиевтің басшылығымен қазақстандық делегация Нью-Дели қаласында (Үндістан) өткен «Жаһандық энергетикалық қауіпсіздіктің болашағы – көшу, технологиялар, сауда және инвестициялар» атты 16-шы Халықаралық энергетикалық форумға (ХЭФ) қатысты.
ХЭФ энергия ресурстарын экспорттаушы, тұтынатын және транзитті жүзеге асыратын елдердің үкіметаралық диалогынілгерілету жөніндегі ірі халықаралық энергетикалық ұйым болып табылады.
Іс-шараға 700-ден астам делегат, соның ішінде 60 салалық министрліктер мен ведомстволардың басшылары, жетекші өндірушілер мен тұтынушылардың, ірі компаниялардың және ХЭА, ОПЕК сияқты халықаралық ұйымдардың өкілдері және т.б. қатысты.
Конференция барысында қазақстандық делегация жаһандық энергетикалық күн тәртібінің аса өзекті мәселелерін талқылады.
Бұдан басқа Форум шеңберінде Үндістанның Мұнай және газ министрімен және ХЭФ пен Газ экспорттаушы елдер форумының (ГЭЕФ) Бас хатшыларымен екі жақты кездесулер өтті. Кездесулер барысында Қазақстан мен Үндістан арасындағы ынтымақтастықтың ағымдағы жағдайы, сондай-ақ Халықаралық энергетикалық форум және ГЭЕФ шеңберіндегі алдағы өзара іс-қимыл перспективалары талқыланды.