Дерек көз – gov.kz 

Бүгін ҚР экология, геология және табиғи ресурстар министрі Мағзұм Мырзағалиев Атырау облысына жұмыс сапары аясында жергілікті үкіметтік емес ұйымдардың өкілдерімен және экобелсенділермен кездесті.

Кездесу барысында ведомство басшысы облыс экологиясын жақсарту бойынша белгіленген жоспарларды тиімді іске асыру үшін бірлескен жұмысты күшейтудің маңыздылығына тоқталды.

«Бізді аймақтағы экологиялық жағдай алаңдатады. Атырау еліміздің ең ластанған қалаларының қатарына кіреді. Әрине, бұл жағдайды жақсарту қажет. Бұл маңызды жұмыста сіз сияқты белсенді азаматтар тарапынан қолдау, көмек қажет. Мен қашанда сындарлы диалогқа ашықпын және ашық бола беремін», – деп атап өтті министр.

Мағзұм Мырзағалиев Атырау облысының экологиялық проблемаларын шешу үшін 40 іс-шарадан тұратын Жол картасы әзірленгенін атап өтті. Олардың қатарында жаңа кәріздік тазарту кешендерін салу және ескілерін қалпына келтіру, «Сасық сай» және «Шаршы» булану алаңдарын рекультивациялау, Орал өзенінің бассейнін көгалдандыру, тазарту, сауықтыру және басқа да маңызды іс – шаралар бар.

«Біз Атыраудың экологтарымен, қоғам өкілдерімен бірнеше рет кездестік. Кездесулеріміздің нәтижесі Жол картасын қабылдау болды. Жаңа Экологиялық кодекс те осы бағытта перспективалы мүмкіндіктер ашатынын атап өткім келеді. Ең маңыздыларының бірі – кодекс ірі ластағыштардың әлеуметтік жауапкершілігін арттыруға мүмкіндік береді», – деп толықтырды экология министрі.

Оның айтуынша, қазірдің өзінде 1-санатқа жататын көптеген кәсіпорындар ең озық қолжетімді технологияларды енгізу бойынша дайындық шараларын жүргізуде, демек, болашақта атмосфераға ластаушы заттардың шығарындылары айтарлықтай азаяды.

Сонымен қатар, министр Атырауда өңірдің барлық негізгі экологиялық проблемаларын тіркеу бойынша фронт-офис ашуды ұсынды.

«Бірлескен жұмыс үшін көптеген құралдар бар. Біздің министрлік жақында құрылды. Бір жарым жыл ішінде ауқымды жұмыс атқарылды, экологиялық мәселелерді шешудің тетігі жасалды. Уақыт өте келе біз Жол картасының, жаңа Экологиялық кодекстің тармақтарын іске асырудың тиімді нәтижелерін көретінімізге сенімдімін», – деп түйіндеді Мағзұм Мырзағалиев.

Дерек көзі – gov.kz 

20 кен орны алғаш рет мемлекеттік теңгерімге қойылды, алдын ала деректер бойынша 7,5 млрд.теңгеден астам инвестиция геологиялық салаға тартылды, Қарағандыда геохимиялық зертхана іске қосылды. Қазақстанның геология саласындағы 2020 жылғы жұмысының осы және басқа да қорытындыларын ҚР Экология, геология және табиғи ресурстар вице-министрі Серікқали Брекешев министрліктің кеңейтілген алқа отырысында жариялады.

Оның айтуынша, өткен жылы 56 нысанда жер қойнауын мемлекеттік геологиялық зерттеу жүргізілді, оның нәтижелері бойынша пайдалы қазбаларды анықтауға арналған перспективалы учаскелер анықталды. Аяқталған жұмыстардың нәтижелері бойынша болжамды ресурстардың өсуі бойынша жоспарлы көрсеткіштерге толық көлемде қол жеткізілді: алтын – 12,6 тонна, күміс – 96 тонна, мыс – 65 мың тонна, қорғасын – 968 мың тонна, мырыш – 1,1 млн. тонна.

Сонымен қатар, вице-министр 2020 жылы пайдалы қазбалар қорының өскенін хабарлады. Осылайша, 111,5 тонна алтын, 55,4 мың тонна уран, 13,8 млн.тонна темір кені және 31,7 млн. тонна мұнай өндірілді.

«Өткен жылы «Қазгеология» АҚ инвесторлармен бірлесіп жер қойнауын геологиялық зерттеу қорытындылары бойынша алтын өндіру бойынша «Шекара», түсті және асыл металдар  – «Арго» перспективалы учаскелерін анықтады. Компанияда барлығы 47 инвестициялық жоба жүзеге асырылуда», – деді Серікқали Брекешев.

Вице-министр жылдың маңызды қорытындыларының бірі ретінде 2021-2025 жылдарға арналған геологиялық барлаудың мемлекеттік бағдарламасының жобасын әзірлеуді атады, ол Мемлекет басшысының тапсырмасына сәйкес ұлттық жоба болып қайта құрылатын болады.

«Ұлттық жоба минералдық-шикізат базасының бәсекеге қабілеттілігін тұрақты толықтыру, дамыту және қолдауға жағдай жасау үшін ел аумағының геологиялық зерттелуін арттыруға бағытталған. Ол мемлекеттік бюджет және жеке инвестициялар есебінен жүзеге асырылады», – деді экология министрінің орынбасары.

Жыл қорытындыларының ішінде «Еуразия» жобасы бойынша жұмыстың қайта басталғанын айтуға болады.

«Жобаның негізгі мақсаты – тереңдігі орталық бөлігінде 18-20 км жететін Каспий маңы ойпатының тереңдік құрылысын зерттеу. 15 км дейінгі аса терең ұңғыманы бұрғылау геологиялық қиманы зерттеуге және көмірсутектерді іздестіруге қатысты бассейн әлеуетін бағалауға мүмкіндік береді», – деп хабарлады вице-министр.

Серікқали Брекешевтің ақпараты бойынша 2020 жылы «Цифрлық Қазақстан» мемлекеттік бағдарламасы шеңберінде «Қазақстан Республикасының минералдық ресурстарының ұлттық деректер банкі» ақпараттық жүйесін енгізу бойынша жұмыс жүргізілді.

«Жүйенің жұмыс істеуі инвесторларға геологиялық ақпараттың электронды базасына қол жеткізуге мүмкіндік береді», – деді ол.

2021 жылға сала алдына жер қойнауын мемлекеттік геологиялық зерттеуді жүргізу, 70 объектіде ресурстарды іздеу және бағалау, «ҚР минералдық ресурстардың ұлттық деректер банкі» ақпараттық жүйесін іске қосу және 2025 жылға дейін орталық және батыс өңірлерде 2 Керн сақтау қоймасын салу бойынша міндеттер қойылды.

Дерек көзі – gov.kz

Бүгін ҚР Экология, геология және табиғи ресурстар министрлігінің кеңейтілген алқа отырысында вице-министр Ерлан Нысанбаев орман шаруашылығы саласындағы 2020 жылғы жұмыс қорытындысын баяндады.

Оның айтуынша, Қазақстанда 2019 жылмен салыстырғанда орманмен қамтылған алқап 188 мың гектарға ұлғайды.

«Мемлекет басшысының орман қорында 5 жыл ішінде 2 млрд. ағаш отырғызу жөніндегі тапсырмасын орындау аясында облыс әкімдіктерімен бірлесіп өңірлер бойынша Ормандарды молықтыру мен орман өсіру жөніндегі кешенді жоспарлар әзірленіп, бекітілді. Орман отырғызудың ең көп көлемі Түркістан, Қызылорда және Жамбыл облыстарында, сондай – ақ Семей мен Ертіс орманы орман резерваттарының аумағында болжанып отыр»,-деді өз сөзінде вице-министр.

Ол министрліктің орман шаруашылығы және жануарлар дүниесі комитетінің табиғат қорғау мекемелерінің және облыс әкімдіктерінің орман қорғау мекемелерінің күшімен 5 жыл ішінде 843 мың га алаңда 1,7 млрд. ағаш отырғызылатынын атап өтті. Көрсетілген шаралар 2030 жылға қарай елдің ормандылығын 5% – ға дейін жеткізуге мүмкіндік береді.

«Мемлекеттік орман қоры аумағында орман өрттерінің 701 жағдайы тіркелді, олардың ауданы 41,8 мың га құрады, республика бойынша жалпы залал – 2,1 млрд.теңге», – деп мәлімдеді Ерлан Нысанбаев.

Орман өрттерінің ең көп аудандары Жамбыл, Шығыс Қазақстан, Батыс Қазақстан, Павлодар және Түркістан облыстарында, сондай-ақ «Семей орманы» резерватының аумағында тіркелген.

Вице-министр өткен жылы заңсыз ағаш кесу саны 25% – ға төмендегенін, алайда заңсыз кесілген ағаш көлемінің өсуі тіркелгенін хабарлады.

«Ағаштарды заңсыз кесу, жою және бүлдіру жауапкершілігін арттыру мақсатында қолданыстағы заңнамаға айыппұлдарды ұлғайту және бұзушыларға санкцияларды қатаңдату бөлігінде өзгерістер мен толықтырулар енгізілді», – деп толықтырды Министрдің орынбасары.

2020 жылдың қорытындыларының қатарында «өсімдіктер әлемі туралы» заң жобасын әзірлеу де бар.

Сонымен қатар, вице-министр ұлттық парктерде экологиялық туризмді дамытуға көп көңіл бөлінгенін атап өтті.

«Алматы тобындағы Іле – Алатау, Көлсай-көлдері, Шарын, Алтын Емел сияқты төрт мемлекеттік ұлттық табиғи парктердің тұжырымдамасы қабылданды. Осы ұлттық парктердің жанынан Қоғамдық кеңестер құрылды. 2020 жылы Іле-Алатау ұлттық паркінде жобаны жүзеге асыруға 900 млн.теңге инвестицияланды», – деді Ерлан Нысанбаев.

Осы жұмыстар шеңберінде 2025 жылға қарай ұлттық парктердің Алматы тобына жеке инвестициялардың көлемі 31 млрд.теңгені құрайды, ұлттық парктердің рекреациялық жүктеме нормаларын ескере отырып, туристердің күтілетін ағыны 2 млн. адамнан асады деп күтілуде.

Орман шаруашылығын, ерекше қорғалатын табиғи аумақтарды дамытуға және биоәртүрлілікті сақтауға бағытталған «Жасыл Қазақстан» ұлттық жобасын әзірлеу жоспарда бар.

«жаңа Экологиялық кодекстің нормаларын түсіндіру» тақырыбындағы онлайн-семинар өз мәресіне жетті

Ағымдағы жылдың 10-12 ақпан аралығында ҚР ЭГТРМ «Қоршаған ортаны қорғаудың ақпараттық-талдау орталығы» ШЖҚ РМК (ҚОҚ АТО) ZOOM-конференция платформасында өндірістік кәсіпорындардың қызметкерлері үшін «жаңа Экологиялық кодекстің нормаларын түсіндіру» тақырыбында үш күндік онлайн-семинар өткізді.

Семинар барысында келесі тақырыптар егжей-тегжейлі қарастырылды: Экологиялық кодекстің жаңа редакциядағы негізгі қағидаттары, Өндірістік экологиялық бақылау, Экологиялық талаптар, Операторлардың құқықтары мен міндеттері, Мемлекеттік экологиялық бақылау, Экологиялық жауапкершілік, Ремедиация, 2007-2021 жылдардағы Экологиялық кодекстердегі қалдықтар туралы жалпы ережелер, Қалдықтарды басқару саласындағы мемлекеттік экологиялық саясаттың қағидаттары, Қоршаған ортаға әсерді бағалауды жүргізудің жаңа тәсілдері, Экологиялық бағалау стратегиясы, Кешенді экологиялық рұқсат.

Спикерлер ретінде ҚР Экология, геология және табиғи ресурстар министрлігінің өкілдері, сондай-ақ жаңа Экологиялық кодексті әзірлеуге тікелей қатысқан сарапшылар шақырылды:

Жолдасов З.С. – ҚР ЭГТРМ Экологиялық реттеу және бақылау комитетінің төрағасы;

Тасбаев Е.Э. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының басшысы;

Ағыбаева Д.Ж. – Мемлекеттік метрологиялық-талдамалық бақылау басқармасының бас сарапшысы;

Ингербаева Ж.У. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының бас сарапшысы;

Тастемірова Ш.И. – ҚР ЭГТРМ ЭРБК Мемлекеттік экологиялық сараптама және рұқсаттар басқармасының бас сарапшысы;

Оразалина К.Н. –  минералды шикізат және өндіріс қалдықтарын қайта өңдеу мәселелері бойынша тәуелсіз сарапшы/консультант, т.ғ.к., «Жер қойнауының тәуелсіз сарапшыларының кәсіби бірлестігі» ҚБ (ЖТСКБ) толық мүшесі.

Қоршаған ортаны қорғау саласындағы онлайн-семинарлар ағымдағы жылдың 10 ақпанында іске қосылды және тұрақты түрде өткізілетін болады. 2021 жылдың бірінші жартыжылдығына жоспарланған семинарлардың басты мақсаты жаңа Экологиялық кодекстің нормаларын түсіндіру болып табылады.

ҚР ЭГТРМ «Қоршаған ортаны қорғаудың ақпараттық-талдау орталығы» ШЖҚ РМК жарғылық қызмет шеңберінде, атап айтқанда халықты және операторларды қоршаған ортаны қорғау және табиғи ресурстарды пайдалану мәселелері бойынша ағарту мақсатында қоршаған ортаны қорғау саласында семинарлар ұйымдастырады және өткізеді. ҚОҚ АТО семинарлардан басқа Мемлекеттік экологиялық ақпарат қорын, Табиғи ресурстардың мемлекеттік кадастрын, Қалдықтардың мемлекеттік кадастрын жүргізумен, сондай-ақ экологиялық ақпаратты ұсыну және тарату бойынша қызметтермен айналысады.
Барлық мәліметтер www.iacoos.kz сайтынды және сонымен қатар www.instagram.com/iacoos2021, www.facebook.com/pkk.iacoos. әлеуметтік желілерде жарияланды.

Дерек көз – gov.kz

Геология саласы ел экономикасының маңызды құрамдас бөлігі болып табылады. Пайдалы қазбалардың кен орындары қаншалықты зерттелгеніне өңірлердің материалдық-шикізат базасының жай-күйі, демек, әлеуметтік-экономикалық дамуы да байланысты.

ҚР Экология, геология және табиғи ресурстар вице-министрі Серікқали Брекешев осы бағытта қандай жұмыстар жүргізілгені және геологиялық барлау перспективалары туралы айтып берді.

Сұхбатқа сілтеме – https://www.inform.kz/kz/serikkali-brekeshev-onirlerdin-ekonomikalyk-damuy-sondagy-ken-oryndarynyn-zertteluine-baylanysty_a3751061

Источник – gov.kz

5 февраля Глава государства на первом заседании госкомиссии по подготовке к празднованию 30-летия независимости Казахстана предложил реализовать проект «Таза табиғат». Министр экологии, геологии и природных ресурсов Магзум Мирзагалиев на своей странице в Twitter отметил значимость данной инициативы.

«Глава государства Касым-Жомарт Кемелевич Токаев поручил разработать проект «Таза табиғат». Уверен, это станет импульсом для дальнейшего роста зеленого фонда страны», – написал министр.

«Празднование Наурыз мейрамы, как символа пробуждения природы, всегда было особенным в нашей стране. Как дань природе, мы должны посадить как можно больше деревьев, повсеместно провести мероприятия по благоустройству. Важно не забывать и о бережном отношении к природе, животным… По поручению Президента мы продолжим реализацию экологических инициатив по формированию экологической культуры в обществе, озеленению, охране природы, развитию экологического туризма и, в целом, по улучшению экологической ситуации в стране», – подчеркнул глава ведомства.

Дерек көзі – gov.kz

Халық жергілікті атқарушы органдармен және мәслихаттармен бірлесіп, ауа сапасының қажетті деңгейіне қол жеткізу үшін жаңа экологиялық кодекстің қолда бар құралдарын пайдалануы қажет. «Қазақстанның экологиялық ұйымдарының Қауымдастығы» ЗТБ Басқарма төрағасы Айгүл Соловьева ҚР экология, геология және табиғи ресурстар министрлігі ұйымдастырған Алматы қаласы тұрғындарына Экокодекс нормаларын түсіндіру жөніндегі жұмыс кездесуі барысында осындай пікір білдірді.

Оның айтуынша, жаңа Экокодексте атмосфералық ауаны қорғауға, ластаушы заттардың шығарындыларын азайту бойынша кешенді шаралар қабылдауға баса назар аударылған.

«Биылғы жылы қол қойылған жаңа Экологиялық кодекс қоршаған ортаны қорғаудың жаңа тәсілдерін анықтады. Басты назар дамыған елдердің, атап айтқанда экономикалық ынтымақтастық және даму ұйымының тәжірибесін пайдалануға аударылды. Құжатта атмосфералық ауа сапасының экологиялық нормативтеріне және атмосфералық ауаға рұқсат етілген антропогендік әсерге қойылатын талаптар белгіленген», – деп атап өтті сарапшы.

Оның айтуынша, қолданыстағы реттеу қоршаған орта жағдайының айтарлықтай жақсаруына әкелмейді.

«ЭЫДҰ сарапшыларының пікірінше, негізгі экологиялық нормативтік-құқықтық базаны жылдам реформалау Қазақстанда жасылдандыруды арттыру үшін кең мүмкіндіктер ашуы мүмкін. Кодекс қоршаған ортаны қорғау, сақтау және қалпына келтіру, сондай-ақ тұрақты дамуды қамтамасыз ету және адам өмірі мен денсаулығы үшін қолайлы қоршаған ортаны қамтитын 14 негізгі міндетке ие», – деп толықтырды Айгүл Соловьева.

Сонымен қатар, қауымдастық басшысы Экокодекс аясында белгіленген экологиялық нормативтерден асып кету анықталған жағдайда экологиялық рұқсат шығарындыларды қолайлы деңгейге дейін азайту, атмосфералық ауаны қорғау жөніндегі іс-шараларды орындау жағдайында ғана берілетінін атап өтті.

«Заттардың қоршаған ортаға ықтимал теріс әсерін бағалау процесінде халық денсаулығына зиян келтіру қаупі үнемі маңызды фактор ретінде қарастырылады. Кодекстің осы бағытында жол берілетін шығарындылар нормативтерінің сақталуына мониторинг қарастырылған. Жергілікті өкілді органдар мемлекеттік экологиялық мониторинг нәтижелері бойынша қатарынан үш жыл ішінде атмосфералық ауа сапасының нормативтерінен тұрақты асып кету анықталған жағдайда, атмосфералық ауаға антропогендік жүктемені азайту үшін тиісті шектеулер енгізуге құқылы», – деді спикер.

Дерек көз – gov.kz

Алматыда алғаш рет қала тұрғындары, экоактивистер, БАҚ, қалалық әкімдік өкілдері, кәсіпкерлер экологиялық мәселелерді шешуді талқылау үшін жиналды. Бұл кездесудің бастамашысы ҚР экология, геология және табиғи ресурстар министрлігі.

Бұл кездесу министрліктің жаңа Экологиялық кодексті түсіндіру үшін өңірлерге жасалған жұмыс сапарларының жалғасы болды.

Экология министрі Мағзұм Мирзағалиев пандемиямен байланысты карантиндік шаралар қалалардың, соның ішінде Алматы қаласының көшелеріндегі көліктердің аздығына байланысты ауаның ластану себептерін мұқият зерттеуге мүмкіндік берді деп атап өтті.

«Өткен жылға дейін Алматыда ауаның ластану себептері мен деңгейін анықтауда ЖЭО-3-тің әсері ескерілмегенін атап өткен жөн, өйткені ол Алматы облысында орналасқан. Алайда, ЖЭО-3 шығарындылары қаланың ауа бассейніне 8% әсер етеді деп айтуға болады. Сондықтан Алматыдағы ауа сапасы мәселесін кешенді шешу үшін біз “Самұрық-Энерго” АҚ және “АлЭС” АҚ-мен газдандыруды жеделдету және ЖЭО-2 жаңғырту мен ЖЭО-3 бойынша ТЭН әзірлеу мәселелері бойынша бірнеше рет кездестік», – деді ведомства басшысы.

Министр Экологиялық кодекс нормаларын, сондай-ақ қала жұртшылығымен бірлесіп әзірленген қаланың экологиялық проблемаларын шешу жөніндегі Жол картасында көзделген іс-шараларды іске асыру процесінде министрлік пен қала әкімдігінің күш-жігерін шоғырландыру айқындалатынын атап өтті.

Өз кезегінде Алматы қаласы әкімінің орынбасары Ерлан Қожағапанов Жол картасының тармақтарын орындау бойынша жүргізіліп жатқан жұмыстар туралы хабардар етті.

«Қаладағы ауаны ластаудың негізгі көздері ЖЭО 2 мен 3, жиі сектор және автокөлік болып табылады.
Ауаның ластануына байланысты мәселелерді шешу үшін кешенді шаралар қабылданды, оның ішінде дизельді және бензинді автобустар мен коммуналдық техниканы сатып алуға тыйым салу, 17 электр автобусы іске қосылды, ауа сапасын өлшеу бойынша 10 автоматтандырылған станция орнатылды, өткен жылдың күзінде ағаштардың рекордтық саны – 282 мың көшет отырғызылды және басқа да шаралар», – деп атап өтті қала басшысының орынбасары.

«АлЭС» АҚ басқарма төрағасы Нұрлан Мұхамед-Рахимов кәсіпорынның энергия көздеріндегі қайта құру жұмыстары зиянды шығарындылардың жалпы көлемін 2010-2020 жылдар аралығында 17 мың тоннаға немесе 25% азайтуға мүмкіндік берді деп мәлімдеді.

«Біздің кәсіпорын қаланы электр энергиясымен 70%, жылу энергиясымен 76% қамтамасыз етеді және өндіреді. Экологияға барынша аз әсер ету мәселелері біз үшін басым міндеттердің бірі болып табылады», – деп хабарлады кәсіпорын басшысы.

Алматы қаласының экологиялық мәселелерін жедел шешудің өзектілігін «Қоғамдық бақылау және мониторинг» Республикалық қоғамдық бірлестігінің төрайымы Саида Таукелева да атап өтті. Оның айтуынша, бүгінгі күні бұл басымдыққа ие.

«Проблемалық мәселелер көп және оларды шешу қажет. Біз ауа сапасының мониторингіне қатысуға, экобелсенді мамандарды тартуға, көмек көрсетуге дайынбыз. Біз сондай-ақ осындай мәселелерде күш-жігерді біріктіру қажет екендігімен келісеміз», – деді спикер.

Айта кетейік, кездесу барысында журналистер мен қоғам белсенділері экология саласына, сонымен бірге жаңа Экологиялық кодекске қатысты өздерін қызықтырған сұрақтарын қойды.

Соңында министр экологиялық проблемалар туралы үндемеу мүмкін емес деген пікір білдірді.

«Кездесу ЖЭО-2-де негізгі ластаушы аумақта өтеді. Ашықтық пен айқындық өзекті экологиялық мәселелерді тиімді шешудің негізгі факторлары болып табылады. Жаңа Экологиялық кодекс бұл үшін пәрменді серпін болатынына сенімдімін”, – деп түйіндеді министр.

Кездесу ЖЭО-2-де – негізгі ластаушы аумақта өтеді. Ашықтық пен жариялылық экологиялық өзекті мәселелерді тиімді шешудің негізгі факторлары болып табылады. Жаңа Экологиялық кодекс бұған тиімді түрткі болатынына сенімдімін », – деп түйіндеді министр.

Источник – gov.kz

Қасым-Жомарт Тоқаевқа Экология, геология және табиғи ресурстар министрлігінің өткен жылғы жұмысының негізгі нәтижелері, сондай-ақ, алдағы уақыттағы жоспарлары туралы баяндалды.

Мағзұм Мырзағалиев Мемлекет басшысына биылғы өсімдік өсетін кезеңді сумен қамтамасыз ету мәселелері жайында айтты. Министрдің айтуынша, биыл қардың аз түсуіне байланысты елімізде су тапшылығы болуы мүмкін. Бұл ретте Президент су арналарын цифрландыру жөніндегі жұмыстың маңыздылығын атап өтті. Алдағы 5 жыл ішінде бүкіл республика бойынша 119 арнаны цифрландыру қажет.

Қасым-Жомарт Тоқаевқа балық шаруашылығын дамытудың 2030 жылға дейінгі бағдарламасы жүзеге асырыла бастағаны жайында айтылды. Мағзұм Мырзағалиевтің пікірінше, 10 жыл ішінде балық өндірісін 9 мыңнан 270 мың тоннаға дейін арттыруға мүмкіндік бар.

Сонымен қатар Президентке геологиялық барлау, экологиялық туризм және ұлттық парктердің жай-күйі туралы ақпарат берілді.

Кездесу соңында Мемлекет басшысы Экология, геология және табиғи ресурстар министріне бірқатар нақты тапсырма берді.

https://www.akorda.kz/kz/events/akorda_news/meetings_and_receptions/prezident-ekologiya-geologiya-zhane-tabigi-resurstar-ministri-magzum-myrzagalievti-kabyldady-1

Дерек көз – gov.kz

ҚР Экология, геология және табиғи ресурстар министрі Мағзұм Мырзағалиев Маңғыстау облысына халқына жақында қабылданған экологиялық кодексті таныстырып, түсіндіру үшін арнайы барды. Өңірдегі экобелсенділер мен қоғам қайраткерлері маңызды құжаттың биоалуантүрлілікке келетін зиянды азайтуға бағытталғанын ерекше атап өтті. Өнеркәсіп кәсіпорындары жаңа заңнама бойынша қоршаған ортаған шығарындыларды азайтуға бағытталған жұмысқа белсене кірісуге дайын екендерін жеткізді.

«Биыл қабылданған жаңа экологиялық кодекс өндірісі тың дамыған Маңғыстау өңірі үшін де негізгі қажетті құжаттың бірі екені сөзсіз. Сондықтан да, онда көрсетілген талаптарды іске асыру, табиғат пайдаланушылардың және жалпы жұртшылықтың негізгі міндеті болып табылады», – деді жиынды ашқан Маңғыстау облысының әкімі Серікбай Тұрымов.

Министр Мағзұм Мырзағалиев Экологиялық кодекс экономикалық ынтымақтастық және даму ұйымы елдерінің тәжірибесін ескере отырып, халықаралық тәжірибе негізінде әзірленгенін айтты.

«Экологиялық кодекстің маңыздылығы – оның адам өмірі мен денсаулығы, қолайлы өмір сүру ортасын қамтамасыз ету, ірі және шағын бизнестің қызметін, олардың қоршаған ортаны қорғау саласындағы қызметін реттеу сияқты бүкіл қоғамның мүдделеріне әсер ететіндігінде. Кодекс Қазақстандағы, сондай-ақ Маңғыстау облысындағы экологиялық жағдайды жақсартудың негізгі құралына айналады.», – деді министр.

Вице-министр Ахметжан Пірімқұлов Кодекстің негізгі бағыттары ретінде «ластаушы төлейді және түзетеді» қағидатын іске асыру, ең озық қолжетімді технологияларды енгізу, табиғат қорғау іс-шараларына бюджет қаражатын мақсатты жұмсау, үздік халықаралық тәжірибе негізінде экологиялық талаптарды қатаңдату, мониторингтің автоматтандырылған жүйесін енгізу және өндіріс пен тұтыну қалдықтарын басқаруды жетілдіру, оның ішінде «waste to Energy» енгізу және тағы басқаларды атап өтті.

«Жаңа Экологиялық кодекске сәйкес, 2022 жылдан бастап жергілікті атқарушы органдар көрсетілген барлық соманы, яғни 100% түсімді табиғатты қорғау шараларына жұмсауға тиіс. Ал ірі кәсіпорындарды экологияландыру үшін олар 10 жыл ішінде ең озық қолжетімді технологияларды енгізеді. Бұл уақытта олар эмиссия үшін төлемнен босатылады. Егер кәсіпорындар ЕОҚТ-ға көшпесе эмиссия төлемдері 2025 жылдан 2 есеге, 2028 жылдан бастап 4 есеге, 2031 жылдан 8 есееге өседі », – деді вице-министр.

Маңғыстау облыстық «Табиғи орта» аймақтың қауымдастығының кеңес төрағасы, эко-амбассадор Әділбек Қозыбақов кодекстің биоалуантүрлілікті сақтауға қосатын үлесіне тоқталды.

«Экокодексте биоалуантүрлілік түсінігі кеңінен түсіндіріледі. Сонымен бірге биоалуантүрлілікті сақтау шаралары иерархия бойынша, яғни келтіретін қауіпке қарай қарастырылады. «Табиғи орта» қауымдастығының биоресурстарды сақтау жөніндегі инспекциясы тек браконьерлікпен күресте ғана емес, бірінші дәрежелі кәсіпорындардың Кодекс талаптарын сақтаудың мемлекеттік қадағалауына да көмектесуге дайын», – деді ұйым өкілі.

Елдегі елу ірі ластаушы компаниялар қатарына кіретін «Маңғыстаумұнайгаз» АҚ кодекс талабы бойынша ең озық қолжетімді технологияға көшуге дайындық жүріп жатқанын жеткізді.

«Маңғыстаумұнайгаз» елдегі экологиялық реформаларды қолдайды және экологиялық заңнаманы өзгертуге қажеттіліктің бар екенін түсінеді. Жаңа талаптарды орындау аясында 2020 жылы кәсіппорында кешенді технологиялық аудит жүргізіліп, озық қолжетімді технологияға сәйкестік бойынша сараптамалық есеп алынды. Есепте ЕОҚТ принциптеріне сай бірқатар технологиялық ұсынылды. Бізге Кешенді экологияық рұқсаттама алуға берілген уақыт ЕОҚТ-ға көшіп, халықаралық стандартқа сай жұмыс істеуге мүмкіндік береді деп ойлаймын», – деді кәсіпорын басшысы Лю Цзиньчэн.

Атап өтейік, экологиялық кодекс шеңберінде кәсіпкерлік, қылмыстық, су кодекстерінің және т.б. бірқатар заңнама нормалары қайта қаралады, сондай-ақ заң жобасын іске асыру шеңберінде 140-қа жуық нормативтік- құқықтық актілер қабылдау жоспарлануда.

Мысалы, эмиссия нормасынан асқан жағдайда кәсіпорынға салынатын айыппұл 10 есе, атмосфералық ауаны қорғау мен өрт қауіпсіздігі талаптарын сақтамау бойынша айыппұл 5 есеге өсті. Жеке тұлғаны әкімшілік жазаға тарту ұзақтығы 2 айдан 1 жылға, заңды тұлғаға 1 жылдан 3 жылға көбейді.