Дереккөз: 24.kz
Даладағы аң мен құсқа жауыққандар көбейіп барады. Тіпті қаскүнемдер қорықшылардан да сескенбейтін болған. Биыл жануарлар дүниесін қорғаушы екі инспектор осындай браконьерлердің қолынан мерт болды
Енді осындай қайғылы жағдайлардың алдын алу үшін елімізде қауіпсіздік шаралары күшейтілмек. Ал жануарлар дүниесін қорғаушылар өз қызметінде қару-жарақ қолдана алады. Бұдан бөлек инспекторлар заманауи техника және байланыс құрылғыларымен қамтамасыз етіледі.
«Охотзопром» республикалық мекемесі қорғайтын алқаптың аумағы 123 млн гектар. Алайда бұл ұлан-ғайыр жердегі жануарлар мен өсімдіктерді бақылайтын инспекторлар тым аз. Мекемеге әлі 200-ге жуық қызметкер қажет. Кадр тапшылығы мен қатаң қадағалау болмағандықтан тек өткен жылы елімізде заңсыз аңшылық жасау бойынша 154 қылмыстық іс қозғалды. Сотқа соның тек 65% ғана жетіп, тиісті шешім қабылданған. «Бірақ қызыл кітапқа енген аңды аяусыз атудан аянбайтын бранконьерлер сот үкімінен мүлдем қорықпайды» дейді мекеме мамандары.
Бақтияр Рамазанов, «Охотзоопром» РКҚМ бас маманы:
-Бір рет емес, бірнеше рет ұсталған жайттар болып жатыр. Неге десеңіз, штрафын төлейді және де шартты мерзім дейді, соны алып кетеді болды. Егер де ол бір белгілі бір мерзімге сотталып жатқан болса ол енді ойланатын еді.
Қазіргі басты міндет – мекеме қатарын жаңа мамандарымен толықтырып, жалақыларын көтеру және заманауи техникамен қамтамасыз ету. Әсіресе байланысу мүмкіндігі 3 мың шықырымға жететін радиоқұрылғылар мен тау-таста еркін жүретін көліктер керек. Ал аң емес, адам атудан қорықпайтын қандықол қасапшылардан қорғану үшін енді инспекторларға да қару беріледі.
Ерзат Альзаков, «Охотзоопром» РҚКМ бас директоры:
– Біз әр инспекторды оқтан қорғайтын кіимдермен қамтамасыз етеміз. Әрине олардың салмағы ауыр. Бірақ бұл ең алдымен сақтық шарасы екенін ескеру керек.
Елімізде заңсыз аң ату оқиғалары Қызылорда және Алматы облыстарында жиі болады. Браконьерлер ақбөкендер мен қарақұйрықтарды қынадай қыруға құмар. Ал сирек кездесетін жануарларға аңшылық жасау қылмыстық іс саналатындығын ескерте кетейік.
Авторлары: Алмас Садуақас, Сержан Жұмабаев
Дереккөз: inform.kz
ТАРАЗ. ҚазАқпарат – «Оңтүстік» өңірлік қолбасшылығының әскери бөлімдері елде жарияланған «Бірге – таза Қазақстан» экологиялық акциясына қосылды, деп хабарлайды «ҚазАқпарат» ХАА тілшісі.
«Оңтүстік» өңірлік қолбасшылығының басшысы майор Дина Мухаринованың айтуынша, командирлер басқарған әскери қызметкерлер гарнизондарының жанынан ағып өтетін арықтар мен өзендерді тазалауға кірісті. Ең алғашқылардың бірі болып тазалауға 5-ші механикаландырылған бригаданың әскери қызметкерлері шықты. Сондай-ақ акцияға «Оңтүстік» өңірлік қолбасшылығының Шымкент, Гвардей, Қызылорда, Луговский және басқа да гарнизондарының әскери қызметкерлері қосылды.
«Еліміздің премьер-министрі акция кеңінен таралатынына, жалпы республика деңгейіне тарап, азаматтардың тарапынан қолдауға ие болатынына сенім білдірді. Шынымен де, арналар мен арықтарды тазалауға әскери қызметкерлер ғана емес, сондай-ақ, олардың отбасыларының мүшелері де шықты. Тіпті өздері ниет білдірген. Бұл әскери қызметкерлер мен олардың отбасылары елінің тағдыры мен жағдайына бейжай қарамайтынын білдіреді. Біз барлығымыз үлкен бір елдің – Қазақстан Республикасының азаматтарымыз. Біздің әскери қызметкерлеріміз туған қалалары мен ауылдарының көшелерінде қоқыс жатпағанын, өзендердің таза болғанын, экологияның нашарламағанын қалайды», – деді «Оңтүстік» өңірлік қолбасшылығының әскерлері қолбасшысының тәрбие және идеологиялық жұмыс жөніндегі орынбасары Ораза Күшіков.
«Оңтүстік» өңірлік қолбасшылығының баспасөз қызметінде атап өткендей, әскери қызметкерлер арналарды, арықтарды, су қоймаларын, өзендерді тұрақты түрде тазалап отыруға ниетті. Бұл басқалар үшін жақсы үлгі болмақ.
Дереккөз: inform.kz
АТЫРАУ. ҚазАқпарат – Тамыз ортасынан ауа Атырауда да жеміс ағаштары қайта гүлдей бастады, деп хабарлайды ҚазАқпарат тілшісі.
Атырауда ағаштар тосын мінез танытып отыр. Өңірдегі алма және алмұрт ағаштары қайта гүлдей бастады. Белгілі бағбан Зоя Кислицынаның айтуынша, бұған ауа райындағы күрт өзгерістер себеп. Ұзақ уақыт бойы сақталған 40 градустық аптап ыстықтан кейін күн салқындай түсіп, артынша тағы да 40 градусқа дейін көтерілді.
«Ағаштардың бұлай гүлдеуі оларды әлсіретеді. Егер гүлі өте көп болса, ағаш қыста өлуі де мүмкін. Бірақ әзірше ондай қауіп жоқ. Ағаштар қыстан аман шығады деп үміттенеміз», – дейді Зоя Кислицына.
Еске сала кетейік, бірнеше күн бұрын Таразда жемісті ағаштар екінші рет гүлдегені туралы хабарлаған едік.
Дереккөз: 24.kz
Алматы облысында Жетісудың брендіне айналған сиверс алмасын сақтап, көбейту жұмыстары қызу жүріп жатыр
Жер бетіндегі бүкіл алмалардың атасына баланған бұл жеміс түрі динозаврлар заманынан бері өсіп келеді. Кейінгі жылдары Қызыл кітапқа енді. Жоңғар Алатауы мемлекеттік ұлттық табиғи паркінің тәлімбақтарында тамыр жайған сиверс көшеттері тау баурайына егіледі.
Ардақ Айбарұлы, тілші:
– Жоңғар Алатауы мемлекеттік ұлттық табиғи паркінің аумағы 356 мың гектар жерді алып жатыр. Соның 8 мың гектарында Жетісудың мақтанышына айналған сиверс алмасы өседі. Бір өкініштісі, биыл мұнда алма жоқ. Көктемде үсік шалған.
Сиверс алмасы негізінен Іле мен Жоңғар Алатауының баурайында, Тянь-Шань және Тарбағатай тауының жоталарында өседі. Оның осыдан 165 миллион жыл бұрын пайда болғанын 2002 жылы британдық биолог-генетик Бэрри Джунипер анықтап берді. Шетелдік ғалым жер бетіндегі бүкіл алмалардың атасы – қазіргі Қазақстан жері деген қорытынды жасады. Осылайша сиверсті сақтау халықаралық қоры құрылып, Жетісу Алатауында бұл алма түрінің гүлдеуіне арналған фестиваль өткізіле бастады.
Айдана Тұрысбекова, Жоңғар Алатауы мемлекеттік ұлттық табиғи паркінің қызметкері:
– Себебі біздің сиверс алмасы былай қарап тұрсақ жапондағы сакурадан кем емес. Гүлденуі кереметтей, көздің жауын алады. Басты мақсат осы сиверс алмасына, атқарылып жатқан қорғау жұмыстарына елдің, халықтың назарын аудару. Бізде де осындай байлықтар бар екенін көрсету.
Мейрамбек Қапасов, ақпараттық туристік орталықтың бөлім басшысы:
-Биыл 31 мамырда ҚР Үкіметімен №360 қаулысымен туризмді дамытудың 2019 – 2020 жылдарға арналған бағдарламасы қабылданды. Сол бағдарламада біздің әлемге әйгілі брендіміз болып келе жатқан сиверс алмасы енгізілген.
Жоңғар Алатауының баурайында Сиверс алмасының 40 шақты түрі кездеседі. Ол теңіз деңгейінен 1700 метр биіктікте өседі. Қазір сиверс көшеттері өткен ғасырдың 70-ші жылдары құрылған Лепсі тәлімбағында көбейтіледі. Оның аумағы 25 гектар. «Тұқымды шеттен тасымаймыз», – дейді мамандар.
Рустам Самиғұлов, орманшы:
– Сиверс алмасын өсіреміз. Тұқымдар осы жерден жиналған. Биологиялық препараттарды жұмсамаймыз, қолданбаймыз оларды. Бәрі табиғи, табиғи жолмен өседі.
ТІЛШІ: Сиверс алмасының сонау бор кезеңінің өзінде болғандығы археологиялық қазба жұмыстары арқылы дәлелденді. Ал оның гүлдеуі – өзінше бір керемет құбылыс. Бүкіл Жетісу Алатауы мамыр айында алқызыл гүлге оранады. Ең бастысы – сиверстің гүлдеуіне арналған фестивалды тамашалауға шетелдіктер көптеп келе бастады. Биылдың өзінде Жоңғар Алатауы мемлекеттік ұлттық табиғи паркіне 500-ге жуық турист келіп-кеткен.
Ардақ Айбарұлы, Жеңіс Әбдірешев,
Дереккөз: inform.kz
НҰР-СҰЛТАН. ҚазАқпарат – Бүгін ҚР Экология, геология және табиғи ресурстар министрлігінің бастамасымен Қазақстанда кең ауқымды «Аулардан таза – су айдындары» атты экологиялық акция өтті, деп хабарлайды ҚазАқпарат тілшісі.
«Акцияға еліміздің әр өңірінен 5 100-ден аса мемлекеттік органдардың, қоғамдық ұйымдардың, табиғат қолданушылардың, экологиялық ұйымдардың өкілдері мен еріктілер қатысты. Қатысушылар 79 су айдыны мен учаскелерден 95,3 шақырым синтетикалық тор мен жағалаулардан 121 тонна қоқыс жинады», – делінген аталған министрліктің Орман шаруашылығы және жануарлар әлемі комитетінің Facebook-тегі парақшасында жарияланған ақпаратта.
Комитет мәліметінше, 431 суда жүзгіш құралының көмегімен өзен мен көлдердің 61 685 гектар ауданы тазаланып, су түбіндегі ауларды жинау үшін сүңгуірлер жұмылдырылған.
Акцияның басты мақсаты – су айдындарын тасталған және заңсыз қойылған аулардан тазалап, қоғамның назарын өзен мен көлдердің ластану мәселесіне көңіл аударту, балық ресурстарын сақтау.
Қазақстанның биологиялық әртүрлілігін сақтауға арналған мұндай экологиялық шара әлі өз жалғасын табады.
Дереккөз: inform.kz
АЛМАТЫ. ҚазАқпарат- Алматыда 2,2 миллион ағаш бар, олардың 550-ін емдеу қажет. Бұл туралы қала басшысы Бақытжан Сағынтаев өзінің Instagram-ғы парақшасында жазды, деп хабарлайды ҚазАқпарат тілшісі.
«Қаламызды кең көлемде жасылдандыру бойынша кеңес өткіздім. Қазір Алматыда 2,2 миллион ағаш бар, алайда олардың 550-і емдеуді қажет етеді. Күзде «Jasyl Almaty» үш жылдық жобаны бастауды ұсынамын, оның барысында қала бойынша кем дегенде миллион түп ағаш отырғызылатын болады. Ең алдымен Алатау, Наурызбай, Жетісу, Алмалы аудандарында. Біз жаңа ықшам аудандарды, көшелер мен аулаларды жасылдандырып, бүкіл мегаполис бойынша тұрғындар демалатын аймақтар, жаңа бульварлар мен скверлер жасауға тиіспіз.
Бұл ауқымды әрі пайдалы іс. Жасыл экономика басқармасы бұл шараға барлық экологиялық ҮЕҰ мен азаматтық белсенділерді, жеке бизнесті, ізгі ниетті қалалықтарды кеңінен тартқаны жөн. Егер әрбір алматылық бір ағаштан отырғызса, онда қала экологиясының өзгеретініне сенімдімін. Келіңіздер, бәріміз бірігіп, Алматыға жасыл қала даңқын қайтарайық, сол үшін мақтанатын боламыз»,-деп жазды қала басшысы.
ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2019 жылдың 14-16 тамыз аралығында Нұр-Сұлтан қаласында «Экологиялық кодекс. Құқық қолдану» тақырыбына семинар өткізді.
Семинарда келесі мәселелер қарастырылды:
Семинарға «Мунай Сервис, Лтд» ЖШС, «Эмбамунай» ЖШС, «Бұрғышы-Сервис» ЖШС өкілдері қатысты.
Қатысушыларға соңғы өзгертулер мен толықтырулар жасалған Қазақстан Республикасының Экологиялық кодексі, сондай-ақ қоршаған ортаны қорғау саласындағы «ЭкоИнфоПраво» нормативтік-құқықтық актілердің локальды базасы ұсынылды.
Семинар соңында қатысушыларға куәлік берілді.
Тақырыптың өзектілігін және табиғат пайдаланушылар мен басқа да мемлекеттік органдардың үнемі өсіп келе жатқан қызығушылығын ескере отырып, ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК оқыту семинарларын өткізуді жалғастыруды жоспарлауда.
ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2019 жылдың 7-9 тамыз аралығында Нұр-Сұлтан қаласында «Өндіріс және тұтыну қалдықтарын басқару» тақырыбына семинар өткізді.
Семинарда келесі мәселелер қарастырылды:
Семинарға «Казгипронефтетранс» Инжиниринг компаниясы» ЖШС, «Қазфосфат» ЖШС, «Құрылысмет» ЖШС, «Human Health Institute» ҚБ, «Орталық» өндіруші кәсіпорны» ЖШС өкілдері қатысты.
Қатысушыларға соңғы өзгертулер мен толықтырулар жасалған Қазақстан Республикасының Экологиялық кодексі, сондай-ақ қоршаған ортаны қорғау саласындағы «ЭкоИнфоПраво» нормативтік-құқықтық актілердің локальды базасы ұсынылды.
Семинар соңында қатысушыларға куәлік берілді.
Тақырыптың өзектілігін және табиғат пайдаланушылар мен басқа да мемлекеттік органдардың үнемі өсіп келе жатқан қызығушылығын ескере отырып, ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК оқыту семинарларын өткізуді жалғастыруды жоспарлауда.
Дереккөз: inform.kz
НҰР-СҰЛТАН. ҚазАқпарат – Семейде қатарынан үшінші рет өткен сенбілікке 9 мыңнан аса тұрғын қатысты, деп хабарлайды Алтайньюс.
«Бірге – таза Қазақстан» жалпыреспубликалық акциясына белсенді қатысқан қала тұрғындары бұл жолы 197 тонна қоқыс жинаған. Бұл туралы қалалық ақпарат орталығының мамандары мәлім етті.
Акцияға негізінен мемлекеттік қызметкерлер қатысты, сондай-ақ кәсіпорын мен әртүрлі ұйымдардың жұмысшылары және жастар бар.
Дерекөз: inform.kz
НҰР-СҰЛТАН. ҚазАқпарат – Оңтүстік Кореяның орман қызметі Арал теңізінің құрғаған табанын игеруге 1,7 млн доллар бөлді.
Бұл жөнінде «Қазақстан биоалуантүрлілікті сақтау қоры» дирекциясының басшысы Асылхан Асылбеков мәлім етті, деп хабарлайды «ҚазАқпарат» ХАА тілшісі.
«Жыл сайын Арал теңізінің құрғаған табанынан желмен бірге 80 млн тоннаға дейін улы тұз көтеріледі. Аралдың тұзы мен құмы Гренландия, Америка және т.б. елдерден табылды. Бұл Қазақстанның ғана экологиялық жағдайы ғана емес, сондай-ақ, әлемдік проблема»,- деді А.Асылбеков Қорғалжын мемлекеттік табиғи қорығында стелланың ашылу салтанатында.
Сексеуіл құмның белгілі бір мөлшерін ұстап тұра алады. Осылайша құм орнығып алып, шөлді болдырмайды.
«Бір жылдың ішінде Аралдың құрғап қалған табанында 10 мың га немесе 3,640 млн сексеуіл көшеті отырғызылды», – деп қорытындылады А.Асылбеков.