Дереккөз: www.24.kz

Батыс Қазақстан облысының Жәнібек ауданында киік аулаған шекара қызметінің капитаны ұсталды.

Бұл жайында ҚР АШМ Орман шаруашылығы және жануарлар әлемі комитетінің баспасөз хатшысы Сәкен Ділдахмет Фейсбуктегі парақшасында жазды.

«2018 жылдың 14 мамырында сағат шамамен 17:00 кезінде «Охотзоопром» ӨБ» РМҚК батыс аймақтық филиалының инспекторлары рейд жүргізу кезінде БҚО Жәнібек ауданы Қамысты ауылынан 15 шақырым жерде (РФ шекарасына жақын) мемлекеттік нөмірсіз және құжатсыз жүрген «ЧС-МОТО» квадрациклін мінген адамды ұстаған. Тексеру кезінде шекара қызметінің капитан шеніндегі шекаралық учаске қызметшісі, квадроцикл жүргізушісі Е.М-дан киіктің 12 дана мүйізі, қарудың чехолы, балта, қарумен атылған еркек киіктің мүйізімен бірге денесі табылды», – делінген хабарламада. Оқиға орнына Жәнібек ауданының ІІБ қызметкерлері шақырылған. Аталған факт ҚР ҚК-нің 339-бабы бойынша тіркелді. «Қазіргі уақытта полиция қызметкерлерімен бірге киікті заңсыз аулау фактісіне қатысты заттай дәлелдерді іздеу жұмыстары жүргізіліп жатыр», – деп хабарлайды Сәкен Ділдахмет.

Ақпарат көзі: inform.kz

Мүдделі тараптардың әлеуетін және жұртшылықтың хабардар етілуін арттыру мақсатында, Қазақстанда ЛШТТ ендіру туралы жобалық топпен семинарлар сериясы өткізілді.

2017 жылдың 28 маусымында Астана қаласында жоба шеңберінде «Қазақстан Республикасындағы Ластауыштар шығарындылары мен тасымалдарының тіркелімі туралы хаттамасын жүзеге асыру: ағымдағы жағдай және жүзеге асыру бойынша қажетті шаралары» атты семинар болып өтті.

Семинарда ЛШТТ туралы хаттамасының талаптарына сонымен қатар, Қазақстандағы ЛШТТ ендіру бойынша ағымдағы жағдайға шолу жасалды. Қатысушылар Қазақстанда ЛШТТ жүзеге асыру бойынша болашақтағы қажетті шараларды анықтады сонымен қатар, осы мәселе бойынша мақсатты топтарды оқытудың талаптарын бағалады. Семинар шеңберінде Экологиялық ақпаратқа жұртшылықтың қол жетімділігінің Ұлттық стратегиясын және ЛШТТ бойынша жұмыс жиналысы болып өтті.

2017 жылдың 13 қыркүйегінде Алматы қаласында Қазақстанда Ластауыштардың шығарындылары мен тасымалдарының тіркелімін (ЛШТТ) ендіру мәселесі бойынша тренерлерге арналған тренинг болып өтті. Қатысушылар Қазақстан Республикасы Энергетика министрінің м.а. 2016 жылғы 10 маусымдағы №241 бұйрығына сәйкес Қазақстанда мемлекеттік ЛШТТ қосылған ластауыш заттар тізімін талқылады. Сонымен қатар қатысушылар ЛШТТ бойынша Ұлттық ұсыныс жобасын қарастырды. Тренинг қорытындысы бойынша қатысушылармен жоба барысында жүзеге асырылатын бірқатар ұсыныстар мен ұсынымдар әзірленді.

2017 жылдың қазанында Қазақстанның Ақтөбе, Астана және Павлодар қалаларында «Халықаралық тәжірибе және Ластауыштардың шығарындылары мен тасымалдарының тіркелімін жүзеге асырудың қазақстандық тәжірибесі» бойынша семинарлар сериясы болып өтті. Семинарлар шеңберінде келесі сұрақтар қарастырылды: ЛШТТ хаттамасы, оның негізгі қағидалары және жүзеге асырудағы халықаралық тәжірибе, Қазақстандағы ЛШТТ ендіру бойынша шолу, ластауыштардың атмосфералық ауаға, ағынды суларға, топыраққа (өндіріс және тұтыну қалдықтарынан) шығарындылары мен тасымалдарын бағалау бойынша ағымдағы жағдайы. Семинарлар ЛШТТ мәселесі бойынша мамандардың әлеуетін арттыру, Қазақстанда ЛШТТ ендіру бойынша әдістемелік қолдауды әзірлеу бойынша біршама тәжірибе алмасу және қолайлы ұсынылған ұсыныстарды қалыптастыру мүмкіндігін берді.

2018 жылдың сәуірінен бастап қарашасы аралығында Астана, Ақтөбе және Павлодар қалаларында «Қоршаған ортаға ластауыш заттар мен сынаптың эмиссиялары: анықтау әдістері, түгендеу және Қазақстан Республикасының Ластауыштардың шығарындылары мен тасымалдарының мемлекеттік тіркеліміне қосу» тақырыбында семинарлар сериясы өткізілген болатын. Семинардың негізгі мақсаты ЛШТТ мәселесі бойынша мамандардың әлеуетін арттыру және Қазақстанда ЛШТТ ендіру бойынша әдістемелік қолдауды әзірлеу бойынша ұсыныстарды қалыптастыру болып табылады.

Өткізілген семинарларға мемлекеттік органдар, ассоцияциялар, өнеркәсіптік компаниялар, аймақтық Орхус орталықтары, үкіметтік емес ұйымдар, ЖОО және басқа да мүдделі ұйымдар қатысты.

Дереккөз: www.energo.gov.kz

2018 жылдың 12 мамырында Энергетика министрі Қ. Бозымбаев бастаған ҚР Энергетика министрлігінің және министрлікке бағынысты ұйымдардың қызметкерлері (барлығы шамамен 200 адам) «Астана – таза және қауіпсіз қала» атты жалпықалалық науқанға қатысты. Науқанға қатысушылар № 31 көшенің Тұран даңғылынан Сауран көшесіне дейінгі жер бөлігіне санитарлық тазалау жұмыстарын жүргізді. 2018 жылғы 9 сәуір және 22 мамыр аралығында «Астана – таза және қауіпсіз қала» атты жалпықалалық науқаны өткізіліп жатқандығын естеріңізге салып өтеміз.

Дереккөз: www.24.kz

Мемлекет басшысы Нұрсұлтан Назарбаевтың Алматы облысына жұмыс сапары бүгін де жалғасты. Президент бірқатар әлеуметтік нысандарды аралап, аймақтағы кәсіпкерліктің аяқалысымен жіті танысты.

Биыл облыс билігі «Бизнес бастау» бағдарламасы бойынша 3 мыңнан аса адамды оқытып, шамамен 650 жобаны қаржыландырмақ. Қазірдің өзінде өңірде 100 мыңнан аса шағын және орта кәсіп субъектісі жұмыс істеп тұр. Елбасы саладағы жұмысты әлі де ширатуды жүктеп, мемлекеттік бағдарламалардың жүйелі орындалуын қадағалауды тапсырды.

Әсем Қабылбек, тілші:

– Шағын және орта кәсіпкерлік – мемлекеттің тірегі. Бизнес өкілдерінің ел экономикасында қашан да арқалайтын жүгі ауыр. Соңғы жылдары шағын және орта бизнестің жалпы ішкі өнімдегі үлесі 30 пайызға жуықтады. Елдегі кәсіпкерлердің республика бюджетіне қосқан үлесі артып келеді. Олардың қатарында Алматы облысының бизнесмендері де бар.

«Атамекен» ұлттық кәсіпкерлер палатасының Талдықорғандағы бас кеңсесі. Ғимараттың ресми атауы –  Аtameken Business Cіtу. Мемлекет басшысы Нұрсұлтан Назарбаевтың Алматы облысындағы шағын және орта бизнес өкілдерімен жүздесті. Қазіргі уақытта өңірде 100 мыңнан аса шағын және орта кәсіп субъектісі бар. Кәсіпкерлердің өндірген өнімдерімен көрмеден танысуға болады. 2 қабатта білікті мамандар кәсіпкерлерге тегін кеңес беріп, заңдық және бухгалтерлік қызметтер көрсетеді. Яғни бір терезе қағидасы бойынша жұмыс істейді. Шетелдік инвесторлармен кездесу өткізуге де қолайы жер.

Облыс әкімі Амандық Баталов биыл 550 миллиард теңге көлемінде инвестиция тартуды көздеп отырғанын мәлімдеді. Сондай-ақ осы жылы «Бизнес бастау» бағдарламасы бойынша 3 мыңнан аса адамды оқытып, 650 жоба қаржыландырылмақ. Оның жалпы сомасы – 5,4  млрд теңге. Облыстық кәсіпкерлер палатасының директоры Нариман Әбілшайықов бизнесті дамытуға арналған жоспармен таныстырды. Күні кеше Президент Нұрсұлтан Назарбаев жұмыс барысымен Алакөлге барған болатын. Жергілікті кәсіпкерлерді туризм кластерін қарқынды дамытуға үндеді.

Нұрсұлтан Назарбаев, Қазақстан Республикасының Президенті:

– Мен кеше Алакөлде болдым. Халықтың барлығына білгізу үшін өзімізде осындай үлкен көл бар ел ортамызда. Оның адамның денсаулығына шипалы екенін елдің бәрі біледі. Ресейден де келіп жатыр. Басқа жақтан да келіп жатыр. Халыққа түсіндіру керек сол жерде бизнес жұмыс істеу керек.

Бизнестегі әкімшілік кедергілерді азайтып, қолдау қажет. «Атамекен» ұлттық кәсіпкерлер келіп түскен өтініштердің 71%-ы бизнестің пайдасына шешілген. Шағын және орта кәсіп – әлемдегі мықты елдердің экономикасына тіреу болып отырған күш. Нарықтық қоғамда алып корпорациялардың қажетін өндіріп, жалпы жұртқа жұмыс беретін де осы шағын және орта бизнес. Тұрмысы түзудің елдің көңілі де түзу. Мемлекеттің бұл салаға ерекше мән беріп отырғаны да содан. Президент Талдықорғанда бір топ кәсіпкерлермен кездесіп, оларды тыңдап, өзара пікір алмасты.

Бақытжан Әбдірасылов, кәсіпкер:

– 2016 жылы Сіздің өзіңіздің Иранға жасаған ісcапарыңызда делегация құрамында болдым. Ирандық кәсіпкерлермен ет экспорты жөнінде келісімшартқа қол жеткізген едік. Қазір сол келісімшартты орындауға кірісіп жатырмыз. Ауылшаруашылығына 2 млрд инвестиция салдым. Біз кластер құрдық. Үш мың басқа мал бордақылау алаңын аштық. Мал сою кешенін аштық. Дүкендер желісімен тұтынушыға етті жеткізіп отырмыз кластер бізде. Сол салған ақшамыздың бір бөлігін мемлекет өзімізге субсидия ретінде қайтарып берді.

Нұрсұлтан Назарбаев, Қазақстан Республикасының Президенті:

– Біз енді рыночный экономика болғаннан кейін жекеменшікті қолдау керек. Дегенмен, Совет одағынан шықтық бәріміз жібергісі келмей ұстап отыратын болады шетінен келе жатырмыз. Облыстың жағдай түзеліп келе жатыр.

Сондай-ақ Мемлекет басшысы Нұрсұлтан Назарбаев Талдықорғандағы Салтанат сарайымен танысты. 2 қабатты жаңа қимарат жергілікті бюджет есебінен салынған. Атының өзі айтып тұрғандай салтанатты жиын өткізуге арналған. Бірінші қабатта АХАЖ бөлмесі, қалыңдық пен күйеу жігіт бөлмелері, қонақ бөлме, қосалқы және техникалық ғимараттар орналасқан. Екінші қабатта  мәжіліс залы, ресми кездесулер мен шараларға арналған зал, мейрамхана бар. Осы ғимаратта Президентке құрылысы қызу жүріп жатқан әлеуметтік нысандар мен драмалық театрдың жобасы таныстырылды. Дені мемлекеттік-әріптестік аясында бой көтереді.  570 орындық бассейн, жеңіл атлетикалық спорт кешені, 2 мектеп, драмалық театрды салуға жеке  инвесторлардың қаржысы тартылмақ.

Арыстанбек Мұхамедиұлы, ҚР Мәдениет және спорт министрі:

– Сентябрьде ашылады. Біз ашылуына международный театральный фестиваль белігілеп жатырмыз. Это уникальный 500 орын. Тағы да екінші кішкентай сахнасы бар. То есть международный стандарт.

Алматы облысына жұмыс сапарын қорытындылаған Елбасы Бес әлеуметтік бастамаға ерекше ден қоюды тапсырды. Президенттің пікірінше, Алматы өңірі экономикалық өсім жөнінен көшбасында. Біраз салада өсім байқалады.

Нұрсұлтан Назарбаев, Қазақстан Республикасының Президенті:

– Ең қажетті қан қызылшасын, жүгері өндіру, соя өндіру мәселесі болатын. Кейінгі кезде құлдырап кетті. Кейінгі үш жылда жасалған жұмысқа өте жоғары баға бере аламын. Қазіргі мынау әкім Амандық Баталовтың  бастауыменен менің тапсырмамды орындап, осы күні 60 мың тонна қант шығаратын жағдайға жеттік. Қызылшасын плантациясын өте күрт өзгерттік. Бірнеше рет көбейттік. Қарап отырсаңыздар, зауыттардың барлығы тоқтап қалған қант жасайтын барлығы іске қосылды. Оның үстіне алма мәселесін, сонан кейін көкөніс мәселесі бар. Мал шаруашылығы бар және таудан ағатын суларды пайдаланып, кішігірім гидростанцияны салып елге көмек жасау болатын. Осының барлығы ата берсе көп мәселе бар. Осының барлығы дұрыс орындалып отыр.

Президент аймақ басшысының атқарған жұмысына бес деген баға беріп, босаңсымауға шақырды.

Нұрсұлтан Назарбаев, Қазақстан Республикасының Президенті:

– Жалпы алғанда өңірдің өну, өркендеуіне оң бағасын беруге болады. Менің тексеретінім әр уақытта жарияланған бағдарламалардың орындалуы. Оның ішінде индустриялық бағдарлама бар. Оның ішінде инфраструктуралық бағдарлама бар. Оның ішінде әлеуметтік бағдарлама бар. Бес менің тапсырмам. Алматы облысына келсек, бұл еліміздің бір ерекше өңірі болып саналады. Ерекше болып саналатын себебі бір жағынан тікелей Қытай Республикасымен шекаралас. Бұл мәселе. Сондықтан да мен Талдықорғанды облыс орталығы деп қайта жарияладым. Бұл жерде халық көп болуы керек шекара болғаннан кейін. Халық сауатты болуы керек. Білуі керек. Шекараны сақтау екенін, елдің мына жағындағы шебінде тұрғанын. Сондықтан екі ауданды қайта құрып, оның ішінде де халық көбейсін деген, ол аудандар қуанып жатқанын білемін. Құттықтаймын. Көшкен ел қайтып келсін деп,  өндірісін жұмыс беретін жағдай жасау керек.

Соңғы 3 жылда аймақта 3 млн шаршы метр баспана қолданысқа берілген. Аграрлық сектордағы көрсеткіштер көңіл қуантады. Газдандыру ісі қарқынды түрде кезең-кезеңімен жүріп жатыр. Президент атқарылған істерге оң бағасын беріп, нақты міндеттер жүктеді. Айналып келгенде барлығы қарапайым халықтың қамы.

Авторлары: Әсем Қабылбек, Айдос Меделбеков, Асхат Әзіретханов, Хасен Омарқұлов, Алмас Омарғалиев

Дереккөз: www.24.kz

Қазақстандық бір топ ғалым Арал теңізіне жол тартты.

Зерттеушілер көлдің Солтүстік және Оңтүстік бөлігіндегі экологиялық жағдайға баға беріп, планктондар тобына жататын тіршілік иелерінен сынамаларын алмақ. Сондай-ақ мамандар Арал өңірінің туристік картасын дайындайды. Осымен үшінші рет ұйымдастырылған ғылыми жорық 20 күнге жалғасады. Осы уақыт аралығында қатысушылар шамамен 7 мың шақырымды жүріп өтеді.

Нұржан Алғашов, Қазақстан Ұлттық география қоғамының менеджері:

– Ташкент, Самарқан, Бұқара, Үргеш, Қазақстан қалалары арқылы Оңтүстік Арал теңізіне жетеміз. Содан кейін Бейнеу арқылы Қазақстан жағына шығамыз. Қазақстан жағынан Солтүстік Аралды зерттейміз. Негізі сол Оңтүстік пен Солтүстік Аралдың суының 10-ға жуық сынамасын аламыз. Сол ғылыми тұрғыдан зерттеледі. Судың қышқылдылығын, тұздылығын, ластығын және басқа да параметрлері бойынша сондай зерттеулер жасалады.

Дереккөз: www.24.kz

Оңтүстік Қазақстан облысының Төлеби ауданында 12 су қоймасын қалпына келтіру жұмыстары жүріп жатыр.

Биыл қайта жөндеуден өткен 4 су қоймасы іске қосылды. Олардың әрқайсысында 500 мың текше метрден су сақтаулы тұр. Бұл аудандағы суармалы жерлердің көлемін 700 гектарға ұлғайтуға мүмкіндік береді.

Бұл су қоймасы ширек ғасырдан кейін алғаш рет суға толтырылып отыр. Ұзақ уақыт бойы қараусыз қалғандықтан, табаны қоқыс пен лайға толып қалған.

Жасар Нысанбаев, аудандық су шаруашылығы мемлекеттік мекемесінің директоры:

– 1985-1986 жылдардан бері қараусыз қалған тоғандар. Осы тоғандарды лай, ұйықтан тазаладық. Кей жерлері 10-15 метрге дейін қоқыс толып қалған. Бәрін желтоқсанға дейін тазалап, су жиналды.

Төлеби ауданында 12 су сақтау қоймасы бар. Биыл соның 2 млн текше метр су сыятын 4-еуі қайта қалпына келтіріліп, қолданысқа берілді. Оған жергілікті бюджеттен 36 млн теңге қаржы жұмсалған.

Бұқарбай Парманов, Төлеби ауданының әкімі:

– 4 су қоймасы бұрын жекешеленіп кеткен. Біз соны мемлекет меншігіне қайтарып алдық. Бүгінде біздің су қоймамызда 2 мың текше метрден аса су сақтаулы тұр. Енді таудан келетін 12 шақырымдық каналдың барлығын жөндеп жатырмыз. Жобалық-сметалық құжаттарына облыстық бюджеттен көмек беріліп жатыр 5 каналға. Жалпы ауданда 74 канал бар. Осылардың барлығын ретке келтірсек, біз 20 мың гектар жерді суландыруға қол жеткізетін боламыз.

Бұрын тек бидай егіп келген жергілікті шаруалар енді қалағанынша көкөніс егіп, табысқа кенелмек. Бастысы, судан тарықпайтын болдық деп алақандарын ысқылап отыр. Мәселен, 30 жылдан бері диқаншылықпен айналысып келе жатқан Қамытбек Үсіпбековтің 8 гектар жері бар. Бұрын су болмағандықтан, тек жоңышқа егіп тастайтын. Енді ол да картоп, қызанақ, қияр егіп, жерлестерін отандық көкөніспен қамтымақ.

Қамытбек Үсіпбеков, шаруа:

– Көкөніс ексек, жастар жұмыспен қамтылар еді. Қызылша, қияр, жүгері ексек, Кәусардың суы дайын. Оның пайдасы жоңышқа, бидайдан 4-5 есе көп.

Алдағы екі жылда тағы да 8 су қоймасы қалпына келтірілмек. Бұл аудандағы суармалы жердің көлемін 2 мың гектарға ұлғайтып, барлық ауылшаруашылығы тауарын өндірушілерді сумен қамтуға мүмкіндік береді.

Авторлары: Жандос Жұмабек, Нұрмахан Мұсатов, Нұрмахан Бекмұратов

Дереккөз: www.24.kz

Атырау облысында дала еркесі ақбөкендер орала бастады.

Көп жылдар мүлде көрінбей кеткен киіктердің алғашқы шоғыры өткен жылдың қараша айларында Құрманғазы, Индер және Махамбет аудандарынан байқалыпты. Қазір олар бұрынғы миграциялық өрістеріне оралып, өркен жая бастаған. Атырау облыстық, аумақтық орман шаруашылығы және жануарлар дүниесі инспекциясы мен Батыс Қазақстан облысының зоолог ғалымдары бірлесіп, киік санағын жүргізді. Әуеден ұшақпен бақылау барысында Атырау облысында 500-ден астам ақбөкен мекен ететіні анықталды.

Азамат Әбіғалиев, аумақтық инспекцияның аң шаруашылығы бөлімінің басшысы:

– Қазіргі таңда киіктердің төлдеуіне байланысты құзырлы органдармен бірлесіп, рейдтік шаралар жүргізілуде. Атап айтқанда, жергілікті полиция қызметкерлері мен аудандық инспекциялармен Махамбет, Индер, Құрманғазы итнспекцияларымен бірлескен рейдтік шаралар өтіп жатыр. Ондағы мақсат – олардың өсіп-өнуіне және көбеюіне жағдай жасау.

 ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2018 жылғы сәуірдің 25-нен 27-не дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Атырау қаласында «Экологиялық кодекс. Құқыққолдану» тақырыбына оқыту семинарын өткізді.

 Семинарға қатысушылар келесі ұйымдар өкілдері: «Светланд-Ойл» ЖШС; «Caspian Offshore Construction Realty» ЖШС (Каспиан Оффшор Констракшн Реалти); «Батыс Пауэр» ЖШС; «Полимер Продакшн» ЖШС; Маңғыстау облысының энергетика және тұрғын үй-коммуналдық шаруашылық басқармасының шаруашылық жүргізу құқығындағы «Көктем» мемлекеттік коммуналдық кәсіпорны; «Қазақтың мұнай геологиялық барлау ғылыми-зерттеу институты» ЖШС; «Алматы қаласы Табиғи ресурстар және табиғатты

пайдалануды реттеу басқармасы» коммуналдық мемлекеттік мекемесі; «Батыс Қазақстан облысының табиғи ресурстар және табиғат пайдалануды реттеу басқармасы» ММ; «Атырау мұнай және газ университеті» коммерциялық емес акционерлік қоғамы; «Азиялық Газқұбыры» ЖШС.

Семинарда келесі сұрақтар қарастырылды:

• ҚОӘБ ерекшеліктері. Жобада ӨЭБ, ҚББ, ҚОҚЖ болуы. Стратегиялық экологиялық бағалау;
• І, ІІ, ІІІ, ІV санаттардағы объектілер үшін кешенді ведомстводан тыс сараптама шеңберінде мемлекеттік экологиялық сараптаманы жүргізу ережелері мен тәртібі;
• Кәсіпорындағы экологиялық менеджмент. Тренинг;
• Табиғат қорғауды жобалау және нормалау жұмыстарын жүргізуге лицензия алу тәртібі;
• Қоршаған ортаны қорғау саласындағы халықаралық ынтымақтастық.

Дәріс оқығандар:

Абдрахманова Жанара Беркутовна – ҚР ЭМ ЭРБК бас сарапшысы;

Ингербаева Жанат Умбетовна – ҚР ЭМ бас сарапшысы;

Семинар соңында тыңдаушыларға куәліктер табыс етілді.

Дереккөз: www.energo.gov.kz

2018 жылғы 26 сәуірде Астана қаласында Қазақстан Республикасы Экологиялық кодексіне елімізде стратегиялық экологиялық бағалаудың (СЭБ) заманауи жүйесін құруға бағытталған, халықаралық стандарттарға, атап айтқанда БҰҰ Еуропалық экономикалық комиссиясының СЭБ жөніндегі Хаттамасына сай заңнамалық түзетулердің алғашқы жобасы таныстырылды.

СЭБ – бұл мемлекеттік жоспарлау кезеңінде қолданылатын және стратегиялық мемлекеттік құжаттарды (мемлекеттік жоспарларды, бағдарламаларды, стратегияларды, тұжырымдамаларды және т.б.) әзірлеу және бекіту барысында экологиялық факторларды ескеруге арналған тиімді құрал. СЭБ қоршаған орта мен адам денсаулығына деген қайтымсыз кері әсердің күні бұрын алдын алуға септігін тигізеді. Атап айтқанда, мемлекеттік бағдарламаларды әзірлеушілер СЭБ нәтижесі бойынша экономикалық қана емес, сондай-ақ экологиялық аспектілерді ескеретін нақты ұсыныстарға ие болады.

Ұлттық және халықаралық сарапшылар әзірлеген СЭБ жөніндегі экологиялық кодекстің жаңа тарауының алғашқы мәтіні Қазақстан Республикасы Энергетика министрлігі, БҰҰ ЕЭК және  ЕҚЫҰ қатысқан сараптау отырысында талқылаудан өтті (2018 жылғы 26 сәуірде).

Пікірталасқа мемлекеттік биліктің салалық органдарының мамандары,  БҰҰ ЕЭК және  ЕҚЫҰ халықаралық кеңесшілері, ұлттық кеңесшілер және жұртшылық қатысты. Айтылған ұсыныстар мен пікірлер сарапшылардың алдағы жұмысында ескерілетін болады және 2018 жылғы күздегі қарауға, 2019 жылғы бекітуге шығарылатын болады.

Жақында, 2018 жылғы 25 сәуірде жұмыс тобы Қазақстандағы қоршаған ортаға әсерді бағалау (ҚОӘБ) саласындағы нормативтік-құқықтық базаны кешенді түрде реформалау тұжырымдамасына оң баға берді. Аталмыш тұжырымдама халықаралық стандарттар мен Эспо Конвенциясы талаптарына сай келетін жаңа, заманауи ҚОӘБ жүйесін енгізуді көздейді. Осы негізде ол аталған тұжырымдаманы Қазақстан Республикасы Экологиялық кодексін қайта қарау жөніндегі жұмыс тобының қарауы мен келісімдеуіне жолдауды ұсынды.

Еске салсақ, ҚОӘБ пен СЭБ саласындағы заңнаманы жетілдіру жөніндегі жұмыс Қазақстан Республикасы Энергетика министрлігінің бастамасымен өткізіліп отыр және ЕО/БҰҰДБ/БҰҰ-ның «Қазақстанның жасыл экономика моделіне көшуін қолдау» атты бірлескен жобасының, ЕҚЫҰ Бағдарламалар кеңсесінің және Швейцария үкіметінің қолдауымен іске асырылуда.

Дереккөз: www.energo.gov.kz

АУКЦИОНДЫҚ САУДА-САТТЫҚ ӨТКІЗУ ҚАҒИДАЛАРЫ (docx, 49 Kb)

2018 жылға арналған аукциондық сауда-саттықты өткізудің графигі (pdf, 741 Kb)

Қазақстан Республикасында ЖЭК объектілерін іріктеу бойынша аукциондық сауда-саттыққа қатысу жөніндегі хабарландыру

Қазақстан Республикасы Энергетика министрлігі барлық мүдделі тараптарды 2018 жылы жаңартылатын энергия көздерінің негізінде жұмыс жасайтын генерациялау объектілерін салу бойынша жобаларды іріктеу бойынша аукциондық сауда-саттыққа (бұдан әрі – ЖЭК аукциондық сауда-саттық) қатысуға шақырады.

Осы іс-шараның мақсаты жаңартылатын энергия көздерінің негізінде жұмыс жасайтын генерациялау объектілерін салу бойынша инвестициялық жобалардың іріктеуі болып табылады.

Қазақстан Республикасы Энергетика министрінің 2017 жылғы 21 желтоқсандағы № 466 бұйрығымен бекітілген Аукционға қатысушыларға қойылатын біліктілік талаптарын, өтінімнің мазмұнын және оны беру тәртібін, аукционға қатысуға арналған өтінімді қаржылық қамтамасыз ету түрлерін және оларды енгізу мен қайтару шарттарын, қорытынды шығару және жеңімпаздарды анықтау тәртібін қамтитын аукциондық сауда-саттықты ұйымдастыру мен өткізу қағидаларына сәйкес 2018 жылға арналған аукциондық сауда-саттықты өткізу графигі  ҚР Энергетика министрлігінің ресми сайтында (http://energo.gov.kz/ pdf, 741 Kb) орналастырылды.

Графикте бекітілген мәлеметтердің негізінде 2018 жылы іріктеуге жоспарланған электр станциялардың түрі бойынша бөлінген жалпы жиынтық қуаты 1000 МВт:

– күн электр станциялар – 290 МВт;

– жел электр станциялар – 620 МВт;

– су электр станциялар – 75 МВт;

– Био ЭС – 15 МВт құрайды.

ЖЭК жобаларын іріктеу бойынша аукциондық сауда-саттыққа қатысуға дайындалу мақсатында мүдделі тараптарға белгіленген мерзімдерде ҚР Энергетика министрлігінің (http://energo.gov.kz/), «Жаңартылатын энергия көздерін қолдау жөніндегі қаржы есеп-айырысу орталығы» ЖШС-нің (http://www.rfc.kegoc.kz/) және «КОРЭМ» АҚ-ның (http://www.korem.kz/) ресми сайттарында түсіндіру ақпаратты алуға және түсіндіру семинарларға қатысуға болады.

ЖЭК аукциондық сауда-саттыққа:

  1) ЖЭК сауда-саттықты өткізу жөніндегі «КОРЭМ» АҚ-ның сауда жүйесінде белгіленген мерзімде  тіркелген;

     2)  «КОРЭМ» АҚ-мен шарт жасасқан:

   3) «Жаңартылатын энергия көздерін қолдау жөніндегі қаржы есеп-айырысу орталығы» ЖШС-нің атына аукциондық сауда-саттыққа қатысу үшін қаржылық қамтамасыз ету өтінімді ұсынған өтінім берушілер қатысуға мүмкіндік алады.