Дереккөз: astana.gov.kz

29 маусым күні елорда тұрғындарын «Еуразияның таза жағалауы» акциясы аясында қала көшелерін тазалауға шақырады, деп хабарлайды Нұр-Сұлтан әкімдігінің сайты.

Сенбілік «Біз таза ел үшін» экологиялық қозғалысы аясында өткізіледі. «Қазақстанның экологиялық ұйымдарының қауымдастығы» ЗТБ «Let’ s do it, Qazaq eli» қозғалысымен, Астана автоклубтар Альянсымен, «Спарта Астана Экоклубымен», «Қазақстан еріктілер альянсымен» бірлесіп, Нұр-Сұлтан қаласы әкімдігінің және Астана Адалдық Алаңы жобалық кеңсесінің қолдауымен Қазақстан Республикасының Дүниежүзілік «World Clean up day 2019» акциясына қатысуын дайындау шеңберінде ұйымдастырылады.

Акцияға қатысу қоршаған орта мен қоғам үшін, уақытты қызықты және пайдалы өткізу ғана емес, сонымен қатар ниеттес жандармен танысуға, азаматтардың экологиялық санасының қалыптасуы мен дамуына өз үлесін қосуға мүмкіндік береді.

29 маусымда таңғы сағат 10-да елорда тұрғындарын қолғаптармен, пакеттермен, сумен және жақсы көңіл-күймен елорда көшелерін тазалауға шақырады.

2019 жылдың 12-14 маусым аралығында ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК-ның Біліктілікті арттыру бойынша басқармасымен Нұр-Сұлтан қаласында «Экологиялық кодекс. Құқыққолдану» тақырыбына семинар өткізілді.   

Семинар жұмысына «СарыаркаАвтоПром» ЖШС, «Ақ жол кұрылыс» ЖШС, Атырау облысы Энергетика және тұрғын-үй коммуналдық шаруашылық басқармасының «Атырау Су Арнасы» КМК, «Нұр-Сұлтан қаласының Қоршаған ортаны қорғау және табиғатты пайдалану басқармасы» ММ өкілдері қатысты.   

Семинарда келесі сұрақтар қарастырылған болатын: ҚР Экологиялық кодексі, өндіріс және тұтыну қалдықтарын басқару, қалдықтарды өңдеуге арналған технологияларды, техника мен жабдықты әкелуді экологиялық реттеу, мониторингілеудің автоматтандырылған жүйесі, мемлекеттік экологиялық бақылау және өндірістік экологиялық бақылау нәтижелері бойынша есептемеге қойылатын талаптар, өндіріс және тұтыну қалдықтарын орналастыру орындарының ғарыштық мониторингі, экологиялық аудит және т.б. 

Семинар қатысушылары соңғы өзгертулер мен толықтырулар жасалған ҚР Экологиялық кодексі және қоршаған ортаны қорғау саласындағы нормативтік-құқықтық актілер енгізілен дискілермен қамтамасыз етілген болатын.   

Семинар куәліктерді салтанатты түрде табыстаумен аяқталды.     

Дереккөз: 24.kz

Мұнай химиясы кешенінде өндіріске қажетті негізгі шикізат көзі енді өз елімізде өндірілетін болады, деп хабарлайды «Хабар 24».

Бұл – полиэтилен және полипропилен өнімдері.

Қарапайым тілмен айтсақ, қазіргі заманда адамзат баласы пайдаланатын тауарлардың 90 пайызы осы екі өнімнен жасалады. Отандық мұнай химиясы кластерін дамытудың басты пайдасы да осы мақсатты көздейді. Мұнай химиясын өркендету саласындағы тұңғыш жобалардың бірі – полипропилен зауыты.

Атыраудағы еркін экономикалық аймақта салынған мұнай химиясы кешенінде сала үшін аса маңызды зауыт құрылысы жүргізіліп жатыр. Мұнда жылына жарты миллион тонна полипропилен өндірілетін болады. 

Қайрат Оразбаев, «КРІ» ЖШС басқарма төрағасының орынбасары:

– Жобаның ішінде 2 үлкен техникалық, технологиялық қондырғы салу және 32 жалпы зауыттық нысандар салынуы керек.

Соңғы бір жылда жұмыс қарқыны 34% жетіп, жұмыс кестеге сай жүзеге асып жатыр. 2017-2018 жылдары құрылыс қарқыны 6% деңгейінде болып, іс ілгері жүрмей қойған. Зауыт ашылғанда дайын өнім импортты алмастырып, ішкі нарықтың сұранысын толық жапса, қалғаны шетелдерге экспортталатын болады. Атап айту қажет, кәсіпорын жаңа жұмыс орындарының ашылуына да мүмкіндік берді.

Талғат Кукатов, «КРІ» ЖШС құрылыс бойынша басқарма директоры:

– Қазір біздің нысанда 2 мыңнан астам адам еңбек етіп жатыр. Оның 90 проценті – қазақстандық мамандар. Қазақстандық компаниялар сапа және қауіпсіздік талаптарына сәйкес шетелдік кәсіпорындармен иық тіресе, тең дәрежеде жұмыс істеп жатыр.

Жаңа жобалардың барлығында шетелдерде білім алған отандық мамандар еңбек етіп жатыр. Құрылысқа атсалысып жатқан 36 мердігердің 33-і – жергілікті компаниялар. Полипропилен – әлемдік нарықта жоғары сұранысқа ие химиялық шикізаттардың бірі. Интеграцияланған мұнай-газ химиясы технопаркінде өндірілетін шикізат жоғары сұранысқа ие болатыны анық. «Самұрық-Қазына» қорының құрамына кіретін KPI зауыты межеленген 2021 жылы іске қосылуы тиіс.

Авторлары: Бекен Әлирахым, Амантай Мәтенов

Дереккөз – inform.kz

НҰР-СҰЛТАН. ҚазАқпарат – Энергетика министрі Қанат Бозымбаев жаңа Экологиялық кодекстің қалай жазылып жатқанын айтып берді, деп хабарлайды ҚазАқпарат тілшісі.

«Елдегі ірі қалалар мен өнеркәсіптік кәсіпорындардың ағын суын тазалау бойынша проблема баршылық. Елімізде 58 кешенді тазарту нысаны жұмыс істейді. Оның 10-ы толығымен тозған. 26-ы қайта жаңарту және жаңғыртуды қажет етеді. Осы мәселелер бойынша Мемлекет басшысы Қасым-Жомарт Тоқаевтың тапсырмасы бар. Атырау қаласына барған сапарында Президентке бұл мәселелер баяндалып, пысықталып, тиісті тапсырмалар берілді. Қазір Үкімет бұл мәселені кезең-кезеңімен шешу үшін жұмыс жүргізіп жатыр», – деді Қанат Бозымбаев ОКҚ-да өткен баспасөз мәслихатында.

Ол барлық өзекті мәселелерді шешу мақсатында ведомство жаңа Экологиялық кодекстің редакциясымен жұмыс жүргізіп жатқанын, жоба күзде Парламентке енгізілетінін мәлім етті.

«Ең бастысы – біз Кодекске ЭЫДҰ елдерінің нормалары мен стандарттары енгізілуі тиіс деп санаймыз. Сол стандарттарға жақындаған экологиялық нормалар мен нормативтерді сақтау біздің елімізге қоршаған ортаны қорғау саласында алға жылжуға мүмкіндік береді. Ең жақсы қолжетімді технологиялар қағидасы, қоршаған ортаны ластағаны үшін төлемдер енгізіледі. Бүгінгі күні әкімдіктер жергілікті бюджеттің 5 пайызын ғана табиғатты қорғау шараларына жұмсайды. Айналып келгенде қаражаттың бәрі қоршаған ортаны қорғау ісіне қызмет етуі тиіс. Жаңа Кодекс жобасы 80 пайыз дайын», – деп нақтылады министр.

Қанат Бозымбаевтың айтуынша, Үкіметтің үйлестіру жұмыстары аясында ауылдық және қалалық полигондар құрылысы бойынша типтік ережелер әзірлеу көзделіп отыр.

«Бірінші кезекте жергілікті атқарушы органдар тарапынан күш-жігер қажет. Ауылдық полигондарға жеңілдетілген талаптар болар еді. Себебі, бұл – жеткілікті капиталды қажет ететін жұмыс. Тиісті жол картасын жергілікті атқарушы органдар әзірлеген. Өткен жылы біз «Ғарыш сапары» рұқсат етпеген қоқыс үйінділерінің ғарыштан жасалатын мониторингін жолға қойдық», – деді Энергетика министрі.

Дереккөз: www.24.kz

Қазақстан Президенті Қ.Тоқаевтың Жарлығымен Мағзұм Мырзағалиев Экология, геология және табиғи ресурстар министрі қызметіне тағайындалды.

Еске сала кетсек, осыған дейін Мәжілістің Экология мәселелері және табиғат пайдалану комитетінің отырысы өтіп, депутаттар Экология, геология және табиғи ресурстар министрі лауазымына тағайындау туралы Мағзұм Мырзағалиевтың кандидатурасымен келісті.

2019 жылдың 4 маусымында “Жастар жылы” аясында Мәртөк ауданында Ақтөбе облысы бойынша экология департаментінің қолдауымен Мәртөк ауылының балалар шығармашылығы орталығының ұйымдастыруымен “Жас эколог-2019” ХІІІ экологиялық марафоны басталды. Осы жылы марафонның өтетін орны Казанка ауылының маңында Мәртөк орманшылығының шоғыры болды.

Марафонның салтанатты ашылуына экология департаменті басшысының орынбасары Е. С. Кожиков, Мәртөк аудандық білім беру бөлімінің басшысы Н.Т. Әшімов, “Мәртөк балалар шығармашылығы орталығы” МКҚК директоры И.Ф. Шәкіров қатысты.
4-7 маусым аралығында балалар ормандарда шатырлар құрып тұрды. Барлығы 11 білім беру ұйымдарынан 12 команда қатысты, жалпы саны 150 оқушы және 24 басшы қатысты.
Жарыс 10 номинация бойынша өткізілді: “Табиғаттың Көңілді білгірлері”; “Қоршаған ортаны қорғау бойынша жобаны қорғау”; “Ең үздік алау әні”, “Ең үздік ботқа”; “Жер планетасы-біздің үйіміз” фотоальбомының тұсаукесері; экология және туризм туралы бейнефильмдер байқауы; “Жер, планета, біз!”; экологиялық туризм; Ең үздік шығарма (“Қоқыс тастайтын жерге-жоқ”, “Жасыл планета”, “Туған өлкенің табиғатын қорғаймыз”, “Экология және Біз”, “Біздің үй –жер”); табиғи материалдан жасалған бұйымдар сайысы; Экологиялық конкурстар (“Туған өлкенің өсімдіктері мен жануарлары” конкурс-викторинасы, “Қауіпті аймақ” конкурсы, экологиялық брейн-ринг, “Орман дәріханасы” бағыты бойынша жорық); кедергілер жолағын еңсеру бойынша спорттық жарыстар; орманда спорттық бағдарлау бойынша жарыстар, “Туған өлкенің табиғатын қорғау” дөңгелек үстелі, экологиялық десант.

Табиғатпен әр кездесу балаларға табиғи байлықтың алуан түрлілігімен жанасуға мүмкіндік береді, оларға табиғат көріністерін, құстардың сүйкімділігін, олардың күнделікті өмірін, олардың бейнесін есте сақтауға, туған өлкесінің флорасы мен фаунасының сипаты, ерекшеліктері туралы жалпылама қорытынды жасауға мүмкіндік береді.
Балалардың мұндай іс-шаралары таным мен шығармашылыққа қызығушылық тудырады, себебі олардың Ақпаратты қабылдау мен түсінуі барынша ашық болғандықтан. Экологиялық сезімді тәрбиелеу адамның барлық сезімдерінің ішіндегі ең маңыздысы болып табылады. Егер адамның қарапайым экологиялық білімі болмаса, оның денсаулығына әсер ететін экологиялық өзгерістердің себептері мен салдарларын анықтай алмаса, адамның жалпы мәдениеті туралы айтуға болмайды. Өзін құрметтейтін әрбір азамат экология мәселелерінде сауатты болуға тиіс. Сондықтан экологиялық тәрбие Ақтөбе облысы бойынша экология департаментінің басты міндеті болып табылады.
Жақсы нәтиже көрсеткен мектеп командалары дипломдармен, алғыс хаттармен және бағалы сыйлықтармен марапатталды.
Экология департаменті “АХҚЗ” АҚ, “Сагиз Петролиум Компани” ЖШС, “Көктас Ақтөбе” АҚ-ға іс-шараларды өткізуге қолдау көрсеткендері үшін алғысын білдіреді.

Дереккөз: www.24.kz

15 маусымда елордада «Еуразияның таза жағалауы» халықаралық экологиялық акциясын өткізу жоспарланып отыр.

Ол қала аумағындағы су нысандарының жағдайын жақсартуға, қоршаған орта мен экологияның тазалығын сақтауға бағытталған, деп хабарлайды Нұр-Сұлтан қаласы әкімдігінің ресми сайты.

Дүниежүзілік қоршаған ортаны қорғау күнін мерекелеу аясында Нұр-Сұлтан қаласының әкімдігі Халықаралық көл өңірлері қауымдастығының (ХКӨҚ) бастамасын қолдау мақсатында «Қазақстанның экологиялық ұйымдарының Қауымдастығы» ЗТБ, «Let’ s do it, Qazaq eli», Астана автоклубтар альянсымен бірлесіп 2019 жылдың 15 маусымында «Еуразияның таза жағалауы» халықаралық акциясын және «Біз таза ел үшін» экологиялық қозғалысын өткізуді жоспарлап отыр.

Бұл күні, барлық ниет білдірушілер көп көлемдегі қоқыстарды жинап, оны одан әрі қайта өңдеу және кәдеге жарату үшін бірлесе иық тірестіріп жұмыс жасайтын болады.

Экологиялық акция шеңберінде азаматтық бастамалар тазалықты сақтауға саналы көзқарасты ұштастыра отырып, жаңа экологиялық мәдениетті қалыптастыруда, сондай-ақ қазіргі заманғы қоғамның тұрақты дамуында керемет табыстарға қол жеткізуге көмектеседі деп болжанып отыр.

Елордарың тұрғындары мен қонақтарын қаланың экологиялық жағдайын жақсартуға өз үлестерін қосуға шақырады.

«Өйткені, біз әлемді экологиялық таза етіп, оның сұлулығын болашақ ұрпақ үшін сақтап қалуға күш-жігеріміз бар!», – дейді акцияның ұйымдастырушылары.

Дереккөз: www.24.kz

Осы жазда Маңғыстау облысында ірі жел электр станциясы пайдалануға беріледі, деп хабарлайды «Хабар 24».

Жаңа кешен Түпқараған ауданындағы Форт-Шевченко қаласында орналасқан. Қуаты 43,6 МВт болатын станция 24 жел генераторынан тұрады. Жобаға 8 миллиард теңге инвестиция салынды. Жаңа кешен іске қосылған соң өңірдегі электр қуатына деген қажеттілікті толық өтейтін болады. Қазір бұл қалада тағы бір ірі жел электр станциясының құрылысы жүріп жатыр. 42 МВт-тық кешенді жыл соңына дейін іске қосу жоспарлануда. Жалпы аймақта сарқылмайтын әрі қоршаған ортаға зиянсыз баламалы қуат көздерін дамытуға айрықша ден қойылып жатыр. Алдағы уақытта жалпы қуаты 85 МВт болатын тағы 3 жоба іске асады.

Жандос Салимов,  облыстық энергетика және ткш басқармасының басшысы:

– Бұл бағытта жұмыстарды жалғастыратын боламыз. Қазір энергетика министрлігінде үлкен зерттеу жұмыстарын жасады. Жақын арада біздерде Бейнеу ауданындағы Бейнеу ауылында, Қарақия ауданы, Жетібай ауылында, Маңғыстау ауданы Шетпе ауылында жел электр станциялары және күн электр станцияларын салуды жоспарлап отырымз. Бұл жалпы 15-10 МВт-тық станциялар.

Дереккөз: www.24.kz

Энергетика миинистрлігі шағын көлемді баламалы қуат көздерін қолдауға арналған заң жобасын әзірлеп жатыр, деп хабарлайды «Хабар 24».

Бұл туралы бүгін Үкімет сағатынан кейін Қанат Бозымбаев мәлімдеді. Оның айтуынша, бұл құжат электр өндіруде және жылу беруде күн құрылғыларын тиімді пайдалануға мүмкіндік береді. Мемлекет бұл жобаны субсидиялап, қазақстандықтарға жеңілдік ұсынуға әзір. Сондай-ақ министр тілшілерге өзі қалай энергия үнемдейтінін де айтып берді.

Қанат Бозымбаев, ҚР энергетика министрі:

– Мен жарықты да, жылуды да үнемдеймін. Батареяларда арнайы тетік орналасқан. Егер ондағы температура белгілі бір көрсеткішке жетсе, ыстық су тоқтатылады. Бұл коммуналдық шығынды азайтуға мүмкіндік береді. Ал электр энергиясына келсек, балаларым жарықты үнемі өшіріп жүреді.

Өткізілетін күні мен уақыты: 2019 жылғы 5 маусым

Өткізілетін орны: Қабанбай батыр даңғ., 19, «ҚазМұнайГаз» ғимараты, «А» блогы,
6-қабат, мәжіліс залы

2019 жылдың 5 маусымында, Дүниежүзілік қоршаған ортаны қорғау күнінде, Қазақстан Республикасының Энергетика министрлігінде Қазақстанның соңғы он жыл ішінде экологиялық саясатты жетілдірудегі жетістіктерін көрсеткен және еліміздің болашағына қатысты ұсынымдар беріп отырған Қазақстан Республикасының экологиялық қызметі нәтижелілігінің үшінші шолуының (ЭҚНШ) салтанатты тұсаукесері өтті. Бұл шолу БҰҰ ЕЭК қамқорлығымен жұмыс істейтін Германия, Венгрия, Италия, Португалия, ЭЫДҰ, ЮНЕП және ДДҰ сарапшылар тобының бірлескен күш-жігерінің нәтижесі болып табылады.

ЭҚНШ «жасыл» экономиканы, атап айтқанда энергетика, өнеркәсіп, ауыл шаруашылығы және денсаулық сақтау секторларын дамыту салаларында Қазақстанмен қол жеткізген нәтижелерді бағалауға бағытталған. Онда атмосфералық ауаның ластануын қысқарту, судың сапасын жақсарту, қалдықтардың түзілу көлемін азайту және ерекше қорғалатын табиғи аумақтарды басқару бойынша Үкіметтің күш-жігеріне баға беріледі.

Тұсаукесерге Парламент өкілдері, Жоғарғы Сот, мемлекеттік органдар, халықаралық және үкіметтік емес ұйымдар қатысты.

Үшінші ЭҚНШ БҰҰ ЕЭК Энергетика министрлігімен, Қазақстанның басқа үкіметтік органдары мен үкіметтік емес ұйымдарымен, Германия, Норвегия, Швейцария және Еуропалық Одақтың қаржылық қолдауымен және БҰҰДБ-ның толық қолдауымен дайындалған.

Үшінші ЭҚНШ ағылшын және орыс тілдерінде орналасқан: https://www.unece.org/index.php?id=51819