Дереккөз: Bnews.kz

«Осы айдың алғашқы онкүндігінде үкіметтің кеңейтілген отырысы өтеді. Отырыс барысында мен халықтың табысын арттыруға және жұмыспен қамтуды қолдауға бағытталған жаңа шаралар ұсынамын. Яғни, экономика терең тыныс алып, қарқынды дамуы үшін жаңа қаражат тарту жолдары, банктердің жергілікті жерлерде несие беруі мен мүмкіндіктерді кеңейту мәселелері қарастырылатын болады», – деді Мемлекет басшысы VI шақырылымдағы парламенттің екінші сессиясының ашылуында.

Еске сала кетсек, кеше ҚР Үкіметінде кадрлық ауыс-түйіс болды. Министрлер кабинетіне жетекшілік еткен Кәрім Мәсімов ҚР Ұлттық қауіпсіздік комитетінің төрағасы қызметіне тағайындалды. ҚР Премьер-Министрінің міндеттерін уақытша атқару Бақытжан Сағынтаевқа жүктелді. Мемлекет басшысының Өкімімен ҚР ҰҚК-нің бұрынғы басшысы Владимир Жұмақанов Қазақстан Президентінің кеңесшісі қызметіне тағайындалды.

АСТАНА. ҚазАқпарат  – Қазақстаннан «жасыл энергетиканы» дамытудағы қуатты импульс барша әлемге тарауда. Мұндай пікірді ҚазАқпарат тілшісіне сұхбат берген  Greenpeace халықаралық ұйымы саяси бөлімінің жетекшісі (Германия, Берлин) Тобиас Мюнхмейер білдірді.

«Біздің Greenpeace ұйымымы Қазақстан Президентінің G20-ға мүше мемлекеттерді Астанада өтетін халықаралық мамандандырған көрме аясында жеке шара өткізу арқылы ЭКСПО-2017-ге белсенді қатысуға шақыруын қолдайды. ЭКСПО-207 тақырыбы  «Болашақ энергиясы», яғни, қоршаған ортаға балама, достық қарым-қатынасты дамыту. Біз Астанадан «жасыл энергетиканы» дамытудағы және қоршаған ортаны қорғауда қуатты импульс барша әлемге тарап жатқанын көріп отырмыз»,-  деді ол.

Оның айтуынша, Greenpeace ЭКСПО-2017 көрмесін асыға күтетін болады.

Еске салсақ, 1 қыркүйекте Н. Назарбаев ҚХР Төрағасы Си Цзиньпиннің шақыруымен G20 саммитіне қатысу үшін Қытайға келді. Бірінші сессияда Мемлекет басшысы жаһандық экономика мәселелерін шешу жолдары туралы өз болжамдарын айтты.

Нұрсұлтан Назарбаев «G-20» саммитінде барлық мемлекеттерді «ЭКСПО-2017» халықаралық мамандандырылған көрмесіне белсенді қатысуға шақырып, оның аясында үлкен жиырмалықтың қамқорлығымен арнайы шара өткізуді ұсынды.

«Қазақстан БҰҰ-ның тұрақты даму мақсаттарын, Париж келісімін және «жасыл экономика» ұстанымдарын жүзеге асыруға белсенді жәрдемін береді. Оған 2017 жылы Астанада «Болашақ энергиясы» тақырыбымен өтетін «ЭКСПО» халықаралық көрмесі де септігін тигізеді. Мұнымен қатар біз «Астана» халықаралық қаржы орталығын құрамыз. Барлық мемлекеттерді Астанадағы «ЭКСПО» көрмесіне белсенді қатысуға шақырамын. Оның аясында «G-20» қамқорлығымен сәйкесінше іс-шаралар өтізуге де болар еді», – деді ҚР Президенті.

Дерек көзі: www.inform.kz

АСТАНА. ҚазАқпарат – Қазақстан экологиясына зиян келтіретін зауыттар салынбайды.  Бұл туралы бүгін Астанада Қазақстанның Жасыл климаттық қорымен өзара әрекеттесуін күшейту семинары барысындағы баспасөз мәслихатында ҚР Энергетика вице-министрі Ғани Сәдібеков мәлім етті.

«Бүгінде Қазақстанда жаңадан орналастырылуы мүмкін зауыттардың тізбесі бар. Бұл зауыттар қазақстандық тараппен іріктелінеді. Атап айтқанда, бізде экологиялық заңнама бар және осы тұрғыда осы зауыттарға экологиялық бағытта тиісті талаптар қойылады. Қалай болғанда да Қазақстанда таза технологиясы бар зауыттар ғана құрылады. Себебі, бізде елімізде салынуы мүмкін зауыттарға қатысты нақты стандарттар бекітілген. Кез келген жағдайда әрбір жоба экологиялық сараптамамен қарастыралады, қоғамдық тыңдаулар жүргізіледі. Осы ретте Қазақстан аумағында салынатын әрбір өндіріс нысаны, яғни қытайлық, еуропалық немесе басқа елдердің зауыттары барлық параметрлерді келісу бойынша тиісті рәсімнен өтеді. Бұл тұрғыда еліміз үшін ешқандай қатер туындап отырған жоқ»,-деді вице-министр.

Оның сөзіне қарағанда, жақын арада электр энегриясын өндіретін қуат көздерін жаңғырту есебінен  энергия өндіру көлемі артпақ.

«Себебі, экономика дамып келеді, сондай-ақ Индустриялық-инновациялық даму бағдарламасы жүзеге асырылуда. Сондықтан бұл бағытта тиісті жетістіктер болатынына сенімдімін»,-деп түйіндеді сөзін Ғани Сәдібеков.

Дерек көзі: www.inform.kz

Дереккөз: Bnews.kz

Құжатты «Астана ЭКСПО-2017» Ұлттық компаниясы Басқарма төрағасы Ахметжан Есімов пен Финляндияның Ұлттық секциясының комиссары Севери Кейняла бекітті.

Кездесу кезінде Ахметжан Есімов фин тарапын көрмені ұйымдастыру және ЭКСПО-2017-ні халықаралық ілгерілету жөніндегі жұмыспен таныстырды. Ұлттық компания басшысы бүгінгі күні көрмеге қатысуды 98 ел және 18 халықаралық ұйым растағандығын айтты.

 «Жаңартылған энергия көздерін қолдану саласында Финляндия еуропалық елдер арасында көшбасшылардың бірі болып табылады. ЖЭК дамытудағы біздің тәжірибеміз Көрме қатысушылары мен келушілер үшін қызықты болатындығына сенімдімін», – деді Ахметжан Есімов.

Финляндиядағы жаңартылған энергия көздерінің үлесі 33% құрайды. Осыған орай 2020 жылға қарай ЕО тарапынан Финляндия үшін белгіленген  бұл үлесті 38%-ға дейін арттыру мақсаты шынайы болып көрінеді. Биомасса базасында энергия үлесі барлық ЖЭК 80% құрайды. Биоэнергетиканы  қолдануды арттыру Финляндияға энергиялық қорлар импортынан тәуелділікті азайтуға мүмкіндік береді.

«Астана ЭКСПО-2017» ҰК» АҚ Қоғаммен байланыс департаментінің мәліметінше, Финляндияның Ұлттық секциясының комиссары Севери Кейняла елдің осындай ауқымды халықаралық іс-шараларға басқа скандинавиялық елдермен бірге қатысқандығын мәлімдеді. Алайда, екі жақты достық қатынастарды және көрменің өзекті тақырыбын ескере отырып, Финляндия өз бетімен қатысу туралы шешім қабылдаған екен.

«Финляндия Республикасының ЭКСПО-2017-ге қатысуы экономикалық түрде тиімді ұйымдастырылады. Фин павильонының шеңберінде біздің жұмыстың нақты мақсатын белгіледік – бұл біздің елдер арасындағы экономикалық ынтымақтастықты күшейту, сондай-ақ қазақтандық нарыққа фин бизнес-қауымдастықтары мен энергетикалық компанияларын тарту», – деді Севери Кейняла.

Мемлекет басшысы «Қазақстан» павильоны құрылысының барысымен, сондай-ақ Конгресс-орталық ғимаратымен танысты.

Нұрсұлтан Назарбаев көрмені отандық және шетелдік ғылым үшін  қызығушылық тудыратын сапалы инновациялық әзірлемелер арқылы толықтырудың маңыздылығын атап өтті.

***

Ұлттық павильон орналасқан шар тәріздес ғимараттың тақырыптық тұжырымдамасы «Болашақ энергиясының мұражайы» ретінде көрініс тапқан. Ғимараттың 7 қабатында энергияның негізгі түрлерін таныстыру жоспарлануда.

Конгресс-орталық халықаралық конгрестер, конференциялар, симпозиумдар, концерттер және басқа да іс-шаралар өтетін көпфункциялы мәдени-сауықтыру нысаны болмақ.

АСТАНА. ҚазАқпарат – Павлодар облысында 2016 жылы Солтүстік өндірістік аймақта сынаптың мөлшерін анықтау үшін 3,5 миллион теңге бөлінді, деп хабарлайды pavlodarnews.kz. 

Жер қойнауын пайдалану, қоршаған орта және су ресурстары басқармасы басшысының орынбасары Әйгерім Қабылтаеваның айтуынша, қаражат облыстық бюджеттен бөлінді. –  Биыл аталмыш жұмыспен «Каустик» АҚ-ның арнайы зертханасы айналысып жатыр. Осы күнге дейін зертхана қызметкерлері құрал-жабдықты зерттеу жүргізді. Жалпы, атмосфералық ауаның  28 сынамасы, 12 топырақ сынамасы, 72 жер асты су сынамасы алынды.  Бұдан басқа мамандар Былқылдақ өзенінде жоғары қабаттың суы және саңылаудан су сараптамаға алынды, – деді  Әйгерім Қабылтаева.

 Нәтиженің қорытындысына сәйкес ауадағы сынаптың мөлшері шамадан асқан жоқ. Айта кетерлігі, 2005 жылдан бастап басқарма жыл сайын табиғатты қорғауға бағытталған Солтүстік өндірістік аймақта сынаптың мөлшері бойынша сараптама жүргізіп отырады. Соңғы рет алынған сынамалардың нәтижесі бір аптадан соң белгілі болады.

Дерек көзі: www.inform.kz

АЛМАТЫ. ҚазАқпарат – Алматы қаласы бойынша Экология департаментінің қызметкерлері Түркісіб ауданында қызғылт түске боялған өзеннің суын сараптамадан өткізіп жатыр. Бұл туралы бүгін Алматы қаласы бойынша Экология департаменті зертханалық бөлімінің бастығы Айтқұл Халелов хабарлады.

«Біз су сынамасын тексеруге алдық. Нәтижесі бір аптадан соң белгілі болады. Біз өткен сенбі күні өзенге келгенде судың түсі қайтадан қалыпты жағдайда болды. Судың қызғылт түске боялуы сараптама нәтижесі шыққан соң белгілі болады. Қазір, нақты ештеңе айта алмаймыз», – деді маман.

Еске сала кетелік, бұл шағын өзен суының қызғылт түске боялғаны 19 тамыз күні белгілі болды. Бұл туралы «Балычок» балық аулау клубының белсендісі Евгений Сляднев хабаралған еді.

«Кәдімгідей қызыл су ағып жатыр. Мұны бүгін кешке 18:30-да Майлин мен Гете көшелерінің аралығында байқадық. Бұл Түркісіб ауданы», – деп жазған болатын Евгений Сляднев.

Дерек көзі: www.inform.kz

Ел Тәуелсіздігінің 25 жылдығына арналған «25 игі іс» акциясы жалғасып жатыр. Орал қаласында «Таза жағалау» экологиялық шарасы ұйымдастырылып, Жайық өзенінің жағалауы қалдық-қоқыстан тазартылды. Тазалық шарасына мемлекеттік және жекеменшік нысандағы кәсіпорындардың жүздеген жұмысшысы мен жастар ұйымдарының өкілдері атсалысты. «Жағалауда қоқыстың көп болуы – тұрғындардың қоршаған ортаға деген немқұрайлығы. Сондықтан біз осы акция арқылы жұртшылықты тазалық сақтауға шақырамыз», – дейді шараға қатысқан еріктілер. Ержан Талапқалиев, «Жасыл ел» жастар еңбек жасағының өкілі: – Жағажайда демалғанды бәрі жақсы көреді. Бірақ көбіне осы жағажайды сынға алып жатады, лас деп. Бірақ та адамдар оны ескермей, жағажайды бүлдіріп кетіп жатады. Елімізді көгалдандыру, елімізді таза сақтау, ол біздің ең басты мақсатымыз болып табылады. Нұржан Қалдыбеков, «Болашақ» қауымдастығының мүшесі: – Таза қала дегеніміз ол тек Батыс Қазақстан облысында ғана емес, еліміздің түкпір-түкпірінде өткізіліп жатырған науқан. Бастау жасап, басқа жастарға үлгі беріп, бұл науқан одан әрі жалғасады деп ойлаймын.

Дерек көзі:  www.24.kz

Кәріз суын көлге құю тоқтаған күннен бері қалдықтарды шығару жұмыстары қырқынды жүргізілуде. Қазірдің өзінде жоспардың 70 пайызы орындалған. «Талдыкөлдің тазалығын ойлаған мамандар ендігәрі лас суды жолатпаймыз», – дейді.  Көл маңын көгалдандырып, саябаққа айналдыру жоспарлануда.   Шыңғыс Айтматов көшесінде тұратын жұрт жақсы біледі, көлден келетін кермек иісті.  Осы уақытқа дейін айта-айта шаршаған олар: «Қазір бұрынғыдай иіс жоқ», –дейді. Бірақ ара-тұра желмен жарасып келіп тұратынын жасырмайды. Александра Долинская, қала тұрғыны  -Иіс көктем мезгілінде және жаңбыр жауғанда сезіледі. Ал қалған уақыттарда ауа таза болып тұрады. Талдыкөлді тазалау жұмысы 2015 жылдан мықтап қолға алынды. Шетелден арнайы техника әкелініп, қалдықтар шығарыла бастады. Нәтижесінде 380 мың тонна балшық сорылды. Тимур Әбижанов, Астана қаласы Коммуналдық шаруашылық басқармасы басшысының орынбасары -Талдыкөлдің түбіндегі бүкіл қалдықтарды шығарамыз қазір. Тамыз айында бүкіл жұмыстарды бітіреміз. Сосын құрылыс жұмыстарын өткіземіз.  Бүгінде сарқынды су арнайы тазарту қондырғыларына келіп, механикалық, биологиялық және қосымша сүзгілерден өтіп, Есілге құйылып жатыр. Жуық арада тағы жаңа құрылғылар қойылып, жұмысты едәуір жеңілдетпек. Сәкен Сейітханұлы, тілші -Талдыкөлдің жағасында қазір терең тыныстауға болады. Бұрынғыдай қолқаны қабатын қоламса иіс сезілмейді. Өйткені тазарту жұмыстары аяқталуға жақын. Мамандардың сөзіне сенсек, алдағы екі айда көл толғымен таза болады. Ал тұрғындардың айтып жүрген «сасық иісі» мына ми батпақтан шығып жатыр екен.  Қаладағы құрылыс қарқынын ескерсек, алдағы уақытта бұл жер топырақпен жабылып, тегістеледі. Сөйтіп жағымсыз иістен жұртшылық құтылады.

Источник:  www.khabar.kz