2014 жылдың 6 маусымында Алматы облысында Балқаш-Алакөл облысаралық бассейндік балық шаруашылығы инспекциясы және Панфилов және Уйғыр аудандарының ІІБ қызметкерлері «Нерест-2014» акциясы аясында бірлесіп жүргізген рейд барысында табиғатты қорғау заңнамасы талаптарының бұзылу фактісін анықтады. Іле өзенінің жағасында Оңтүстік Қазақстан облысының тұрғыны жүргізіп келе жатқан «Mercedes-Benz Sprinter» автомашинасын тексеру барысында 978 кг балық табылды (268 кг сазан, 520 кг жайын және 190 кг ақ амур).
Сонымен қатар, көлік ішінен электр түрлендіруші, аккумулятор, электросымды шанышқы, резина қайық табылып, тәркіленді. Балық қорына келтірілген залал мөлшері – 447 мың теңгеден астам соманы құрады.
Аталған оқиға бойынша жиналған материалдар мен айғақты заттар құқық қорғау органдарына тапсырылды.
ҚР ҚОСРМ баспасөз қызметі
2014 жылдың 6 маусымында Астанада Қазақстан Республикасы қоршаған орта және су ресурстары министрі Нұрлан Қаппаров ҚР ҚОСРМ жанындағы орман, аңшылық және балық шаруашылығы жөніндегі Қоғамдық кеңесінің балық шаруашылығы секциясы отырысын өткізді.
Кеңес отырысына ҚР ҚОСРМ Балық шаруашылығы комитетінің, Қазақ балық шаруашылығының ғылыми-зерттеу институтының басшылары, сондай-ақ, «Казахрыбхоз» балық аулаушылар және балық шаруашылығы субъектілері қоғамдық бірлестіктерінің республикалық қауымдастығының өкілдері қатысты.
Басқосу барысында Орал-Каспий бассейнінде бекіре тұқымдас балық популяцияларын сақтау және қалпына келтіру шаралары, спорттық-әуесқойлық балық аулауды дамыту, сондай-ақ бөтен кірме балық түрлерінің Балқаш-Іле су бассейніне инвазиясына қатысты проблемаларды шешу жолдары талқыланды.
Отырыс соңында Қазақстан Республикасы қоршаған орта және су ресурстары министрлігі және «Казахрыбхоз» балық аулаушылар және балық шаруашылығы субъектілері қоғамдық бірлестіктерінің республикалық қауымдастығы арасында балық ресурстары мен су жануарларын қорғау, өсімін молайту және пайдалану саласындағы ынтымақтастығы және өзара әрекеттесуі жөніндегі меморандум қабылданды.
Құжатқа Қазақстан Республикасының қоршаған орта және су ресурстары министрі Нұрлан Қаппаров және «Казахрыбхоз» балық аулаушылар және балық шаруашылығы субъектілері қоғамдық бірлестіктерінің республикалық қауымдастығының басқарма төрағасы Владимир Бобров қол қойды.
Меморандумның мақсаты – мемлекет пен қоғамның балық ресурстары мен су жануарларын және олардың тіршілік ету ортасын сақтау және оларды тұрақты пайдалануда, тиімді және заң талаптарына жауап беретін басқарушы шешімдерді қабылдауда, әкімшілік кедергілерді азайту және сыбайлас жемқорлыққа жол беретін жағдайларды болдырмау ісіндегі күштерін біріктіру.
Меморандум шеңберінде тараптар заңнаманы жетілдіру, кәсіпкерліктің дамуы үшін жағдай жасау, балық шаруашылығы су айдындары мен учаскелерін бекіту бойынша конкурс өткізу, балық ресурстары мен су жануарларын аулауға квотаны бөлу, әуесқойлық (спорттық) балық аулауды және балық аулау туризмін дамыту, балық ресурстары мен су жануарларының жаппай ауыруы, қырылу, тұншығу қаупі және басқа себепті жағдайларда құтқару шараларын өткізу, кадрларды дайындау және білімді тарату жүйесін дамыту, «Казахрыбхоз» өкілдерін балық қорғау акциялары мен рейдтік шараларына қатысуға тарту, сыбайлас жемқорлықтың фактілерін анықтау және алдын алу, сондай-ақ, семинарларға, мәжілістерге, конференцияларға және съездерге қатысу мәселелері бойынша ынтымақтастықтарын нығайтып, өзара әрекеттеседі.
ҚР ҚОСРМ баспасөз қызметі
2014 жылғы 5 маусым күні ҚР қоршаған орта және су ресурстары министрі Нұрлан Қаппаров Дүниежүзілік қоршаған орта күні және эколог күніне орайластырылған салтанатты жиналыс өткізді. Жиналысқа министрліктің құрылымдық бөлімшелерінің, ведомствоға бағынысты және қоғамдық ұйымдардың өкілдері қатысты.
Н. Қаппаров әріптестерін кәсіби мерекелерімен құттықтап, министрлік пен аумақтаық органдардың бірқатар қызметкерін «Экология саласының үздігі» төсбелгісінмен, құрмет грамоталарымен, алғыс хаттармен марапаттады.
Жиналыс барысында ҚР ҚОСРМ экологиялық бақылау және реттеу комитетінің ұйымдастыруымен республикалық деңгейде өткізілген балалардың сурет байқауының жеңімпаздарын марапаттау рәсімі өтті.
Н. Қаппаров Астана қ. №37 орта мектебінің оқушысы Мария Карбушеваны, Батыс Қазақстан облысы Бөкейорда аудандық орта мектептің оқушысы Ғасыр Насекеновты, Павлодар облысындағы Мичурин балалар үйінің тәрбиеленушісі Алина Пилягинаны құрмет грамотасымен және бағалы сыйлықпен марапаттады. Сонымен қатар министр облыстық деңгейдегі байқау жеңімпаздарын – еліміздің барлық өңірлерінен келген балаларды марапаттады.
Сондай-ақ, бүгін Қазақстан Республикасы қоршаған орта және су ресурстары министрі Нұрлан Қаппаров, ҚР мұнай және газ вице-министрі Болат Ақшолақов және «ҚазМұнайГаз» ҰК» АҚ басқармасының төрағасы Сауат Мыңбаев ҚР қоршаған орта және су ресурстары, ҚР мұнай және газ министрліктері мен «ҚазМұнайГаз» ҰК» АҚ арасындағы қоршаған ортаны қорғау саласындағы ынтымақтастығы жөніндегі меморандумға қол қойды.
Аталған құжат «Өзенмұнайгаз» АҚ-ның («ҚазМұнайГаз» ҰК» АҚ-ның еншілес кәсіпорны) өзінің 1 288 355 м3 көлеміндегі өндірістік қалдықтарын кәдеге жарату мен өңдеуді, сондай-ақ, мұнай өндірісі өнімдерімен ластанған 252 850 м3 жерді қалпына келтіру шараларын жүргізу арқылы компания қызметінің қоршаған ортаға тигізетін теріс әсерін азайтуды көздейді. Жоспарланған іс-шаралар 7-жылдық мерзімде іске асырылмақ. Бұл мақсаттарға 15 миллиард теңге көлеміндегі қаржы бөлінеді.
Бүгін Беларусь, Қазақстан және Ресей елдері аумақтарында Дүниежүзілік қоршаған орта күніне орай халықаралық экологиялық сенбілік өткізілді.
Қазақстанның барлық аймақтарында өтетін акция барысында қалалар мен қала маңы аумақтары, демалыс мекендері, саябақтар мен су айдындарының жағалаулары тұрмыстық күл-қоқыстардан тазартылады.
Қазақстан өңірлерінде сенбілікке 130 мыңға жуық адам қатысты. Олардың қатарында орталық және жергілікті атқарушы органдардың, қоғамдық ұйымдардың, кәсіпорындардың өкілдері, сондай-ақ, ЖОО студенттері еңбек етті.
Астанада экологиялық акцияға 600-ден астам адам қатысты. Қоршаған орта және су ресурстары министрлігінің, «Астана орманы» және «Полигон» ЖШС, сондай-ақ, «Жас Отан» жастар қанатының өкілдері мен студенттер қалалық қалдықтар полигонына іргелес орман аумағын қоқыстан тазартуға атсалысты.
5 маусым күні ҚР қоршаған орта және су ресурстары министрі Нұрлан Қаппаров республикалық экологиялық үкіметтік емес және халықаралық ұйымдар өкілдерімен кездесу өткізді. Басқосуға ҚР Парламент Мәжілісінің депутататтары, астаналық жоғарғы оқу орындарының студенттері қатысады. Кездесу барысында министрлік пен қоғамдық ұйымдар арасындағы өзара әрекеттесу перспективалары талқыланды.
Кездесу аясында «Қазгидромет» РМК ұйымдастырған «Су – өмір нәрі» фотобайқауының салтанатты ашылуы өтті.
ҚР ҚОСРМ баспасөз қызметі
5 маусымдағы үш елдің халықаралық экологиялық сенбілігіне 130 мыңнан астам қазақстандық қатысады. Бұл туралы Қазақстан Республикасы қоршаған орта жән су ресурстары вице-министрі Ерлан Нысанбаев Дүниежүзілік қоршаған ортаны қорғау мен экология күніне арналған Астана-Мәскеу-Минск видеоөткелі барысында мәлімдеді.
«Бастама – оңды. Біз оны қолдаймыз. Қазіргі таңда барлық дайындық шаралары аяқталды. Республика өңірлерінен аталмыш шараға 130 мыңнан астам адам қатысады», – дейді вице-министр.
Оның айтуынша, Астанада шамамен 600 адам полигон ауданында жұмыс істейді.
«Тек Астананың өзінде ғана шамамен 600 адам полигон ауданында жұмыс істейді.Сонымен қатар, қоқыс тазалаймыз. Өздеріңіз де білесіздер, Астана жанынан біз қолдан орман жасап жатырмыз. Бүгінде оның жалпы ауданы 70 гектарға жетті. Алдағы уақытта орман аумағы кеңейе бермек», – дейді ол.
Е.Нысанбаевтың пікірінше, Қазақстанда су қоймаларын тазалау жұмыстары қарқынды жүргізілуде.
«Қазір біз «Таза су қоймасы» ұранын қолға алдық. Нәтижесінде су қоймаларынан 2800 тонна қоқыс шығардық. Ондаған жылдар бойы тазаланбаған бөгеттерді осылай тазалап жатырмыз», – дейді ол.
Индира Кауметова
Бүгін Астана – Мәскеу-Минск видеоөткелі барысында Ресей Федерациясы табиғи ресурс және экология министрі Сергей Донской үш ел ЕурАзЭҚ аясында бірнеше жобаны жүзеге асыратындығы жайлы мәлімдеді.
«Жобаларға келетін болсақ, біз бүгінде ЕурАзЭҚ аясында бірнеше бірлескен жобаларды жүзеге асырудамыз. Жақында сәуір айында біз Сочи қаласында ЕурАзЭҚ қоршаған ортаны қорғау бойынша кезекті отырысын өткіздік. Онда бірқатар бірлескен жобалар қаралды, ол біз үшін ортақ механизмдерді қарастырып, ортақ негіз құруда”, – деді С. Донской.
Оның айтуынша, Сочиде талқыланған тақырыптардың бірі жекелеген оңтайлы қолдану жағдайларын арттырудағы жоюды пайдалану.
«Бұл техникалық кен орындарына қатысты. Өздеріңізге де белгілі, Кеңес үкіметі кезінде түрлі қалдықтардың үлкен қоры жинақталған. Соңғы бағалаулар бойынша шамамен 80 млрд тонна түрлі қалдықтар бар. Оның ішінде нақты пайдалы қазба түріндегі пайдалы компоненттер бар. Мұның барлығы қазір үйінділерде жатыр. Осы тұрғыда біз бір жағынан аталмыш техникалық қалдықтардың көзін жойып, екінші жағынан сол қалдықтарды тұрмыстық кәдемізге де жарата білуіміз керек», – дейді ол.
«Осылайша, біз бірлескен жұмыстар арқылы бірқатар мәселенің түйінін тарқатудамыз», – дейді С.Донской
Мадина Нұрбекова
ҚазАқпарат – ҚР Президентінің жанынан «Жасыл экономикаға» көшу жөніндегі кеңес құрылды. Бұл туралы Ақорданың баспасөз қызметінен хабарлады.
Қазақстан Республикасының «жасыл экономикаға» көшуі жөніндегі тұжырымдаманың іске асырылуын мониторингтеу және бағалау мақсатында ҚАУЛЫ ЕТЕМІН:
1.Осы Жарлыққа қосымшаға сәйкес Қазақстан Республикасы Президентінің жанынан «Жасыл экономикаға» көшу жөніндегі кеңес (бұдан әрі – Кеңес) құрылсын.
2.Қоса беріліп отырған Кеңес туралы ереже бекітілсін.
3.Қазақстан Республикасының Үкіметі осы Жарлықтан туындайтын қажетті ұйымдастыру және өзге де шараларды қабылдасын.
4.Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
5.Осы Жарлық қол қойылған күнінен бастап қолданысқа енгізіледі.
Қазақстан Республикасының Президенті Н.Назарбаев
Қаулының толық мәтінімен осы жерден таныса аласыз.
Кездесу барысында, Қазақстан Республикасының «жасыл» экономикаға көшу перспективалары, экологиялық саясатты іске асыруда қоғамның қатысуын және әрекеттесуін күшейту тақырыбындағы баяндамалармен танысу жоспарлануда. Сонымен қатар, экологиялық байқаулардың жеңімпаздарына жүлделерді және мақтау грамоталарын тапсыру өткізіледі. Бұдан басқа, кездесуге қатысушылар «Табиғат – тал бесік» фотокөрмесін тамашалайды.
Өткізілетін орны: Астана қаласы, Достық көшесі 11, Ұлттық академиялық кітапхана ғимаратында.
Өту күні мен уақыты: 2014 жылдың 5 маусымында, 14.30-да.
Қатысушыларды тіркеу уақыты – 14.00-де.
Қатысуыңызды 2014 жылдың 27 мамырына дейін растауыңызды сұраймыз.
Барлық ұйымдастырушылық сұрақтар бойынша Экологиялық ақпарат және талдау басқармасының басшысы Айнел Бейсенғазықызына Рымбаеваға 8 (7172) 74-00-56, 74-00-78 телефон арқылы хабарласып білуге болады. Электрондық почтасы: rymbayeva@eco.gov.kz.
2014 жылдың 22 мамыры күні Қазақстан Республикасы қоршаған орта және су ресурстары минстрі Нұрлан Қаппаров Біріккен Араб Әмірліктері қоршаған ортаны қорғау және су министрі Рашид Ахмед бин Фахдпен кездесті.
Сонымен қатар, кездесуге Қазақстан Республикасының Біріккен Араб Әмірліктеріндегі Төтенше және Өкілетті Елшісі Қайрат Лама Шариф қатысты.
Кездесу барысында қоршаған орта саласында екіжақты ынтымақтастық перспективалары талқыланды. Тараптар екі ел ведомстволарының ықпалдастығының жоғары деңгейде қол жеткізілген келісімдер негізінде жүзеге асырылатындығын атап өтіп, ынтымақтастықтың одан әрі дамыту әлеуетінің зор екендігін айтты.
Табиғатты қорғау ведомстволарының басшылары «жасыл» экономикаға көшу аясындағы ынтымақтастықты дамыту, оның ішінде жаңартылатын энергия көздері, су ресурстары мен тұрмыстық қатты қалдықтарды басқару салаларына инвестиция және технологиялар тарту мәселелерін талқылады. Осы тұрғыда Н. Қаппаров білім мен тәжірибе алмасуын, үздік технологиялар трансферті мен «жасыл» жобалардың қаржыландырылуын «Жасыл Көпір» серітестік бағдарламасы аясында жүргізу тиімділігін атап өтіп, Біріккен Араб Әмірліктерін Бағдарламаның Хартиясына қол қойған елдер қатарына қосылуға шақырды. Сонымен қатар Н. Қаппаров Біріккен Араб Әмірліктерін «Астана EXPO-2017» халықаралық көрмесіне қатысып, өз жетістіктерін көрсетуге шақырды.
Өз кезегінде Рашид Ахмед бин Фахд Қазақстанда ЖЭК, теңіз суын тазарту мен тұщыландыру, тұрмыстық қатты қалдықтарды қайта өңдеу мен «жасыл» экономиканың өзге де салалары бойынша жобаларды жүзеге асыруға қызығушылықтың бар екендігін жеткізді. Ол Қазақстан мен Біріккен Араб Әмірліктерінің стратегиялық даму мақсаттарының ұқсас екендігін айта келе, БАӘ «Жасыл Көпір» Серіктестік бағдарламасының қатысушысы атануға дайын екендігін хабарлады. Сонымен қатар министр елінің «EXPO-2017» көрмесінің жұмысына қатысатындығын білдірді.
Сонымен қатар экология министрлері жануарлар әлемін ұдайы өсіру ісіндегі ықпалдасыдың, мысалға, Оңтүстік Қазақстан облысындағы жылына 5000 дуадақ өсіру мүмкіндігі бар орталығының құрылысы жобасының жүзеге асырылуы (2009 – 2013 жж. аралығында Қазақстан табиғатына БАӘ тәлімбабақтарында өсірілген 1100-ден астам дуадақ, ал 2014 жылы 2000 дуадақ жіберілді) және сұңқарларды табиғат аясына жіберу (2009 – 2013 жж. аралығында БАӘ тәлімбақтарында өсірілген 340 сұңқар, ал 2014 жылы 119 лашын мен ителгі ұшырылды) сынды жобалардың сәтті жалғасуын атап өтті.
Келіссөздер соңында Нұрлан Қаппаров пен Рашид Ахмед бин Фахд Қазақстан Республикасы қоршаған орта және су ресурстары министрлігі мен БАӘ қоршаған ортаны қорғау және су министрлігінің арасында қоршаған ортаны қорғау саласындағы өзара түсінушілік меморандумына қол қойды. Бұл құжат стратегиялар, бағдарламалар мен жобаларды дайындауда және жүзеге асыруда, ақпарат алмасудағы ықпалдастықта, зерттеулер ұйымдастыруда, шөлейттенуге қарсы күрес жүргізуде, су ресурстарын басқару, қорғау және тиімді қолдануда, сондай-ақ, атмосфералық ауаны ластанудан қорғауда бірлесіп жұмыс істеуге жағдай жасалуына ықпал етеді.
ҚР ҚОСРМ баспасөз қыметі
2014 жылғы 21 мамырда Астаналық экономикалық форум аясында Қазақстан Республикасы қоршаған орта және су министрлігі, «Жасыл Академия» ғылыми-білім беру орталығы, Еуропалық Одақтың Қазақстандағы өкілдігі және ЮСАИД Орталық Азиядағы уәкілдігі бірлесіп ұйымдастырған «Smart Green Business Forum» панельдік сессиясы өтті.
Көтеріліп жатқан тақырыптың өзектілігі сессия барысында талқыланған мәселелер шеңберін анықтады:
• «Жасыл көпір» серіктестік бағдарламасын ілгерілету механизмдері;
• Климаттың өзгеруін бәсеңдетудің нарықтық тетіктері;
• «Жасыл» экономикаға бағытталған білім трансферті;
• «Жасыл» бизнеске инвестициялардың тартылуын ынталандыру;
• Орман шаруашылығы секторындағы кәсіпкерлікт дамытуі;
• Бизнес шешімдер: таза судың қолжетімділігі.
Сессия жұмысына ҚР қоршаған орта және су ресурстары министрі Нұрлан Қаппаров, «Жасыл Академия» ғылыми-білім беру орталығының директоры, профессор Бақыт Есекина, Еуропалық Одақтың Қазақстандағы өкілдігінің басшысы Аурелия Бушез, БҰҰ Бас хатшысының орынбасары – БҰҰ Қоршаған орта жөніндегі бағдарламасының (UNEP) өкілі Нара Лувсан, сондай-ақ мемлекеттік органдардың, халықаралық ұйымдардың, шет елдердің Қазақстандағы дипломатиялық өкілдіктердің басшылары, әйгілі шетелдік ғалымдар, сарапшылар мен бизнес-компаниялардың, үкіметтік емес ұйымдардың өкілдері қатысты.
Шара барысында Нобель сыйлығының лауреаты, Ресей Ғылым академиясының «Машиналардың ірі жүйелерінің беріктігі және ресурсы» ҒЗИ директоры, ресейлік сапа мәселелері академиясы мен Вашингтон ғылым академиясының мүшесі, профессор Святослав Тимашев, USAID Орталық Азиядағы экономикалық даму бөлімінің директоры Майкл Трублад, Еуропалық жаңғырту және дамыту банкінің энерготиімділік және климаттың өзгеруі мәселелері жөніндегі бас менеджері Найджел Джолландс, Жаһандық «жасыл» өсу институтының Солтүстік-Шығыс және Орталық Азияда жоспарлау және ендіру жөніндегі директоры Дженифер Батц, Германияның Федералды қоршаған орта, табиғи ресурстар және ядролық қауіпсіздігі министрлігінің Орталық және Шығыс Еуропа елдері, Таяу Шығыс және Орталық Азия аймағы мен жаңа тәуелсіз мемлекеттермен ынтымақтастық Департаментінің басшысы Юрген Кайнхорст, FLERMONICA аймақтық директоры (Ормандар мен биоалуантүрлілікті басқару, қоршаған орта жағдайын бақылау) Штепан Унчовски, Польшаның қоршаған орта және су шаруашылығы жөніндегі Ұлттық қорының өндірістік жобалар бөлімінің бас сарапшысы М. Ямелковски, Green Bridge Forum Riga жобасының басшысы Андрейс Пумпурс баяндамалар жасап, тұсаукесерлерін ұсынды.
«Smart Green Business Forum» алаңында ұсынылған тақырыптар бойынша кең ауқымды пікірталас өтті. Күн тәртібіндегі негізгі мәселелерді талқылаған сессияға қатысушылар «жасыл» реформалардың өткізілуі мен «жасыл» бизнесті ынталандырудың қажеттігін атап өтіп, Дүниежүзілік Дағдарысқа қарсы жоспар жобасына енгізу үшін бірқатар ұсыныс қабылдады.
Сонымен қатар сессия аясында ынтымақтастық жөніндегі меморандумдарға қол қойылды. бекітілді.
Дамыған елдердің G-20 Декларациясына сәйкес, сондай-ақ халықтың өмір сапасының жоғары деңгейін қамтамасыз ету, қазіргі және болашақ буын игілігі үшін табиғи капиталды ұқыпты пайдалану және сақтау мақсатында «жасыл» экономикаға көшу және орнықты даму бойынша міндеттемелер алғандықтары көпшілікке белгілі.
Орнықты даму мен оны жоспарлаудың кешенді тәсілдемелерін белгілеу барысында осы мемлекеттердің ұстанатын «жасыл» қағидаттары экономика салаларын басқару жүйелеріне енгізіліп, табиғи капиталдың сақталуына септігін тигізетін «жасыл» инвестициялардың тартылуын ынталандыруды, smart технологиялардың ендіруді, жаңа білім трансфертін, қызмет көрсету жүйелерін реформалау мәселелерінің қарастырылуы тиіс.
Британдық экономист Николас Стернның пайымдауынша, климаттың өзгеруі 10-15 жылдың өзінде жылдық шығын мөлшерін дүниежүзілік жалпы өнімнің 5% дейін жеткізуі мүмкін (2100 жылы – 20%). Мұндай болжамдарды «жасыл» технологиялардың дамуы өзгерте алады. Мысалға, Германияда 4 жыл ішінде (2009-2012 ж.ж.) күн энергетикасын өндіретін құрылғылардың жалпы қуаты 26 Гвт дейін жеткізілді. Олардың 70% жеке тұлғалардың, фермерлердің, шағын және орта кәсіпорындардың меншігінде. Бұл парниктік газдар шығарындылары көлемін азайтуға айтарлықтай үлес қосады. Сонымен қатар, Данияның мысалын келтіруге болады. Бұл мемлекет 1980 жылдан бері энергияны тұтыну көрсеткіштерін өзгеріссіз қалдырып, ЖІӨ деңгейін 80% өсіре білді.
«Жасыл» бизнестің дамуы табиғи капиталды тұтынуды азайтып, оны қолданудың тиімділігін арттырады. ЭЫДҰ мүше елдердегі экологиялық салықтан келетін түсімдер үлесі 0,1 пайыздан 4%-ға дейінгі аралықта. Бұл «жасыл» экономикаға көшудің әлеуметтік пайдасы мен халық өмірі сапасының өсуіне қоса экономикалық тұрғыдан тиімді екендігін көрсетеді. Ендеше ірі, орта және шағын бизнес өкілдерінің «жасыл» экономиканың артықшылықтары мен ролін түсінуі өте маңызды мәселе.
Осы орайда «Smart Green Business Forum» панельдік сессиясы мемлекеттік органдардың, ғалымдар мен сарапшылардың, сондай-ақ, бизнес пен үкіметтік емес ұйымдардың даму механизмдері арқылы «жасыл» экономиканы ілгерілету мен «жасыл» бизнесті қолдау жолындағы ынтымақтастығы мәселелерін талқылауға арналып ұйымдастырылды.
АЭФ аясында Қазақстан Республикасының қоршаған орта және су ресурстары министрі Н. Қаппаров БҰҰ Бас хатшысының орынбасары Ноэлин Хейзермен кездесті. Кездесу барысында «Жасыл Көпір» Серіктестік бағдарламасын ілгерілету және Астана EXPO-2017 халықаралық мамандандырылған көрмесін өткізуге дайындық шеңберіндегі өзара әрекеттесу перспективалары талқыланды..
ҚР ҚОСРМ баспасөз қызметі
2014 жылдың 15 – 16 мамыр күндері Сочи қаласында (Ресей Федерациясы) ЕурАзЭҚ Интеграциялық Комитеті жанындағы қоршаған ортаны қорғау саласындағы Кеңестің 5-ші отырысы өткізілді.
Отырыс жұмысына Беларусь, Қазақстан, Қырғызстан, Ресей және Тәжікстан өкілдері қатысты.
15 мамырда отырыс аясында сарапшылар деңгейіндегі кеңес өткізіліп, бірқатар құжат келісілді.
16 мамыр күні өткен жоғары деңгейлі отырысқа Кеңес төрағасы – РФ табиғи ресурстар және экология министрі Сергей Донской, Беларусь Республикасының табиғи ресурстар және қоршаған ортаны қорғау министрі Владимир Цалко, Қазақстан Республикасының қоршаған орта және су ресурстары Вице-министрі Ерлан Нысанбаев, Қарғыз Республикасының Үкіметі жанындағы мемлекеттік қоршаған ортаны қорғау және орман шаруашылығы агенттігінің директоры Сабир Атаджанов, Тәжікстан Республикасының ЕурАзЭҚ-тағы тұрақты өкілі Файзулло Холбобоев қатысты.
Кеңес мүшелері ЕурАзЭҚ мүше мемлекеттердің қоршаған ортаны қорғау саласындағы ынтымақтастығы жөніндегі Келісім жобасын мақұлдады. Келісім жобасында ЕурАзЭҚ-тың әуе атмосферасын қорғау саласындағы үйлестіруші техникалық орталықты – Еуразиялық әуе атмосферасын қорғау ғылыми-зерттеу институтын құру көзделген. Бұл бастаманы іске асыру үшін сарапшылардан жұмыс тобы құрылмақ.
Институт аймақтағы елдердің әуе атмосферасын қорғау саласын реттейтін заңнамаларын үйлестіріп, осы саладағы халықаралық келісімдерге қосылудың «жол карталарын» әзірлеумен айналысады. Сонымен қатар бұл орталық атмосфераға ластаушы заттар шығарындылары туралы электрондық мәліметтер базасын жүргізеді, ұлттық атмосфераның ластануын бақылау жүйелерінің дамуына, сала мамандарының біліктілігін жоғарылатуға қолғабыс етеді.
Сарапшылық жұмыс тобының мамандары ЕурАзЭҚ елдері аумағында атмосфераға ластаушы заттар шығарындылары көлемдерін есептеу тәсілдемелерін ендіру мен реестрларды жүргізу ережелерін әзірлейді. ЕурАзЭҚ мүше мемлекеттерге трансшекаралық мониторингтің бірыңғай жүйесінің негізін қалауға мүмкіндік беретін осы құжатқа сүйеніп жұмыс жасау ұсынылмақ.
Сонымен қатар, отырысқа қатысушылар Кеңестің 2014-2015 жылдарға арналған жұмыс жоспарын бекітті. Ондағы өзара әрекеттесу бағыттарының бірі – ЕурАзЭҚ-тың «Инновациялық биотехнологиялар» мемлекетаралық мақсатты бағдарламасы болмақ.
Отырыс аясында Қазақстан Республикасының қоршаған орта және су ресурстары Вице-министрі Ерлан Нысанбаев РФ табиғи ресурстар және экология министрі Сергей Донскоймен кездесті. Олар екі ел арасында қоршаған ортаны қорғау саласындағы ынтымақтастық мәселелерін талқылады.
Тараптар биылғы сәуірде өткен келісу кеңесінің отырысы барысында Қазақстан және Ресей Үкіметтерінің арасындағы трансшекаралық Орал өзені бассейнінің экожүйесін сақтау жөніндегі келісім жобасы бойынша мәмілеге келгендіктеріне қанағаттанушылық білдірді.
Келісім бойынша өзенге тасталатын зиянды заттар көлемін азайту, экологиялық мониторинг жүйесін дамыту, өзен түбін тазалау, сондай-ақ, екі ел аумақтарындағы Орал өзені бассейнінде ерекше қорғалатын табиғи территориялардың бірыңғай желісін құру шаралары қарастырылмақ.
ҚР ҚОСРМ баспасөз қызметі