Дереккөз: www.energo.gov.kz

2018 жылғы 26 қазанда ҚР Энергетика Вице-министрі С. Нұрлыбайдың төрағалығымен «Климаттың өзгеруі және оның салдарымен күрес бойынша шұғыл шаралар қабылдау» 13 мақсатты талқылау бойынша «Планета» жұмыс тобының бірінші отырысы өтті.

Отырыста 2019 жылға арналған «Планета» жұмыс тобының жұмыс жоспар-графигінің жобасы қарастырылды, сонымен қатар, ҚР ЭМ Климаттың өзгеруі жөніндегі Департаментті директоры саясатта және ұлттық деңгейде стратегияда, жоспарлауда климаттың өзгеруіне әсер ету шараларын енгізу мәселесі бойынша, ҚР ІІМ Төтенше жағдайлар комитетінің төраға орынбасары қауіпті климаттық көріністерге және табиғи апаттарға бейімделуге мүмкіндігін және артқа шегінуін арттыру мәселесі бойынша, БҒМ Білім комитетінің төрағасы климаттың өзгеруі проблемалары бойынша ақпараттарды таратуды, жариялауды жақсарту мәселесі бойынша баяндады.

Энергетика министрі 5 Орнықты даму мақсаттарын (ОДМ), 46 тапсырмасын және 56 индикатор  бойынша (шөлді экосистеманы орнықты пайдалану және су ресурстары, климаттың өзгеруі, тұрақты өндіру және тұтыну) «Планета» жұмыс тобын басқарады.

Аталған ведомствааралық топтардың отырысын әр тоқсанда бір рет өткізу жоспарлануда. Негізгі мақсаттары: Қазақстанда ОДМ одан әрі жету бойынша ұстанымдар әзірлеу, ОДМ жету бойынша пікір алмасу, халықаралық ұйымдардан техникалық көмек көрсетуді тарту және мемлекеттік және жеке сектор тарапынан қаржылық қолдау сұрақтарын талқылау болып табылады.

Энергетика министрлігімен «Планета» жұмыс тобының құрамы мемлекеттік органдар, халықаралық және үкіметтік емес ұйымдар 25 өкілінен тұратын   әзірленді (Энергетика Министрінің 2018 жылғы 1 қазандағы  № 398 бұйрығы). 2018 -2019 жылдарға арналған Жұмыс тобының отырысын өткізу графигі бекітілді.

Ағымдағы жылы ҚР Премьер-Министрі Орынбасарының төрағалығымен Үйлестіру кеңесін өткізу жоспарланып отырғанын және 2019 жылдың шілде айында Қазақстан өз еркімен Орнықты даму мақсаттары бойынша ұлттық шолу ұсынуы жоспарланып отыр атап өткен жөн.

Дереккөз: www.24.kz

Шығыс Қазақстан облысында бал экспортын еселеп арттыру көзделіп отыр, деп хабарлайды «Хабар 24».

Айта кету керек, еліміздегі бал өнімдерінің 75 пайызы осы өлкеде өндіріледі. Жалпы жылына аймақта 2 мың тоннаға жуық тәтті жиналса, осының тең жартысы шет елдерге шығарылады екен. Енді бұл көрсеткіш бұдан да өседі деп жоспарлануда. Өйткені аймақтағы кейбір омарта шаруашылықтары экспорттаушылар тізіміне еніп отыр. «Бұл тауар тасымалдауды жеңілдетіп, құжаттар қатарын азайтады», – дейді шаруалар. Мәселен, 20-дан астам омартасы бар ірі ара шаруашылығы осыған дейін көршілес Қытай еліне 30 тоннаға жуық бал өткізіп келіпті. Енді оны 10 есеге арттырмақ. Қазір бұл тұрғыда алдын ала келісімшарттар да жасалған. Тіпті қарашаның басында өтетін Шанхай халықаралық сауда көрмесіне сынама ретінде 90 келіге жуық бал жіберілді.

Валерий Қасымбаев, омарта шаруашылығының жетекшісі:

– Бал экспортын мың тоннаға дейін жеткізуге болады, ол үшін толық мүмкіндік бар. Қытай елі біздің өлкенің балын өте жоғары бағалайды.Тек өз тарапымыздан бұл салада инновациялық технологияны жиі пайдалануымыз керек. Біз осы экспорт әлеуетін арттыру мақсатында балды өңдеп, оны белгілі талаптарға сай сұрыптайтын автоматты қондырғылар сатып алдық, енді шаруашылықта соны қолданатын боламыз.

Дереккөз: www.energo.gov.kz

2018 жылдың 22-23 қазан аралығында Братислава қаласында Экономикалық ынтымақтастық және даму ұйымы «Жасыл экономика» жөніндегі іс-қимылдар бағдарламасынның Арнайы жұмыс тобының кезекті жиналысында ҚР Энергетика Вице-министрі – Сәбит Нұрлыбай «Қазақстанда экологиялық орнықты, төмен көміртекті, энергетикалық секторын дамыту» тақырыбында баяндамамен сөз сөйледі.

Арнайы жұмыс тобының жиналысына сонымен қатар ҚР Энергетика министрлігі «Жасыл экономика департаментінің директоры, «ССДО»АҚ өкілдері және «ӨКМ» ЖШС  қатысты.

Дереккөз: www.24.kz

Биыл Қарағанды облысында алғаш рет енгізілген егістік алқаптарды цифрландыру жүйесі өнімділікті 50 пайызға арттырды.

«Ауыл-шаруашылығын цифрландыру» бағдарламасын  Нұра және Осакаров аудандарының диқандары жүзеге асырды.Нәтижесінде сынақ түрінде егілген алқаптардан өнім әр гектарына 40-60 центнерден жиналды. Қарағандылық фермерлердің айтуынша, сандық технология ең әуелі еңбек өнімділігін арттырып, материалдық шығындар мен  қаржы үнемдеуге мол мүмкіндік берген. Мысалы, тыңайтқыш, гербицид, жанар-жағармай аз жұмсалған. Енді олар келешекте барлық егін-жайды цифрлық жүйеге көшіруді жоспарлап отыр. Еліміз бойынша егістік алқаптарға сандық технологияны енгізген 9 шаруашылық болса, соның екеуі Қарағанды облысында. Бұл алқаптарда жердің температурасы мен ылғалдылығын көрсететін метео-станциялар да  орнатылған.

Болат Омарбаев, облыстық ауылшаруашылық басқармасының бас маманы:

– Цифрлық технологияларды енгізгеннен кейін шаруашылықтардың жұмысы өте жеңілдеді. Ол тек қана өнімділікті арттырып қана қоймай жанар жағар майға жіберілген шығынды 20 пайызға азайтты. Биылғы жылы екі шаруашылықта цифрландыру енгізіліп жатса келесі жылы бес шаруашылықты енгізу жоспарланып отыр.

Источник: www.energo.gov.kz

Ағымдағы жылғы 18 қазанда Брюссельде Қазақстан Республикасының Президенті Н.Назарбаевтың қатысуымен өткен «Азия-Еуропа» форумы (AСEM) шеңберіндегі ҚР Энергетика министрі Қ.Бозымбаевтың бизнес өкілдерімен кездесуінде ҚР Энергетика министрлігі, ЕҚҚДБ және «Номад Солар» ЖШС арасында «Қызылорда облысының Жалағаш ауданында қуаты 28 МВт КЭС құрылысы» жобасы бойынша ынтымақтастық және қолдау туралы келісімге қол қойылды.

Жоба Жалағаш-Қызылорда облысындағы Жалағаш ауданы маңында «Номад» күн электр станциясын (КЭС) салуды көздейді, ол Қазақстанның энергетикалық теңгеріміне күн энергиясын өндіру үшін 28 МВт қуаттылықты орнатады.

Жобаның жалпы құны 46,7 млн. АҚШ долларын құрайды.

Осы келісім аясында ЕҚҚДБ осы КЭС-ті салу үшін 13 жыл мерзімге 35 млн. АҚШ долларына дейінгі мөлшерде несие береді.

КЭС-ті Total EREN SA (Франция) және AccessPowerLimited (Біріккен Араб Әмірліктері) компаниялары салатын болады. Бұл жобаны іске асыру жылына CO2 шығарындыларының кемінде 47,8 мың тоннаға азаюына әкеледі деп күтілуде, бұл жергілікті көмір электр станцияларының 10 МВт қуаттылығымен шығарындылар көлеміне сәйкес келеді (күн электр станцияларының тиімділігі көмір электр станцияларына қарағанда аз).

Сондай-ақ, КЭС-ті іске асыру еліміздің стратегиялық құжаттары көздейтін жаңартылатын энергия көздері саласындағы мақсатты индикаторларға қол жеткізуге үлесін қосады, өңірде қосымша «жасыл» жұмыс орындарын құруға және шетелдік инвестицияларды тартуға мүмкіндік береді.

ҚР ЭМ «Қоршаған ортаны қорғаудың ақпараттық-талдау орталығы» ШЖҚ РМК 2018 жылғы        қазанның 17-нен 19-на дейінгі мерзім аралығында қоршаған ортаны қорғау және табиғатты пайдалану саласындағы мамандар үшін Астана қаласында «Парниктік газдарды түгендеу»  тақырыбына оқыту семинарын өткізді.

       Семинарға қатысушылар келесі ұйымдар өкілдері: «Маңғыстау облысының табиғи ресурстар және табиғат пайдалануды реттеу басқармасы» ММ; «ҚазМұнайГаз» өндіру және бұрғылау технологиясының  ғылыми-зерттеу институты» ЖШС Атырау қаласындағы «Каспиймұнайгаз» филиалы; «Kazakhstan Innovations» ҚҚ; «ЭКОСЕРВИС-С» ЖШС.

Семинарда келесі сұрақтар қарастырылды:

• Парниктік газдар шығарындылары мен оны жою саласындағы мемлекеттік реттеу;
• Қазақстан Республикасында парниктік газдар шығарындыларына арналған сауда-саттық жүйесінің жұмысы;
• Автоматтандырылған мониторинг жүйесі;
• Профилактикалық бақылау (мемлекеттік бақылауға енгізілген өзгерістер);
• Парниктік газдар шығарындыларына квоталар бөлу;
• ПГ шығарындылары саласындағы есеп және ПГ шығарындыларына квотаның өзгеруі;
• Климаттың өзгеруіне байланысты тұрақты даму мақсаттары мен көрсеткіштері.

Дәріс оқығандар:

Галиева Гулмира Макмутовна –  ҚР ЭМ Климаттың өзгеруі департаментінің басшысы;

Токтасынова Тоты Клышбековна – ҚР ЭМ ЭРБК бас сарапшысы;

Кондратенко Михаил Геннадьевич – ҚР ЭМ «ҚОҚ АТО» ШЖҚ РМК Ақпараттық технологиялар департаменті директоры;

Садвокасова Алия Малаевна – ҚР ЭМ «ҚОҚ АТО» ШЖҚ РМК МЭАҚД басқарма басшысы;

Букенова Саида Бекбулатовна – ҚР ЭМ «ҚОҚ АТО» ШЖҚ РМК Ақпараттық технологиялар департаментінің Қалдықтар кадастры басқармасының басшысы;

Сергазина Гульмира Халеловна – АҚ «Жасыл Даму» бас директордың орынбасары;

Абдрахманова Жанара Беркутовна – ҚР ЭМ ЭРБК бас сарапшысы;

Есекина Айман Сериковна – «Жасыл Даму» АҚ Ұлттық квота сауда жүйесін реттеу бөлімінің бас маманы.

Семинар соңында тыңдаушыларға куәліктер табыс етілді.

Дереккөз: www.energo.gov.kz

Қазақстан Республикасының Президенті Н.Назарбаевтың Финляндия Республикасына сапары шеңберінде ағымдағы жылғы 16-17 қазанда Қазақстан Республикасының Энергетика министрлігі тарапынан бірқатар халықаралық құжаттарға қол қойылды:

1. Қазақстан Республикасының Энергетика министрлігі, Финляндияның Экономикалық даму және жұмыспен қамту министрлігі мен Финляндия Қоршаған ортаны қорғау министрлігі арасындағы энергия және жасыл экономика саласындағы стратегиялық әріптестік жөніндегі өзара түсіністік туралы меморандум. Меморандумның мақсаты теңдік пен өзара тиімділік қағидаларына негізделген энергетика және жасыл экономика саласындағы екі жақты ынтымақтастықты нығайту және дамыту болып табылады.

2. Бұл меморандумның мақсаты биоэкономика, биоэнергия, биоотын, биоматериалдардан жасалған өнімдер, энергия тиімділігі, қалдықтарды кәдеге жарату, индекстеу және өңдеу, сондай-ақ ядролық қауіпсіздік және Қазақстандағы өнеркәсіпті дамытуға арналған форсайттық зерттеулер саласындағы екіжақты ынтымақтастықты дамыту болып табылады;

3. Қазақстан Республикасы Энергетика министрлігі, Батыс Қазақстан облысының әкімдігі және «ICM Recycling» консорциумы арасындағы ынтымақтастық туралы келісім. 2021-23 жылдарда полигонды дұрыс пайдалану арқылы биогаз қондырғысының құрылысы күтілуде. Қазіргі уақытта қағаз және пластик қалдықтары әрі қарай өңдеу үшін сұрыпталып жатыр. Қуаттылығы жылына 100 мың тонна болатын қалдықтарды сұрыптау кешенін салу жұмыстары басталды. Кешенді іске қосу ағымдағы жылғы желтоқсанға жоспарланған;

4. Қазақстан Республикасының Энергетика министрлігі мен SETCleanTech арасындағы ынтымақтастық туралы меморандум. Меморандумның мақсаты қатты тұрмыстық қалдықтарды кәдеге жарату және Қазақстан Республикасындағы жаңартылатын энергия көздерін пайдалану жөніндегі жобалар шеңберінде ақпарат алмасу, сондай-ақ Қазақстан Республикасының қатты қалдықтар және жаңартылатын энергия көздері саласындағы заңнамасын жетілдіру бойынша консультациялық көмек көрсету болып табылады;

5. Қазақстан Республикасының Энергетика министрлігі мен «Wartsilia» компаниясы арасындағы ынтымақтастық туралы меморандум. Келісімнің мақсаты – Түркістан қаласындағы электр энергиясының маневрлік қуатын арттыруға мүмкіндік беретін бу-газ қондырғыларына газды пайдалану туралы Қазақстан Республикасының оңтүстік аймағында ынтымақтастықты дамыту.

Бұл сапар екіжақты ынтымақтастықты сапалы жаңа деңгейге көтеруге бағытталған маңызды сыртқы саяси іс-шара болып табылады.

ҚРЭнергетика министрлігінің баспасөз қызметі

Дереккөз: www.energo.gov.kz

Дереккөз: www.energo.gov.kz

2018 жылы 23 қазанда Алматыдағы «Атакент» ҚІСО Орталық Азиядағы энергетика саласындағы ең негізгі іскерлік оқиғалардың бірі – «Энергетика, Электротехника және Энергетикалық машина құрылысы» – Powerexpo Almaty 2018 17-ші Халықаралық Қазақстандық көрмесі өз жұмысын бастайды.
Үш күн ішінде көрмеде мамандардың назарына кабельдік-өткізу өнімдері, электротехникалық, жарық техникалық, конденсаторлық жабдықтар, бақылау-өлшеу аспаптары, монтаждау құралдары, гидроэнергетикадағы және заманауи энергетикалық кешендер құрылысындағы заманауи технологиялар, сонымен қатар энергетикалық салаға арналған қызметтердің түрлері ұсынылады.
Жыл сайын Powerexpo Almaty экспоненттердің санының тұрақты өсуі мен шетелдік компаниялар тарапынан қызығушылықтың артуын көрсетеді. 2018 жылы көрмедегі тауарлар мен қызметтерді Австрия, Әзірбайджан, Беларусь, Германия, Италия, Қазақстан, Қытай, Ресей, Түркия, Украина, Өзбекстан, Чехия сияқты 12 елден келген 80 астам компания ұсынады. 20 астам кәсіпорын Германия мен Қытай ұлттық стендтерін ұсынбақ.
Powerexpo Almaty көрмесінің 30% астам қатысушыларын Alageum Electric, Savoir Faire, VALSA, Астана электротехникалық зауыты, Бреслер СҮ, КЭМОНТ, Өскемен конденсатор зауыты, Силумин-Восток, Электросервис ӨФ, ЭНСТО Қазақстан және тағы басқа жетекші қазақстандық компаниялар құрайды.
Baku Cable Goknur (Азербайджан), Lampar SRL (Италия), KMB Systems (Чехия), Omicron Electronics GmbH (Австрия), Sieyuan Electric co., LTD (Қытай), Tyco Electronics Raychem GmbH (Германия), Untel Kablolari Sanayi ve Ticaret AS (Түркия), МИР ҒӨБ, Свердлов ток трансформаторы зауыты (Ресей) және т.б. шетелдік тәжірибелерімен бөлісетін болады. Чуваш Республикасының ұжымдық стенді өз өңірінің кәсіпорынын ұсынбақ.
Осы жылғы көрменің дебютанттары – Cyber Power Systems, Kabel Tech Energy, KMB Systems, NTE, UGS, Untel Kablolari Sanayi ve Ticaret AS, Volta Macchine, Ай-Тор, Джистар, Қазақ техникалық даму институты, Кисан, Пермспецкабель ӨКФ, Сумгаит технологиялық паркі.
Бүгінде Қазақстан Астанда өткен ЭКСПО-2017 ұсынылған энергия үнемдеу технологиясын енгізу жолымен, отын-энергетикалық ресурстарды тұтынуды оңтайландырып, табиғатты қорғау қызметінің тиімділігін арттырып және «жасыл» инфрақұрылым жасай отырып, біртіндеп «жасыл экономикаға» өтуді іске асыруда.
Республикадағы жел және күн бойынша едәуір ресурстық әлеуеттің болу факторын, ұдайы техникалық прогрестің және жасыл энергетикадағы жабдық құнының төмендеуін ескере отырып, Powerexpo Almaty 2018 көрмесі өзекті проблемаларды кеңінен талқылау, жаңа технологиялардың тұсаукесерлері мен тәжірибе алмасудың арқасында энергетика саласындағы отандық өндіруші компаниялардың және шаруашылық етуші субъектілерінің әлеуетін ашады және күшейтеді.
Көрменің кәсіби дайындығы мамандарға энергия үнемдеу саласындағы заманауи үрдістермен, энергия тиімділігін арттыруға арналған жаңа құралдармен танысуға, энергия тұтыну мәдени саласындағы біліммен және зерттемелермен алмасуға және тұрғындар мен бизнес үшін энергия ресурстарының ұтымды баға саясатын қамтамасыз етуге мүмкіндік береді.
Powerexpo Almaty 2018 іскерлік бағдарламасы тақырыптық дөңгелек үстелдерді, іскерлік кездесулерді және семинарларды қамтиды, мәселен, 23 қазанда семинарды ЛАПП Қазақстан және Alageum Electric компаниялары өткізеді, 24 қазанда іскерлік бағдарламаны Электроприбор компаниясы мен МИР ҒӨБ жалғастырады, ал Қазақстандық Энергоаудиторлар Қауымдастығы энергоаудит мәселесі бойынша кезекті білім беру семинарын өткізеді.
17 жыл бойы көрмені Iteca көрме компаниясы ITE Компаниялар тобымен (Ұлыбритания) өткізіп келе жатқандығын атап өту керек. Power Kazakhstan (қазіргі уақытта Powerexpo Almaty) көрмесі Дүниежүзілік көрме индустриясы қауымдастығының (UFI) «UFI Approved Event» белгісімен атап өтілген. Көптеген отандық және шетелдік жабдық жеткізушілер үшін Powerexpo Almaty көрмесіне қатысу бизнесті дамытудың стратегиялық перспективаларымен тікелей байланысты.
Жылы көрме «Самрұқ-Энерго» АҚ, «KEGOC» АҚ, «Алматы электр станциялары» АҚ, «Алатау Жарық Компаниясы» АҚ; жетекші халықаралық және жергілікті энергетикалық компаниялардың және электр жабдықтары мен технологияларын өндіруші компаниялардың; ӨЭК, ЖЭС, ГЭС, МАЭС; өнеркәсіптік тұтынушы кәсіпорындар энергетиктерінің және саладық мамандарының, ғылыми-зерттеу және жобалау институттарының, энергетика одақтарының және қауымдастықтарының қатысуымен өтетін болады.
Көрме өз жұмысын 23 қазанда бастап, 25 қазанға дейін жалғастырады.
сілтмесін басып, көрмеге тегін билет ала аласыз.

Дереккөз: www.energo.gov.kz

2017 жылдың 10 – 11 қазан аралығындаДушанбе қаласында (Тәжікстан Республикасы) Тәуелсіз Мемлекеттер Достастығына (ТМД) қатысушы мемлекеттердің Мемлекетаралық экологиялық кеңесінің IV отырысы өткізілді.

Аталған отырыстың шеңберінде ТМД қатысушы мемлекеттердің қоршаған ортаны қорғау саласында ынтымақтастықты нығайту бойынша проблемалық сұрақтар талқыланды, даму бағыттары бойынша пікір-таластармен алмасуы өтті.

ТМД қатысушы мемлекеттердің Мемлекетаралық экологиялық кеңесінің IV отырысында қоршаған ортаны қорғау ведомстволарының басшылары өз елдерінің биологиялық әртүрлігін, атмосфералық ауаны, жер қойнауын қорғау шеңберінде озат тәжірибелері туралы айтты. ҚР Энергетика вице-министрі С. Нұрлыбай ТМД елдерінің қоршаған ортаны қорғау саласындағы екіжақты ынтымақтастықтары туралы өзекті мәселелері, соның ішінде Жайық-Орал трансшекаралық өзенінің экожүйесін қорғау жөніндегі қазақстан-ресей  комиссиясының жұмысы туралы айтып өтті.

Сонымен бірге, Мемлекетаралық экологиялық кеңесінің мүшелері «Мемлекетаралық экологиялық кеңесінің III отырысының шешімдерін және іс-шаралар жоспарының орындалуы туралы», «Экология және қоршаған ортаны қорғау туралы кейбір сұрақтары құзырларына кіретін ТМД органдарымен әрекетті ұйымдастыру туралы» шешімдерді қабылдады. ҚР Энергетика министрлігі Экологиялық реттеу және бақылау комитеті төрағасының орынбасары З. Жолдасовтың «Қазақстан Республикасында  жаңа Экологиялық колекстін жобасын дайындау жөніндегі өткізіліп жатқан жұмыс туралы» баяндамасы тыңдалды.

Кеңестің практикалық жұмысы ретінде, тәжік тарапының су ресурстарын реттеу тәжірибесімен танысу үшін 11 қазанда қатысушылар Нурек ГЭС-на барып шықты. ТМД қатысушы мемлекеттердің Мемлекетаралық экологиялық кеңесінің регламентіне сәйкес кеңес мүшелері кеңестің төрағалығын Ресей Федерациясынан Тәжікстан Республикасына ауысу туралы шешім қабылдады. ТМД қатысушы мемлекеттердің Мемлекетаралық экологиялық кеңесінің төрағалығына Тәжікстан Республикасының Үкіметі жанындағы Қоршаған ортаны қорғау комитетінің төрағасы Ибодзода Хайрулло сайланды.