2021 жылғы 30 қыркүйекте Қазақстан Республикасының Бразилия мен Чилидегі елшілігі «он-лайн» режимде «Қазгеология «Ұлттық геологиялық барлау компаниясы» АҚ мен Чили CODELCO-Chile ұлттық компаниясы басшылары арасында іскерлік кездесу ұйымдастырды.
Қазақстандық тараптан ҚР-ның Бразилия мен Чилидегі елшісі Болат Нүсіпов, ҚР-ның Бразилия мен Чилидегі елшілігінің бірінші хатшысы Дана Қарағұлова және «Қазгеология» АҚ Басқарма төрағасы Әнуар Боранбаев қатысты.
CODELCO-Chile-ден Минералды ресурстар жөніндегі вице-президент Патрисио Вергара мырза және Халықаралық қатынастар жөніндегі корпоративтік директор Ангело Агилар мырза қатысты.
Кездесуде ұзақ мерзімді стратегиялық ынтымақтастықтың перспективалары талқыланды. Бірлескен геологиялық барлау жобаларындағы синергия және Қазақстан Республикасының аумағында сапалы геологиялық ақпарат алу ынтымақтастықтың негізі болып табылады.
Конференция қорытындысы бойынша чилидік әріптестер «Қазгеология» АҚ-мен ұзақ мерзімді негізде (бес жыл) ынтымақтастық бойынша келісім жасасу туралы шешім қабылдады.
CODELCO-Chile – Чили ұлттық мыс корпорациясы. Әлемдегі ең ірі мыс өндіруші. 2020 жылы CODELCO-Chile меншікті мыс өндірісі 1,618,018 тоннаға жетті, яғни 2019 жылмен салыстырғанда 2% өсті. Ілеспе молибден өндірісі 27 915 тоннаны құрады, бұл 2019 жылмен салыстырғанда 25%-ға көп. CODELCO-Chile кен орындарының барланған қорлары мыс өндірісін кемінде 70 жыл қамтамасыз етуге мүмкіндік береді.
Биылғы жылдың 29 қыркүйегінде Қазақстан мен Ресейдің XVII аймақаралық ынтымақтастық форумы қарсаңында ресей тарапымен бірге онлайн режимде «Жануарлар мен өсімдіктер әлемі» тақырыбында панельдік сессия өтті.
Панельдік сессия аясында тараптар трансшекаралық орман өрттерін сөндіру, орман зиянкестерімен және ауруларымен күрес, «Алтай» трансшекаралық резерваты мәселелерін талқылады. Сондай-ақ, Каспий итбалығының популяциясын сақтау мәселелері талқыланды. Қазақстан мен Ресейдің бірлескен бағдарламалары аясында осы бағыттағы зерттеулердің нәтижелері ұсынылды.
Панельдік сессия жұмысына ерекше қорғалатын табиғи аумақтарды, жануарлар мен өсімдіктер дүниесін қорғау, өсімін молайту және пайдалану саласындағы екі елдің 100-ден астам жетекші мамандары қатысты.
Панельдік сессия жұмысының қорытындысы бойынша келесі ұсыныстар әзірленді:
Трансшекаралық орман өрттерін сөндіру бойынша:
Орманды зиянкестер мен аурулардан қорғау бойынша:
Шекара маңындағы аумақтарда орман зиянкестеріне қарсы күрес шараларын ұйымдастыру және жүргізуде тәжірибе алмасу бойынша кездесулер, конференциялар мен семинарлар өткізу.
Киіктерді сақтаудағы ынтымақтастық бойынша:
Каспий итбалығының популяциясын сақтау бойынша:
Сондай-ақ, тараптар бірлескен зерттеулерді жалғастыру туралы уағдаластыққа қол жеткізді.
2021 жылғы 30 қыркүйекте “Ашық диалог” порталында «Қазақстан Республикасы Экология, геология және табиғи ресурстар министрлігінің мемлекеттік қызметтерді көрсету кезіндегі проблемалар» тақырыбында интернет-конференция өткізіледі.
Сіз келесі сілтеме бойынша өтіп, біздің сарапшыларға өз сұрақтарыңызды қоя аласыз: https://dialog.egov.kz/conference/2029
2021 жылғы 26 қыркүйекте 13 сағат 30 минутта «Қазавиаорманқорғау» РМҚК бақылаушы ұшқышы Қаскелең орманшылығы 12 орамының 6 телімінде орман өртін анықтады.
Қазіргі уақытта өртті сөндіру жұмыстарына:
– Ұлттық парктен: 60 адам, 10 бірлік техника, 1 арнайы өрт сөндіру машинасы, 4 атты адам және 3 мотоцикл;
– «Қазавиаорманқорғау» РМҚК суағар құрылғысы бар 1-сыныпты (МИ-8) тікұшақ;
– Алматы облысының ТЖД 25 адам, ТЖМ №28237 азаматтық қорғаныс бөлімінен 50 адам (полк), 9 техника, оның ішінде 1 өрт сөндіру машинасы жұмылдырылды.
Қазіргі уақытта өрттің алдын-ала ауданы 5 га орманды, оның ішінде 2 га орманмен көмкерілген.
28 қыркүйекте Қазавиаорманқорғау РМҚК МИ-8 тікұшағы суағар құрылғысымен 4 рет су құюды жүзеге асырды. Сондай-ақ, П1-00 сыртқы аспалы қондырғысынан стационарлық ыдысы бар су жеткізілді. Орман өрті ор қазу және ранцылық орман өрт сөндіру құрылғысымен сөндірілуде.
Орман өртінің түрі төменгі, тұрақты, орташа. Қазіргі уақытта жану ошағы жоқ.
Өрт сөндіруге жұмылдырылған адамдар қауіпсіздік техникасы ережелерімен танысты.
Биылғы жылғы 28 қыркүйекте Қазақстан мен Ресейдің өңіраралық ынтымақтастығының 17 форумы қарсаңында ресей тарапымен бірлесіп онлайн режимде «Трансшекаралық су объектілері» және «Климаттың өзгеруі» тақырыптары бойынша панельдік сессиялар өтті.
Панельдік сессиялар барысында трансшекаралық су ресурстарын басқару, төмен көміртекті даму, сондай-ақ климаттың өзгеруіне бейімделу саласындағы ынтымақтастық мәселелері талқыланды.
«Трансшекаралық су объектілері» тақырыбындағы панельдік сессия шеңберінде тараптар ірі өзендер (Жайық, Ертіс және басқалары) бассейндерінде зерттеулер жүргізу бойынша бірыңғай Жол картасын іске асыру, трансшекаралық сулардың су ресурстарын кешенді және ұтымды пайдалану, судың ластануын азайту, сондай-ақ су экожүйелерін сақтау бойынша бірлескен жұмыс мәселелерін талқылады.
Сонымен, тараптар трансшекаралық су объектілерінде төтенше жағдайлар туындаған жағдайда өзара жедел хабарлау тетігін жетілдіру мәселелерін талқылады.
«Климаттың өзгеруі» тақырыбындағы панельдік сессия аясында тараптар парниктік газдар шығарындыларын шектеу жөніндегі шараларды қоса алғанда, климаттың өзгеру салдарын жұмсарту, сондай-ақ қолайсыз салдарларды барынша азайта отырып, климаттың өзгеруіне бейімделу мәселелерін талқылады.
Панельдік сессия жұмысына қоршаған ортаны қорғау, су ресурстарын ұтымды пайдалану, сондай-ақ климаттың өзгеруі саласындағы екі елдің 100-ден астам жетекші мамандары қатысты.
Панельдік сессиялар жұмысының қорытындысы бойынша ұсыныстар әзірленді, сондай-ақ тараптар тұрақты байланыстарды қолдау, уағдаластықтардың орындалу барысын бақылау және белгіленген тақырыптардағы өзара тиімді жобалар мен бастамаларды қолдау туралы уағдаластыққа қол жеткізді.
Құрметті журналистер!
2021 жылғы 28-30 қыркүйекте онлайн форматында Мемлекет басшыларының қатысуымен «Экология және жасыл өсу саласындағы ынтымақтастық» тақырыбында Қазақстан мен Ресейдің XVII аймақаралық ынтымақтастық форумы өтеді.
28-29 қыркүйекте Форум аясында келесі панельдік сессиялар өтеді:
2021 жылғы 28 қыркүйек:
12:30 – 15:00 сағ. – «Климаттың өзгеруі»;
13:30-16:00 сағ. – «Трансшекаралық су нысандары»;
2021 жылғы 29 қыркүйек:
15:30-17:30 сағ. – «Жануарлар мен өсімдіктер әлемі».
Панельдік сессиялар барысында климаттың өзгеруі, төмен көміртекті даму, Жайық, Ертіс трансшекаралық өзендерінің экожүйесін сақтау, Каспий итбалығының популяциясын сақтау, киіктерді сақтаудағы ынтымақтастық мәселелері қаралады.
Форум экология, геология және табиғи ресурстар саласындағы бірлескен жобаларды іске асыруға бағытталған қатысушылар арасындағы нақты уағдаластықтарға қол жеткізу үшін халықаралық диалог алаңын құрады.
Толығырақ: https://regionalforum.kz/kz/
Барлық ниет білдірушілерді шараға қатысуға шақырамыз!
БАҚ-ты аккредиттеу 27 қыркүйек сағат 20.00-ге дейін +7 701 356 21 88; +7 775 871 53 99 телефондары арқылы қабылданады.
2021 жылғы 27 қыркүйекте ҚР Экология, геология және табиғи ресурстар министрі Серікқали Брекешев ГФР Елшісі Моника Иверсенді қабылдады.
Кездесу барысында тараптар геология, климаттың өзгеруімен күрес және экономиканы декарбонизациялау саласындағы ынтымақтастық мәселелерін талқылады.
«Елдер арасында климаттың өзгеруіне қарсы күрес саласында белсенді ынтымақтастық жүргізілуде. Біздің еліміз 2060 жылға қарай көміртегінің бейтараптығына қол жеткізуге ниетті. Осыған орай, 2060 жылға дейін көміртекті бейтараптыққа қол жеткізу жөніндегі Доктринаны әзірлеуге жәрдемдесуде халықаралық ынтымақтастық жөніндегі Германия қоғамына алғысымды білдіргім келеді», – деді Серікқали Брекешев.
Сондай-ақ, Серікқали Брекешев Қазақстан Үкіметі Германия компанияларымен бірлесіп, іске асыру үшін әлеуетті жобаларды талқылау бойынша тұрақты диалог жүргізіп жатқанын атап өтті.
«Премьер-Министрдің орынбасары Р.Склярдың төрағалығымен ай сайын Германия бизнесімен өзара іс-қимыл жөніндегі жұмыс тобының онлайн-іс-шаралары өткізіледі. Осыған байланысты Германия компанияларының озық тәжірибесін назарға ала отырып, қалдықтарды кәдеге жарату, ауыз сумен жабдықтау, сондай-ақ Арал теңізінің экологиялық жағдайын жақсарту салаларындағы инвестициялық жобаларды іске асыру бойынша неміс тарапын ынтымақтастыққа шақырғым келеді», – деп атап өтті Министр.
Өз кезегінде, Елші Моника Иверсен ханым «Жасыл Орталық Азия» өңірлік саяси диалогы шеңберіндегі бірлескен күш-жігердің маңыздылығын атап өтті, оның негізгі бағыттары климаттың өзгеру әсерін бағалау, су ресурстарын трансшекаралық басқару, қалдықтарды кәдеге жарату, Орталық Азия елдерімен алдын алу шараларын әзірлеу болып табылады.
Германия да Қазақстанның жетекші сауда серіктестерінің бірі болып табылады. Біздің елдеріміз арасындағы сауда-экономикалық қатынастар бүгінгі күні тұрақты нығайту серпінімен және федералдық және өңірлік деңгейлерде өзара іс-қимылдың жаңа мүмкіндіктерін іздестірумен сипатталады.
Құрметті достар !
Ағымдағы жылдың 28 қыркүйектен 30 қыркүйекке дейін «Ашық диалог» порталында «Қазақстан Республикасы Экология, геология және табиғи ресурстар министрлігінің мемлекеттік қызметтерді көрсету кезіндегі проблемалар» сауалнама жүргізілетінін хабарлайды.
Сауалнамаға қатысу үшін сілтеме бойынша өтуге болады https://dialog.egov.kz/surveycontroller/index#/view?id=2547
Кері байланыс біз үшін маңызды
24 қыркүйекте Қазақстан Республикасының экология, геология және табиғи ресурстар министрі С.А. Брекешев пен Қазақстан Республикасының Сыбайлас жемқорлыққа қарсы іс-қимыл агенттігі төрағасының бірінші орынбасары О.А. Бектеновтың қатысуымен экология, геология және табиғи ресурстар саласында сыбайлас жемқорлыққа қарсы іс-қимыл мәселелері бойынша бірлескен кеңес өткізілді.
Бейнеконференцбайланыс арқылы комитеттердің, құрылымдық бөлімшелердің, министрліктің аумақтық органдары мен ведомстволық бағынысты ұйымдарының, министрліктің «Адалдық алаңы» жобалық кеңсесінің басшылары қатысты.
Бірлескен кеңесте сыбайлас жемқорлық тәуекелдерінің алдын алу мәселелері, министрліктің сыбайлас жемқорлыққа қарсы іс-қимыл жөніндегі қызметі, мемлекеттік қызметтер мен бизнес-процестерді автоматтандыру, министрліктің, оның аумақтық органдары мен ведомстволық бағынысты ұйымдарының қызметінде ашықтық пен есептілікті қамтамасыз ету, мемлекеттік бақылауды жүзеге асыру кезінде мүдделер қақтығысын болдырмау мәселелері талқыланды.
Министрлік жемқорлықтың алдын алу мақсатында «Адалдық алаңы» жобалық кеңсесінің жұмысын ұйымдастырды, бүгінгі күні сыбайлас жемқорлыққа қарсы іс-қимыл жоспары іске асырылып келеді. Министрліктің Сыбайлас жемқорлық тәуекелдерінің картасы бекітілді, онда іс-шаралар мен жауапты бөлімшелер бекітілді, азаматтардың шағымдары мен өтініштеріне жедел ден қою қамтамасыз етілді.
Барлық басшылар сыбайлас жемқорлыққа қарсы шектеулерді жеке істеріне қоса тіркеу арқылы оларды сақтау туралы міндеттемелер қабылдады. Квазимемлекеттік сектор субъектілерінде Комплаенс-қызметтер құрылды, ISO 37001 стандарты енгізілуде.
«Адалдық алаңы» жобасы мемлекеттік сатып алу рәсімдерін өткізу жөніндегі комиссиялардың, тәртіптік комиссиялардың қызметіне қатысады. «Адалдық алаңы» жобасының қатысуымен су саласындағы проблемалық нысандарға мониторинг жүргізілді және 2 нысан пайдалануға берілді (Солтүстік Қазақстан облысындағы Преснов топтық су құбыры және Қарағанды облысындағы Эскулин су құбыры).
Кеңес барысында ҚР Сыбайлас жемқорлыққа қарсы іс-қимыл агенттігі төрағасының бірінші орынбасары О.Бектенов рұқсат беру және бақылау-қадағалау функцияларын жүзеге асыру кезінде аумақтық департаменттер мен инспекциялардың қызметіндегі сыбайлас жемқорлық тәуекелдерін жою бойынша проблемалық мәселелерге назар аударды. Сондай-ақ сыбайлас жемқорлыққа бару себептерін жою бойынша ұсынымдар берді. Қажет жағдайда Агенттік көмек көрсетуге дайын екендігін жеткізді.
Кеңес қорытындысы бойынша министр С.А. Брекешев барлық деңгейдегі басшыларға сеніп тапсырылған учаскелердегі қызметкерлер арасында сыбайлас жемқорлық көріністерінің алдын алу бойынша жұмысты күшейтуді, оның ішінде сыбайлас жемқорлыққа қарсы іс-қимыл туралы Заңның талаптарын және барлық деңгейдегі басшылар қабылдаған сыбайлас жемқорлыққа қарсы шектеулерді сақтау туралы міндеттемелерді мүлтіксіз сақтау, ашықтық пен есептілікті қамтамасыз ету, «Адалдық алаңы» жобалық кеңсесі тарапынан қоғамдық мониторингті тарту, мемлекеттік бақылауды жүзеге асыру кезінде тексеру объектісіне бару және мемлекеттік қызметтер көрсету арқылы тікелей байланысты болдырмау мақсатында ішкі бизнес-процестерді автоматтандыруды тапсырды.
Дерек көз – gov.kz
2021 жылғы 23 қыркүйекте жалпы отырыс барысында Сенат «Каспий теңізінің теңіз ортасын қорғау жөніндегі негіздемелік конвенцияның трансшекаралық контекстінде қоршаған ортаға әсерді бағалау жөніндегі хаттаманы ратификациялау туралы» заңды қабылдады.
Министр Серікқали Брекешев заң жобасын палатаның жалпы отырысында таныстыра отырып: «Каспий теңізінде көмірсутегі шикізатының ірі қорының болуы су қоймасының экологиясы мен биологиялық ресурстарын сақтау мәселесін өзекті етеді. Қоршаған ортаны қорғау саласындағы ынтымақтастықтың шарттық базасын кеңейту мақсатында Қазақстан Негіздемелік конвенцияға бірқатар хаттамаларға қол қойды. Солардың бірі – 2018 жылғы 20 шілдедегі Мәскеуде Каспий маңы мемлекеттері: Әзірбайжан Республикасы, Иран Ислам Республикасы, Ресей Федерациясы, Түрікменстан және Қазақстан Республикасы қол қойған трансшекаралық контексте қоршаған ортаға әсерді бағалау туралы Хаттама», – деп атап өтті.
Хаттаманың реттелуі мынандай қызмет түрлерін анықтады: мұнай өңдеу зауыттары; жылу қуаты 300 мегаватт немесе одан жоғары жылу электр станциялары мен басқа да жану қондырғылары; атом электр станциялары мен басқа да атом реакторлары; автомобиль жолдарын салу, реконструкциялау және басқада қызмет түрлері.
Министр Конвенцияның ережелерін іске асыру үшін 2021 жылғы 1 шілдеде күшіне енген ҚР Экологиялық кодексінде қоршаған ортаға трансшекаралық әсерлерді реттеу, оларды жүргізу тәртібі, құқықтары мен міндеттері бекітілгенін еске салды.
«Қазақстанның трансшекаралық әсерлердің пайда болуы тарапы ретінде қатысуы кезінде қоршаған ортаға әсерді бағалау рәсімі ел ішінде де, зардап шеккен тараптармен де қатар жүргізіледі. Мысалы, Каспийде жаңа объектілер салынған жағдайда қоршаған ортаға әсерді бағалау материалдары тиісті әкімшілік-аумақтық бірліктердің жергілікті атқарушы органдарына және мүдделі мемлекеттік органдарға, сондай-ақ зардап шеккен тараптардың уәкілетті органдарына қатар жіберіледі. Қоршаған ортаға әсерді бағалау хаттамасында және ҚР Экологиялық Кодексінің 81-бабының 7-тармағында айқындалған, қозғалатын тараптардың органдарымен консультацияларды ескере отырып, трансшекаралық контексте қоршаған ортаға әсерді бағалауды өткізу мерзімі шамамен 6 айды құрайды», – деп толықтырды министр.
Қоғамдық тыңдауларда көтерілген мәселелер бойынша түпкілікті шешімді қоршаған ортаны қорғау саласындағы уәкілетті орган қажет болған жағдайда мүдделі мемлекеттік және мемлекеттік емес органдарды тарта отырып қабылдайды.
Дерек көз – gov.kz