Дереккөз: 24.kz

ШҚО ТЖД ҚАР КӨШКІНІ ХАБАР 24 СОНДАЙ-АҚ… Алматыдағы ұшақ апатынан қаза болғандар саны 15-ке жетті Алматыдағы ұшақ апаты: куәгер оқиғаның қалай болғанын айтып берді Алматыдағы ұшақ апаты: ауруханаға түскен 5 азаматтың жағдайы ауыр Алматыдағы ұшақ апаты: құтқару жұмыстары жалғасуда Дариға Назарбаева Алматыдағы ұшақ апатына байланысты көңіл айтты Еліміздің шығысында қар көшу қаупіне байланысты ТЖД шаралар қолданды 20:55, 26.12.2019 54 UPD: 21:49, 26.12.2019 Шығыс Қазақстанда соңғы 10 тәулік бойы қар толассыз  жауып тұр. Қазір кей аймақтардағы ақ ұлпаның қалыңдығы белуарға дейін жетеді. Таулы беткейде көшкін жүруі мүмкін. Осыдан қауіптенген селден қорғау мекемесінің мамандары мен төтенше жағдайлар қызметі қабақтағы қарды жарып, құлатуға кірісті.

Қауіпті аумақтардағы қардың қалыңдығын есептеу үшін арнайы таяқша белгілер орнатылады. Сол бойынша күнделікті 22 бақылаушы мәліметті орталыққа жеткізіп отырады. Көшкін  жүруі мүмкін аумақтардағы қар жасанды жарылыс арқылы түсіріледі.

Омар Дүзгінбаев, «Қазселденқорғау» ММ облыстық филиалының жетекшісі:

– Күнделікті бақылаушылар қардың қалыңдығын бізге орталық диспичерге беріп  тұрады. Бүгінгі күнге дейін 6  жару жұмыстарын өткізіп, жалпы көлімі 10 мыңнан аса текше метр қарды құлатып түсірдік. 

Биылдан бастап төтенше жағдайлар қызметкерлері жарылыс жасалатын жерді әуелі дрон арқылы көріп алады. Бұл мамандардың жарылғыш заттарды тау басына шығару кезіндегі қауіпсіздігінің кепілі . Өйткені биік тауда  өздігінен түсетін қар көшкіні көп болады.

Қуаныш Есенбаев, облыстық ТЖД бас құтқарушысы:

– Қардың қалыңдығы мөлшермен осы техника арқылы көріп, мына экраннан көрсетеді. Қанша екенін. Сонымен зерттеп  байқаймыз.

– Бұрынғы кезде бәрі қолмен адамдар өздері шығып қаншама уақыт айналады. Ол жер қолайсыз. Басқа жерге бару керек. Соның  бәрі  көп уақыт алатын. Қазір техниканың көмегімен үнемді, уақыт пайдаланамыз.

Жалпы  аймақта қар көшкіні болатын 336 аумақ  бар. Ол жерлерде елді мекен мен  демалыс орындары және автокөлік жолдары бар.

Олжас Керейхан, тілші:

– Бұл Өскемен-Алтай ауданы автокөлік жолның 32-шақырымы. Екі жағы құз беткейдегі кей жерлердегі қардың қалыңдығы 1 метрге дейін жетеді. Сондықтан үнемі бақылауда болдады. Ал қыста бұл жерде қар жасанды жолмен түсіріледі. 

Былтыр аймақта қар аз болды. Бірақ соның өзінде 50-ге жуық жарылыс жасалып, 100 мың текше метр қар түсірілген. Биыл желтоқсан айындағы қардың мөлшері  кейбір жерлерде 80 сантиметрге жетіп қалды. Ал алда қаһарлы қаңтар мен ақ түтек бораны бар ақпан бар.

Дереккөз: 24.kz

Шығыс Қазақстан облысында осы айдың басынан бастап қылқан жапырақты орманды қорғау шаралары күшейтілді.

Өйткені келе жатқан жаңа жыл мерекесі қарсаңында жасыл желекті отаушылар қатарының артатыны жасырын емес. Шыршаларды табиғат қаскүнемдерінен сақтау үшін орманнан шығатын жолдарға арнайы бекеттер қойылды. Рұқсатсыз орман сұлуын отаған азаматтар әкімшілік жауакершілікке тартылмақ. Олар заңсыз әрекеттері үшін 10 айлық есептік көрсеткішке дейін айыппұл төлеуі мүмкін. Бұнымен қатар келтірілген шығын көлемін де өтейді. Әзірге өңірде браконьерлік іс тіркелген жоқ. Ал мерекелік шаралар үшін белгілі бір шырша мөлшері қарастырылған.

Арман Есентаев, облыстық табиғи ресурстар және табиғатты қолдануды реттеу басқармасы басшысының орынбасары:

– 18 желтоқсан күнгі жағдайға 880 шырша берілген, оның ішінде 344 шырша берілді, дайындалды, ол шыршалар мәдени іс-шараларды өткізу үшін мектептерге, балабақшаларға оқыту мекемелерге берілген.

Источник: inform.kz

НҰР-СҰЛТАН. ҚазАқпарат – Жоңғар-Алатау мемлекеттік ұлттық табиғи паркі аумағында ғалымдар ілбісті (қар барысы) фототұзаққа түсірді, деп хабарлайды ҚазАқпарат тілшісі.

Бұл туралы Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook-тегі парақшасында жазды

«Қазақстанда 130-150-ге жуық ілбіс (қар барысы) мекендейді.Ұлттық парктің мамандары жабайы жануарлардың саны мен қорғалуын бақылауды ескере отырып фототұзақтар орнатуда. Биыл Жоңғар-Алатау ұлттық саябағында ілбіс камера объективіне 5 рет ілікті. Соңғы кадрлар 2019 жылдың қарашасында түсірілген», – деді Сәкен Ділдахмет.

Оның айтуынша, бұл суреттердің бәрі жануарларды сақтауға бағытталған шаралардың нәтижесі.

Дереккөз: 24.kz

Израиль қалдықтарды кәдеге жаратудың тың тәсілдерін ойлап тауып, жаңа технология енгізуде . Енді мұнда кәріз қалдықтарын қайта өңдеу нәтижесінде қағаз алатын болған.

Бұл өнеркәсіптік қондырғы үлкен ауылдың тазалау құрылымының бірінде орналасқан. Ол бизнес үшін де, жергілікті билік үшін де тиімді болып отыр. Өйткені ауыл басшылығы кәріз қалдықтарын өңдеу үшін алаңдамайды. Ал технологияны ойлап тапқан компания өкілдері шикізат көзіне қатысты бас қатырмайды. 

Рафаэль, Ахарон жобаның бас инженері:

– Технология былай жұмыс істейді: біз кәріз қалдықтарынан қатты заттарды бөліп аламыз. Олардан шикізат дайындаймыз. Ол қағаз не энергия өндірісі үшін жаратуға жарамды. Шикізат үшін көп ақша шығындамағандықтан, жоба өзінің тиімділігін көрсетіп отыр. 

a түйіршіктерден кейін қағаз жасалады. Материалдың бір бөлігі энергия өндіру үшін қолданылады. Сөйтіп электр энергиясы шығындалмайды десе де болады. Жылу да кетпейді. Өйткені жағу кезінде бұл түйіршіктер жылудың үлкен мөлшерін бөледі екен. 

Рафаэль Ахарон, жобаның бас инженері:

– Бәрі қайта өңдеу дәрежесіне байланысты. Егер бұл көрсеткіш 50 процент шамасында болса, онда сіз қатты қағазды аласыз. 70 процент кезінде – қатырма қағаз, ал 100 процент кезінде – графикалық қағаз жасап шығарылады. 

Израильде қоқысты қайта өңдеу ұлттық жобаға айналған. Өйткені шағын мемлекет үшін қалдықтарды сақтау маңызды мәселенің бірі. Мәселен, Тель-Авивтегі басты өңдеуші кәсіпорында қоқысты судың көмегімен бөлу технологиясы кеңінен қолданылуда. Сонда қағаз не пластик секілді жеңіл заттар су бетіне қалқып шығады. Органикалық заттар ортасында қалады да, металл суға батып кетеді. Жалпы, елде қалдықтарды қайта өңдеумен үкімет емес, кәсіпкерлер айналысады. Сонда бизнесмендер ақша табады. Ал билік стандарттардың сақталуын қадағалап, инновацияларға салықтық жеңілдіктер жасайды.  Израильдік жүйенің ең басты артықшылығы осы дейді сарапшылар. 

Дереккөз: 24.kz

Ақмола облысында 1 жарым мыңнан астам заңсыз қоқыс төгілген орын бар. Бұған жергілікті экологтар ғарыштан түсірілген фотолар арқылы көз жеткізген.

Алайда әуеден бақылау әзірге тек облыс орталығы мен елорда маңындағы 50 шақырым радиустағы аумақты ғана қамтиды. Бірақ, қолда бар деректердің өзі көңілді күпті етеді. Мәселен, Көкшетау қаласының маңайында 200-ден астам жерде күл-қоқыс шашылып жатыр. Мұндай жағдайлар тіпті жеке аулаларда да кездеседі екен. Өйткені тұрмыстық қалдықтарды қабылдайтын арнайы орындар ақылы болған соң тұрғындар қала сыртындағы ой-шұқырларға, кейде тіпті ойына келген жерлерге қоқыс төгіп кете береді. Мамандар, ондай заңбұзушылықтар бойынша жергілікті билік өкілдеріне хат жолдаған. Алайда әкімдіктегілер бұл проблеманы әзірге тек сенбіліктердің көмегімен ғана шешіп отырмыз дейді. Себебі оған арнайы қаржы қарастырылмаған. 

Нұрбек Хамитов, облыстық мемлекеттік экологиялық инспектор:

– Бұл заңсыз қоқыс орны бойынша экология департаменті облыстық және қалалық әкімдіктерге шамамен осыдан бір ай бұрын арнайы хат жолдады. Олар жыл соңына дейін бұл жердегі күл-қоқысты заңды орынға апарып тастаулары тиіс. Олай болмаған жағдайда тиісті шара қолданылады. 

Ольга Полянная, облыстық ТҮКШ және энергетика басқармасының бас маманы:

– Аудандық және қалалық әкімдіктердің берген мәліметі бойынша биыл аймақтағы 622 елді мекеннің 415-інде сенбіліктер ұйымдастырылып, нәтижесінде 174 қоқыс жиналған орын тазаланды. Ол жерлерден 160 мың текше метр күл-қоқыс шығарылған.

Дереккөз: 24.kz

Атырауда облыстық орман шаруашылығы және жануарлар дүниесі аумақтық инспекциясының ұйымдастыруымен өзен суын кешенді тексеру басталды, деп хабарлайды «Хабар 24».

«Эко-акция» шарасына басты мақсаты былтырғыдай балық қырғынына жол бермеу және облыстағы су қоймаларының тазалығына талдау жасау», – дейді мамандар.

Алдымен ат басын тірегеніміз – Атырау су арнасы мекемесінің су алу және пайдаланған суды өзенге ағызу бекеті. Облыс тұрғындары мен өндіріс орындары аталған мекеме арқылы тәулігіне 90 мың текше метр су пайдаланады.Тіршілік нәрі осы арада тазартылып құбырлар арқылы тұтынушыға жетеді. Былтыр Жайық өзенінде орын алған балықтардың жаппай қырылуына себеп болған да осы мекеме еді. Салдарынан 123 тоннадан астам су маржаны текке рәсуа болды. Осы оқыс оқиғадан кейін барлық құзырлы мекемелер су сапасын үнемі бақылауда ұстап келеді.

Темірлан Темірбеков; «Қазгидромет» Р МКинженері:

– Бұл іс-шара апта сайын жоспардан тыс бақыланады. Және де мониторинг жүргізіледі. Су құрамында аса ірі мөлшерде өзгерістер жоқ. Қыс мезгілінде судың салқындауына байланысты болмаса, қатты өзгешелік байқалған жоқ.

Рейд барысында өзен суынан микробиологиялық, химиялық сынамалар алынды. Сынама арнайы зертханада тексеріліп, табиғат пайдаланушыларға тиісті нұсқау беріледі. Негізгі жұмыс орман шаруашылығы жануарлар дүниесі аумақтық инспекциясының үйлестіруімен жүзеге асуда.

Мәншүк Темешова, ихтиологиялық мониторинг және балық аулауды реттеу бөлімінің басшысы:

– Мақсат – былтырғыдай балық апатының алдын алу. Ол үшін рейдтік іс-шаралар жиі өтуі тиіс. Сондай-ақ, алда барлық қадағалаушы органдар бірлесіп, өзен суына гидрохимиялық мониторинг жасаймыз.

Жайық суын пайдаланушылардың бірі – Атырау мұнай өңдеу зауыты. Кәсіпорын тәулігіне 18 мың текше метрге жуық су алады. Рейдтік іс-шара барысында зауыттың су алу бекетінен де сынамалар алынды. Оның қортындысы бір аптадан соң жарияланады. Осылайша өзен суын бақылау жыл бойы жалғасатын болады.

Дереккөз: inform.kz

НҰР-СҰЛТАН. ҚазАқпарат – Шарын мемлекеттік ұлттық табиғи паркінің мамандары жабайы аңдарды тіркеу барысында Үлкен Бұғұтты тауының маңындағы фототұзаққа Түркістан сілеусіні түсіп қалған, деп хабарлайды ҚазАқпарат тілшісі.

Видеоны ҚР Экология, геология және табиғи ресурстар министрлігі Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook парақшасында жариялады.

«Мысық тұқымдастардың бұл түрі Қазақстанның Қызыл кітабына енген. Қазақстан фаунасында кездесетін сілеусіннің үш түрінің біріне жатады. ХІХ ғасырдың соңында Жетісу өлкесінде сілеусіндер көп болған. Ол кездері жылына 200 сілеусін ауланатын. Өткен ғасырдың 40-50 жылдары жылына 20-30 сілеусін терісі дайындалып келген. 1976 жылы оны аулауға тыйым салынды», – дейді Сәкен Ділдахмет

Түркістан сілеусіні қары қалың жерде тіршілік етеді. Азық іздеп, біршама жерге ауып кетуі мүмкін. Түнде белсенді. Кейде жалғыз да жүре береді.

«Бір дегенде екі-үштен туады. Негізгі азығы – қоян, суыр, елік, қабан, тауешкі. Үй жануарларын да аулай береді», – деп жазады ол.

Дереккөз: inform.kz

АЛМАТЫ. ҚазАқпарат– Мемлекет басшысы Қасым-Жомарт Тоқаев Көкжайлау тау-шаңғы курортына қатысты пікір білдірді, деп хабарлайды ҚазАқпарат тілшісі.

«Қайтадан бұл мәселеге оралмас үшін, мен бүгін осы жобамен айналысуға тыйым саламын. Яғни, Көкжайлау тау-шаңғы курорты жобасымен айналысуға. Ол бізге керек емес», – деді Қасым Жомарт Тоқаев Алматы қаласын дамыту мәселелері жөніндегі кеңесте.

Сонымен қатар, Мемлекет басшысы барлық кәсіби экологтар мен білікті қоғам өкілдері жобаға қарсы екенін атап өтті.

Естеріңізге салайық, бұған дейін Қазақстан Президенті Қасым-Жомарт Тоқаев «Көкжайлау» курорттық жобасын жүзеге асыруды кейінге қалдыру туралы ұсыныс айтқан болатын.

Алматы тұрғындары енді смартфон арқылы қоқыстарынан арылып, тіпті одан пайда таба алады,  деп хабарлайды «Хабар 24»

Ай-ти мамандары жаңа мобильдік қосымшаны іске қосты. Ол арқылы енді тұрмыстық қатты қалдықтарды қоқысқа тастамай, оны қайта өндіретін компанияларға жіберетін мүмкіндік бар. Демек пластик бөтелкелерінен бастап, үйдегі ескі жиһаздар мен құрылыс қалдықтары өзіңіз қалаған бағаға сатылатын қазынаға айналмақ.

Әдетте, үйге күрделі жөндеу жұмыстарын жүргізгеннен кейін, одан шыққан тұрмыстық қалдықтарды қоқыс жәшігіне дейін жеткізуге қиналатынымыз рас. Енді арнайы техника жалдап, шығынданудың да қажеті жоқ. Бұл мәселелерді шешу үшін, алматылық ай-ти мамандары жаңа мобильді қосымша ойлап тапты. Аталған жобаны билік өкілдері де қолдап отыр.

Мақсат Қиқымов, Жетісу ауданының әкімі:

– Бізде ең үлкен мәселе – қоқыс алаңындағы қоқыс жәшіктерінің шамадан тыс толып кетуі. Әсіресе, ауыр заттарды көпшілік жәшіктің ішіне тастамайды. Ал келісімшарт бойынша, қоқыс жинайтын компания тек жәшіктің ішіндегі қоқысты алып кету керек. Ал сыртындағы қажетсіз заттарды қала тұрғындары өз қаржыларына жеткізу керек болатын. Ал енді керісінше болып отыр. Яғни тұрғындар қоқысты жәшікке жеткізбей сатып, ақша таба алады.

Әсем қаланың көркін қашырып, көшелерді ластаумен қатар экологияға орасан зиян келтіретін қоқыстарды бірден өндіріске жіберуге мүмкіндік беретін мобильдік қосымшаны құрастырған маманның бірі – Талғат Асрамқұлов. Ол эколог мамандығы бойынша білім алған.

Талғат Асранқұл, IT-платформаның негізін қалаушы:

– Мысалы, тұрғындар көбіне ескі құрылыс материалдарын қоқысқа тастайды. Ал қаланың бір түкпірінде керісінше, сондай тұрмыстық қатты қалдықтарды қабылдайтын кәсіпорындар бар. Біз оларды байланыстыратын мүмкіндік жасап отрмыз. Әрине, бір-екі пластик бөтелкесі үшін ешкім бармайды. Ал ауқымды қағазы бір бөлек, қатты заты бір бөлек сұрыпталатын болса, оны осы қосымша арқылы сатуға болады. 

Қоқысты сатып, одан пайда табудың жолы қиын емес. Алдымен қажетсіз заттарды сұрыптап, оны суретке түсіресіз. Кейін смартфондағы анықтаманы толтырып, жиналып қалған қағаздар мен пластик, керек емес жиһаз немесе құрылыс заттарын саудаға қоясыз. Бағаны да өзіңіз белгілейсіз. Ал сіздің дүниеңізді керек деп тапқан тарап өзі хабарласады. Бұл жобаға қазірдің өзінде қайта өндіру ісімен айналыс жүрген 30-ден астам кәсіпорын қызығушылық танытып отыр.

Авторлары. Алуа Маханбет, Владимир Бовкис, Нұрдәулет Жақсыбай

Дереккөз: inform.kz

НҰР-СҰЛТАН. ҚазАқпарат – Мемлекет басшысы Қасым-Жомарт Тоқаевтың елордадағы экологиялық сенбілікке қатысқаны туралы видео жарияланды, деп хабарлайды ҚазАқпарат.

Қазақстан Президенті жұртшылықпен бірге Ботаникалық бақта ағаш отырғызды. Акцияға қатысушылар арасында жастарды, ел спортшыларын, мемлекет және қала билігі органдарының басшыларын көруге болады.

Бірге атқарылған игі істен кейін Қ.Тоқаев халықпен сұхбат құрып, фотоға түсті.

Ақорданың баспасөз қызметінен мәлім еткендей, акция барысында 300 көшет отырғызылды. Жалпы бүгін елорда көшелері мен саябақтарында 5 мың ағаш егілетін болады.

Айта кетейік, Ботаникалық бақ 2018 жылы елорданың 20 жылдығы қарсаңында құрылған болатын. Ол биылғы сәуір айынан бастап келушілерге есігін айқара ашты. Бақтың жалпы аумағы 90 гектар, онда 90 мыңға жуық ағаш пен көшеттер, 600-ден астам коллекциялық өсімдік отырғызылған.

Елорданың жаңа мәдени нысанында сирек кездесетін өсімдіктердің оранжереясы, жаяу жүргіншілерге арналған көпірі бар жасанды су айдыны, веложолақ және жүгіруге арналған жолақтар бар. Бақтың жанында 141 мың шаршы метр аумаққа жасыл желек отырғызылған саябақ орналасқан. Мұнда 10 мың ағаш егілген.