Дереккөз: inform.kz

НҰР-СҰЛТАН. ҚазАқпарат – Синоптиктер 11 ақпан күні Қазақстанда ауа ластануының метеорологиялық жағдайы қандай болатынын айтты, деп хабарлайды ҚазАқпарат «Қазгидромет» РМК-ға сілтеме жасап.

Қазгидромет мәліметі бойынша Павлодар облысында ауа сапасы нашарлайды.

Қазақстанның басқа қалаларында метеожағдай қолайлы болады деп күтіледі.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.

Источник: inform.kz

НУР-СУЛТАН. КАЗИНФОРМ – В случае возникновения экологического ущерба природопользователей в Казахстане обяжут восстановить окружающую среду до первоначального уровня. Об этом заявил министр экологии, геологии и природных ресурсов РК Магзум Мирзагалиев в ходе презентации проекта нового Экологического кодекса в Мажилисе.

«Существующий экономический механизм природопользования (система платежей и их планирование) не стимулирует природопользователей на снижение уровня загрязнения окружающей среды. В связи с этим, в проекте Кодекса был предложен принцип «загрязнитель платит», который впервые был сформулирован экспертами ОЭСР в 1972 году», – сказал Магзум Мирзагалиев.

Данный принцип, как отметил министр, подразумевает меры по предотвращению загрязнения и контролю, а также ответственность за восстановление от ущерба окружающей среде.

«Таким образом, будут созданы такие условия, при которых природопользователям будет выгоднее принять все меры по недопущению негативного воздействия на окружающую среду, чем платить экологические штрафы. В случае возникновения экологического ущерба природопользователь обязан восстановить окружающую среду до первоначального уровня», – заключил глава Минэкологии.

Дереккөз: inform.kz

НҰР-СҰЛТАН. ҚазАқпарат – Қазақстанда қалдықтардың жіктеудің жаңа тетігі енгізілмек. Бұл туралы ҚР Экология, геология және табиғи ресурстар министрі Мағзұм Мырзағалиев мәлім етті, деп хабарлайды ҚазАқпарат тілшісі.

«Экологиялық кодекстің жаңа редакциясында қалдықтар қауіптілігінің 3 деңгейінен бас тартып, Еуропалық қалдықтар каталогына көшу ұсынылады. Қолданыстағы қалдықтар жіктемесінің кемшілігіне тоқталсақ, ұқсас қалдықтар кодировкасында әртүрлі түсінік беру мүмкіндігі бар. Мысалы, күлді қауіптіліктің жасыл (көмірде жұмыс істейтін энергоқондырғылардан ұшатын күл), сондай-ақ қызыл деңгейіне (күл және қалдықтар) жатқызуға болады», – деді министр Мәжілісте жаңа Экологиялық кодекс жобасын таныстыра отырып.

Еуропалық қалдықтар каталогына негізделіп ұсынылып отырған сыныптауыштың артықшылығы – ол қалдықтарды қауіптілерге және қауіпсіздерге бөлу.

«Өндіріс және тұтыну қалдықтарын басқаруды жетілдіру бойынша ұсынылып отырған шаралар түпкілікті нәтижеде стихиялық қоқыс орындарын жоюға, полигондар салуға арналған бюджет шығыстарын қысқартуға, сондай-ақ экологияға және адам денсаулығына теріс әсерін азайтуға мүмкіндік береді», – деді Мырзағалиев.

БҰҰ ЕЭК 2020 жылғы 24 қаңтарда Қазақстанды қоршаған ортаны «ластауыштардың шығарындылары мен тасымалдарының тіркелімі туралы хаттаманы (ЛШТТ туралы хаттама) ақпаратқа кіру, шешімдер қабылдау процесіне жұртшылықтың қатысуы және қоршаған ортаға қатысты мәселелер бойынша сот әділдігіне қол жеткізу туралы конвенцияны (Орхус конвенциясы) бекіту туралы» конвенцияға ратификациялаған елдердің тізіміне енгізді. Біздің еліміз ЛШТТ туралы хаттамаға қосылған отыз жетінші тарап және Орталық Азиядағы бірінші ел болды. 

ЛШТТ қоршаған ортаға ластауыш заттардың шығарындыларын реттеу, жұртшылықтың ақпаратқа қол жеткізу және қоршаған ортаның ластануына байланысты проблемаларды шешуде тиімді рөл атқару мүмкіндігі саласындағы маңызды құрал болып табылады. 

ЛШТТ – бұл ұлттық деректер базасы немесе ауаға шығарылатын, су мен топыраққа шығарылатын, қауіпті химиялық заттар мен ластаушы заттардың, сондай-ақ өңдеу немесе кәдеге жарату үшін басқа жерден шығарылған қалдықтардың тіркелімі. ЛШТТ туралы хаттамаға қосылу Қазақстанға кәсіпорындардың ластауыш заттар шығарындылары мен қалдықтардың тасымалдануы туралы ашық және тиімді есеп беруіне көмектеседі және өнеркәсіптік объектілерден және басқа да көздерден ластауыш заттарға халықтың қол жетімділігін қамтамасыз етеді. Сонымен қатар, ЛШТТ туралы хаттаманың және басқа халықаралық экологиялық конвенциялардың, климаттың өзгеруі туралы БҰҰ Негіздемелік конвенциясы, қауіпті қалдықтардың шекарааралық тасымалын бақылау және оларды жою туралы Базель конвенциясы және т.б. деректертері арасында байланыс болады. 

ЛШТТ сонымен бірге Тұрақты даму саласындағы мақсаттарына қол жеткізуді көздейді, атап айтқанда 3 (жақсы денсаулық және әл-ауқат), 6 (таза су және санитария), 9 (өнеркәсіп, инновация және инфрақұрылым), 11 (тұрақты қалалар мен елді мекендер), 12 (тұрақты тұтыну және өндіріс) және 16 (тұрақты даму мүддесінде бейбіт және ашық қоғам құруға жәрдемдесу). 

Хаттама 2003 жылғы 21 мамырда Киевте қабылданған ЛШТТ бойынша жалғыз заңдық міндетті халықаралық құжат болып табылады, ол күшіне енді және 2009 жылғы 8 қазанда өз Тараптары үшін заңды міндетті болды. 

Орхус конвенциясы және ЛШТТ туралы хаттамаға қатысты толығырақ ақпарат:  http://ecogosfond.kz/ и www.unece.org/env/pp/welcome.html.сайттарда орналастырылған. 

Дереккөз: inform.kz

НҰР-СҰЛТАН. ҚазАқпарат – ҚР Экология, геология және табиғи ресурстар министрі Мағзұм Мырзағалиев заңсыз үйілген қалдықтар проблемасын көтерді, деп хабарлайды ҚазАқпарат тілшісі.

«Тұрмыстық қатты қалдықтар полигондарының жай-күйі және стихиялық үйінділер санының өсуі де өзекті экологиялық проблема болып саналады. Ғарыш мониторингі 2018 жылы рұқсат етілмеген қоқыс үйінділерінің саны 8 600 болғанын көрсетсе, 2019 жылы олардың саны 9 200-ге жетті», – деді министр Мәжілісте жаңа Экологиялық кодекс жобасын таныстыра отырып.

Оның айтуынша, қазіргі уақытта қалдықтарды жинаумен, тасымалдаумен, қайта өңдеумен және кәдеге жаратумен айналысатын кәсіпорындар туралы толық мәліметтер жоқ. Қалдықтармен жұмыс істеу кезінде (рұқсат етілмеген қоқыс тастайтын жерлер, алдын ала залалсыздандырусыз қауіпті қалдықтарды заңсыз көму) ереже бұзу фактілері кездесуде.

Мысалы, өткен жылдары Маңғыстау, Ақтөбе, Атырау, Павлодар облыстарында, сондай-ақ Шымкент, Нұр-Сұлтан қалаларында тиісті түрде өңделмеген құрамында мұнай бар және медициналық қалдықтар табылды.

«Қолданыстағы заңнамамен қалдықтармен жұмыс істейтін кәсіпорындардың қызметі регламенттелмеген. Осыған байланысты жаңа Экологиялық кодексте қауіпті қалдықтар жөніндегі қызметті лицензиялау мен қалдықтарды жинау және тасымалдау бойынша хабарлама тәртібі көзделген. Бұл қалдықтарды жинаумен, тасымалдаумен, қайта өңдеумен және кәдеге жаратумен айналысатын мамандандырылған кәсіпорындардың тізілімін жүргізуге мүмкіндік береді»,- деп атап өтті ведомство басшысы.

Дереккөз: inform.kz

НҰР-СҰЛТАН. ҚазАқпарат – Қазақстан Республикасының Сыртқы істер министрі Мұхтар Тілеуберді Еуроодақтың Орталық Азия мен Ауғанстан үшін жаңа стратегиясын іске асыру шеңберінде Германия бастамашылық еткен климатты қорғау мәселелері жөніндегі «Жасыл Орталық Азия» аймақтық интеграциялық жобасын іске қосу жөніндегі жоғары деңгейдегі конференцияға қатысты.

Бұл туралы ҚР СІМ баспасөз қызметі хабарлады.

Іс-шараға, сондай-ақ, ЕО-ның Сыртқы істер және қауіпсіздік мәселелері жөніндегі Жоғарғы өкілі Жозеп Боррелл, Түрікменстан Вице-премьері – Сыртқы істер министрі Рашид Мередов, Қырғызстан Сыртқы істер министрі Чингиз Айдарбеков, Өзбекстан Сыртқы істер министрі Абдулазиз Камилов, Тәжікстан Сыртқы істер министрі Сироджиддин Мухриддин, Ауғанстан Сыртқы істер министрінің орынбасары Мирваис Наб, сондай-ақ халықаралық ұйымдар мен ғылыми-зерттеу институттарының өкілдері қатысты.

Конференцияны аша отырып, ГФР Сыртқы істер министрі Хайко Маас Германия үкіметінің жаңа жобасы күшейтілген трансшекаралық ынтымақтастық арқылы су ресурстарын басқаруға көмек көрсету бойынша көпжылдық «Орталық Азия үшін су бастамасының» («Берлиндік процесс» деп аталатын) жалғасы болып табылатынын атап өтті. Осылайша, «Жасыл Орталық Азия» климаттың өзгеруі мәселелері бойынша алты мемлекеттің қауіпсіздігі мен тұрақтылығы контекстінде жоғары деңгейдегі диалогты қолдауға бағытталған.

Министр М. Тілеуберді өз сөзінде неміс тарапына ұсынған бастамашылығы үшін алғысын білдіріп, оның Орталық Азия аймағы үшін маңыздылығы мен өзектілігін атап өтті. Сыртқы саясат ведомствосының басшысы жасыл экономиканы дамыту саласындағы мемлекеттік саясат, сондай-ақ Нұр-Сұлтан қаласындағы Халықаралық жасыл технологиялар орталығының қызметі туралы хабардар етті.

«Қазақстан Үкіметі алдында «жасыл экономиканы» дамыту бойынша ұқсас міндет тұрғанын ескере отырып, бізге осы бағыттағы неміс тәжірибесі қызығушылық тудырады. Біздің еліміздің халықаралық деңгейде ұсынған бастамалары Қазақстанның экономиканы экологияландыру, табиғи ресурстарды ұтымды пайдалану және қоршаған ортаға әсерді барынша азайтуға бейілділігін куәландырады», – деді Қазақстан СІМ басшысы.

Сонымен қатар, Орталық Азия елдерінің өкілдері аймақтың Германиямен және ЕО құрылымдарымен экология, қоршаған ортаны қорғау, жасыл экономика элементтерін енгізу және климаттың жылынуына қарсы күрес мәселелерінде ынтымақтастығының маңыздылығын атап өтті.

Конференция қорытындысы бойынша ресми делегациялардың басшылары нақты жобаларды іске қосуға жақсы негіз болатын Бірлескен декларацияға қол қойды.

Дереккөз: inform.kz

НҰР-СҰЛТАН. ҚазАқпарат – Қазақстанда гидротехникалық құрылымдардың техникалық жай-күйіне бақылау мен қадағалауды қамтамасыз ету үшін екі орталық құрылады. Бұл туралы бүгін Үкімет отырысында ҚР Экология, геология және табиғи ресрустар министрі Мағзұм Мырзағалиев айтты, деп хабарлайды ҚазАқпарат тілшісі.

«Су саласының өзекті мәселелері ретінде келесі жайттарды айтуға болады. Олар: ескірген инфрақұрылым және соның салдарынан болатын судың ысырапсыз пайдалануы; сапалы судың тапшылығы; тариф есептеуде қолданатын тетіктің әлсіздігі; білікті кадрлардың жетіспеушілігі; көршілес мемлекеттермен су бөлу мәселелері. Жоғарыда аталған проблемаларды шешу үшін Қазақстанның су ресурстарын басқарудың 2020-2030 жылдарға арналған бағдарламасын әзірлеу қажет. Осы мәселе бойынша Елбасы мен Мемлекет басшысының тиісті тапсырмалары бар», – деді министр.

Оның айтуынша, бағдарлама жобасының мақсаты – халықтың тұрмыс-тіршілігі мен елдің экономикасына жеткілікті су көлемімен қамтамасыз ету, су саласындағы экологиялық тепе-теңдікті сақтау.

«Біз бағдарламаның негізгі 10 бағытын анықтадық. Бірінші – халықаралық ынтымақтастық. Көршілес елдерден келетін негізгі су көздері Жайық, Ертіс, Іле, Сырдария, Шу және Талас өзендері болып табылғандықтан, келесідей шараларды іске асыру қажет деп есептейміз: шекаралас елдермен су-энергетикалық ынтымақтастық тетігін жетілдіру; келіссөздер ұстанымын күшейту мақсатында кәсіби келіссөздер топтарын қалыптастыру. Екінші – құқықтық базаны жаңғырту. Осы бағыт аясында су қауіпсіздік стратегиясы мен заң жобаларын әзірлеу, су ресурстар комитетіне салалық тарифтік реттеуші функциясын беру, және Біріккен Ұлттар Ұйымының тұрақты даму мақсаттарымен су ресурстар бағдарламасын үйлестіру ұсынылады», – деді ол.

Министрдің айтуынша, үшінші – институционалдық реформалау. Инвестициялық жобаларды тиімді іске асыру мақсатында «Қазсушар» республикалық мемлекеттік кәсіпорны АҚ ретінде жасақталады. Гидротехникалық құрылымдардың техникалық жай-күйіне бақылау мен қадағалауды қамтамасыз ету үшін екі орталық құру көзделген. Төртінші – су шаруашылығы инфрақұрылымын жетілдіру және қайта жаңғырту. Бұл ретте қолданыстағы республикалық меншіктегі 182, ал коммуналдық меншіктегі 300 гидротехникалық құрылымдардың қауіпсіз пайдаланылуын қамтамасыз ету үшін оларды қайта жаңғырту кажет. Жаңа 26 гидротехникалық құрылымдарды салу елдің экономикасы үшін қосымша жерүсті су қорларын жинақтауға мүмкіндік береді.

«Бесінші – су нарығын құру бойынша озық халықаралық тәжірибені зерттеу. Көптеген мемлекеттер сумен жабдықтау, су шаруашылығы инфрақұрылымын салуды қаржыландыру сияқты бірқатар мәселелерді су нарығының тетіктерін енгізу арқылы шешіп отыр. Мысалы, Австралия, Франция сынды мемлекеттерде бұл тәжірибе оң нәтиже көрсетті. Осы тәжірибені қолдану бізге де мүмкін болып отыр. Алтыншы – цифрландыру, «Smart Water» жобасы, суды үнемдеу. Су шаруашылығын цифрландыру, «Smart Water» жобасы мен автоматтандырылған геоақпараттық жүйені енгізу арқылы біз суды үнемдеу саясатын жүргізіп, пайдалану шығындарын төмендетіп және тұтынылатын судың сапасы мен мөлшерін нақты есептей аламыз«, – деді ол.

Мағзұм Мырзағалиевтің атап өтуінше, жетінші бағыт – су ресурстарын экологиялық тұрғыдан оңтайлы пайдалану. Бұл үшін заманауи технологиялар негізінде суды үнемдеудің жан-жақты саясатын енгізу, су мәселесіне азаматтық қоғам мен бизнестің қатысуы мен хабардар болуы, тасқын суды басқару жүйесін құру секілді қадамдар жасалуы қажет. Сегізінші бағыт – су саласының мамандарын даярлау және ғылыми тәжірибиені сүйемелдеу. Осы бағыт бойынша еліміздің жоғары оқу орындарындағы білім беру стандарттарын қайта қарауды, су секторының мамандарын даярлайтын профильді жоғары оқу орнын құру, әлемнің озық оқу орындарына халықаралық гранттар бөлу, ғылым жағынан қамтамасыз ету ұсынылады.

»Тоғызыншы – мемлекеттік-жекеменшік әріптестікті дамыту. Су саласындағы инфрақұрылымның инвестициалық тартымдылығын арттыру, су шаруашылығы нысандарын салу, қайта жаңғырту және жетілдіру жұмысына мемлекеттік-жекеменшік әріптестік тетіктерін жан-жақты енгізу керек. Оныншы – еліміздегі су тапшылығы бар аумақтарға басқа өңірлерден суды тарту үшін ұлттық маңызды су жобаларын іске асыру мүмкіндігін зерттеу қажет«, – деді министр

Дереккөз: ecogeo.gov.kz

Экология, геология жəне табиғи ресурстар министрлігі ұжымы сенбіде министр Мағзұм Мырзағалиевпен бірге Нұр-Сұлтан қаласында өткізілген қар тазалау акциясына қатысты.
#BizBirgemiz челленджіне министрліктің 200-ден астам қызметкері қатысты.

“Экология министрлігінің ұжымы бүгін астанадағы қар тазалау акциясын қолдады.

Оң жағалаудағы саябақты тазарттық. Биыл Нұр-Сұлтан қаласында қар қалың жауғандықтан, коммуналдық қызметке көмек керек-ақ. Еріктілер жылында бұл да бір игілікті шаруаның басы болды. Баршаңызға жəрдемдеріңіз үшін мың алғыс!”, – деп жазды ведомство басшысы Twitter-дегі өз парақшасында.

Атап айтқанда, Экология министрлігінің қызметкерлерінің күшімен Кенесары мен Республика көшелерінің қиылысындағы саябақ қардан тазартылды. 3 КАМАЗ қар шығарылды.

Жуырда Қазақстан Президенті Қасым-Жомарт Тоқаев қазақстандық əртіс Тұрсынбек Қабатовтың астана аулаларын қардан тазарту туралы ұсынысын қолдаған болатын.

“Волонтерлер жылындағы орынды бастама”, – деп жазды Тоқаев Twittrr-де. Соңғы күндерде Қазақстан астанасына қалың қар жауғаны белгілі.